1 Timotius 4:16 - Allah Wene Hurumbik Keron

¹⁶ Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

1 Timotius 4:16 ပူးပေါင်းရင်းမြစ်များ

Markus 13:9

Ariroho suhubon epmano hiniluk halug hinindimu yaha fanoroho welamuk-o. Hit hinebe sen hinaplug it ap suon wene baltuk ambeg inim, it Yahudi ap sembahyang uruk ambeg inim, og hinaplug hinombisahik laruk amuhupseg, yikangge hinusuhup-o. Eke hit hinebe epmano it yi ap di ap inowesi ininuk suon epmano inolohotma minduhup hisahakupmu, hiren An ninuk fam wene fano wene etno yig isaruk amag ulug og hinaplug inambeg hinombisahik lahup-o.

Lukas 21:34

At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

Kisah Para Rasul 26:22

Ariroho suruson oke, eke At Allahen nili oko ninim weregma, o yoho du fam hit suon inim, doron inim, obog-at nawene yig hisaruk ahi-o. Eke anden yig hisaruk ahion etno hag, it nabi ap inim, eke at Musa inimen hurumbik yig nisaruk wilil,

Kisah Para Rasul 6:4

Minduhup isaruk amulteg, niren it aphe wene yig iseheg, sembahyang eheg suruk amuhuk-o.”

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

Roma 16:17

Nomini-o, it ap ninen aphe fano werehon healoko imbiseheg, eke it apheyen wene demat ulug ebetukon etno seberoho embeheg, eke wene yanggul hisarukukon epmano hai neken inahla beheg surukon epmano fikfag yaharoho wilil, hinim dambuksoho welam fug-o, ulug yig hisaruk ahi-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Korintus 9:22

Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.

1 Korintus 9:27

Eke anden it ap nin wene yig isarikikon epmano onggo fanowon epmano og num sohorep nahuk nowen ulug an nebe seberepataruk wilil, at etno anggimburepatiog ulug suruk ahi-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

Kolose 4:17

Eke at Arkhipus etno, Allah yabuk suruk amag ulug yig hitision etno fanoroho-at suhun-o, ulug yig imuk-o.

1 Tesalonika 2:16

Ariroho wereg ari, it ap Allah wene inapelehon epmano wene inili wawon etno niren yig isa nowen ulug nit bok amag ulug surusa-o. Ariroho surusa ari, iren nintul nantul dag suruson epmano atog ilitoho neken suruk atusama, kidia At Allah asine inobam mondog wereg-o.

1 Timotius 1:3

Nomin-o, an bilin o Makedonia liog ulug yig hitikik etno ilitoho, kidia o Efesus welamag ulug yig hituk ahi-o. Eke o epma it aphe ninen inenggal wene yig isaruk halug, haren winimug isaruk amuk-o.

1 Timotius 4:15

Eke yi wene di wene yig hirihion epmano hindimu ebetuk wilil, aphe yig isaruk amin-o. Ariroho yig isaruk healug, it apheyen haren balepfulug, wi, ap du indimu iluk mondog wereg-o ulug inahla buhup-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

2 Timotius 3:14

It ariroho suruk amuhubon oke, eke hat hag wene du demat ulug yanggul hitusama eberoko warikin-o. Eke ap dumen yanggul nitusa ulug hiluk welahen-o. Eke hat hebe udag doron famen Alkitab etno hiluk welatikin-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Titus 1:9

eke wene du demat ulug indi fam eberoko waru­kon inim, ap arion aphe inindi aso welamag ulug minduhupfuk ari fano-o. Eke ap arion halug, wene etno fanoroho iluk wilil, it aphe nin inesanggo wareheg, eke it nin inenggal urukon epmano winimug yig iseheg suruk aruhu-o.

Titus 2:15

Wene du yig isaruk wilil, it aphe hune inesanggo holtukon epmano inaso welaheg, eke inesanggo wareheg suruk amin-o. Ariroho suruk healug, eke ap misihen hat seberep hahaku fug-o.

Titus 2:7

Eke hat hag yiro­ho seheg diroho seheg fanoroho suruk healug, aphe inil og hap­tuk wereg-o. Iren fanoroho suruk amag ulug hat inim fanoroho suruk amin-o. Eke haren wene yanggul isaruk ahenon etno motoho yig isaruk amin-o. Ap inindi oag werehonen demat yig isaruk etno hag hat yig isaruk amin-o.

Filemon 1:19

Eke an ninggik fam holal baltuk wilil, onggo an Paulusen umbuhuk-o, ulug yig hituk ahi-o. Eke anden hat hili warikikseg fam nomat neken hobam wereg ari anden yig hum ari hai-o. Hat-at hiluk-o.

Ibrani 12:15

Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

Yakobus 5:20

Eke hiren ap dahan fahan sil nurukon etno onggalem mot amag ulug indi werehap suruk hisalug, ap etno ebe ili oko aren yi dag di dag surukon epmano sohorep isalug, obam apelegsoho apma umbuhu-o. Eke ari halug, hit obog alem ari fam hinindi fikfag ebetuk amiek-o.