1 Timotius 4:15 - Allah Wene Hurumbik Keron

¹⁵ Eke yi wene di wene yig hirihion epmano hindimu ebetuk wilil, aphe yig isaruk amin-o. Ariroho yig isaruk healug, it apheyen haren balepfulug, wi, ap du indimu iluk mondog wereg-o ulug inahla buhup-o.

1 Timotius 4:15 ပူးပေါင်းရင်းမြစ်များ

Matius 5:16

Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.

Kisah Para Rasul 6:4

Minduhup isaruk amulteg, niren it aphe wene yig iseheg, sembahyang eheg suruk amuhuk-o.”

1 Korintus 16:15

Eke at Stefanus omini epmano inim inobabut fanowon etna hiniluk-o. It epmano o Akhayaen bilin At Allah wene warusareg, it Allah udakion epmano fanoroho inaso wereg-o, nomini.

2 Korintus 4:14

Eke At Allahen Ninowe Yesus iluksoho minduhupfebag etno fam nit inim hit inim At Yesus inim welamag ulug At il fam niniluksoho minduhup nisahaku-o.

2 Korintus 8:5

Eke niren it du arat umburusa ulug ninahla burukukon oke, fobik obam seberoho inim umburusa ari, it bilin inebe At Ninowe etno og itusareg, fobik At Allahen ahla buruk etno ilitoho inebe nit-at og nisarusa-o.

1 Timotius 4:14

Eke bilin it ap Allah wene yig isarukon epmanowen hat hungguluag ininggik seneg wilil Allah wene yig hitusama, Allah wene yig isawon etno og hitisi ari hapeleg am fug-o.

1 Timotius 4:16

Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.