1 Timotius 4:1 - Allah Wene Hurumbik Keron

¹ At Roh Kudusen duroho ulug bukaloko yig nisaruk-o, eke fobik it ap ninen Allah wene demat urukon etno seberoho umbulug, it setanen inenggal wene urukon etno yanggul isaruk amuhup-o.

1 Timotius 4:1 ပူးပေါင်းရင်းမြစ်များ

Matius 18:7

Yi angge di angge epmano fam it aphe dag sukag ulug wereg ari, it o kweanma duma inabua-o. Eke it aphe ninen eke it nin dag sukag ulug inindi kahalik wamuhubon oke, it ariroho suhubon ari inabua-o.

Lukas 17:1

At Yesusen omini yig isaruk wilil, “It aphe ninen eke it nin dag sukag ulug inindi kahalik wamuhubon oke, it ariroho suhubon ari inabua-o.

Yohanes 16:13

Eke fobik At Roh Kudus wene demat uruk amon yanggul hisahuon etno waharuk aruhureg, wene demat uruk amon etno obog-at bukaloko yig hisaruk aruhu-o. Ariroho yanggul hisaruk aruhu ari, At akeleg indien bulug-at yig hisaruk aruhu fug-o. At bilin esanggo holtision etno-at yig hisaruk wilil, yiroho diroho fobik suhuon epmano yanggul hisaruk aruhu-o.

Kisah Para Rasul 13:2

It obog dambuksoho wilil, orom nenggeg eleg Allah yabuk-at surukmu, At Roh Kudus etnowen yig isaruk wilil, “It Barnabas, Saulus yabuk Anden yanggul isarikikon epmano sukag ulug fuloko minduhup isiek-o,” ulug yig isaruk apagma,

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 20:23

Eke an o ahik ya da sil nuruk neyeheg, At Roh Kudusen yig nituk wilil dahon hobam hombahalug, o it aphe dahon imbisaruk ambeg epma kolap hahakup ulug hurumbik yig nitisi-o.

Kisah Para Rasul 21:11

Ninambeg waharuk atisireg, at Paulus aserlog holaruk atisireg, inggik iog homag sarisi. Homag saruk atisireg yig isaruk wilil, “An At Roh Kudusen yig nituk-o. Ap aserlog du unde etno anden niog homag sihi du ilitoho, fobik it Yahudi aben o Yerusalemen hele waroko it ap Allah wene inapelehon epmano og isahup-o,” ulug yig nisaruk atisimu,

Kisah Para Rasul 28:25

Ariroho suruk atusareg, wilip amuog ulug, at misihen eheg, at misihen eheg surukmu, at Paulusen yig isaruk wilil, “At Yesayaen Roh Kudus fam it ninetamuki yig isebahon etno yig hisamin-o. Ari bilin at Yesayaen yig isaruk wilil,

1 Korintus 10:20

Ari ebe eleg-o. Iren umburukon ari Allah ake ulug umburuk eleg-o. Eke hit epma monggat hinim welam ari nambit-o.

1 Korintus 11:19

Eke it hinim welahebon arien fano surukon epmano selegma amag ulug, hinim healeg welahep etno alem ari-at-o.

1 Korintus 12:11

Eke yi angge di angge obog og nisarukon epmano ilitoho suruk amag ulug At Roh Kudus misig etnowen-at og nisaruk ari, At ahla buluhen nit yi aphe di aphe nineyabuk dombog-at og nisaruk-o.

1 Korintus 2:10

Ariroho ninombisaharuk apareg, fobik At Roh Kudus etno fam yanggul nisebag. Eke At Roh Kudusen yi angge di angge obog alem heaharuk wilil, At Allah indi undamen ahla burukon etno inim-at alem heaharuk wereg-o.

2 Korintus 11:3

Eke bilin at walo etnowen hwe Hawa enggal-at yig ituk wilil indi kahalfag etno hag, hit ariroho hinindi ebetuk ahebon epmano hinapeleg atlug At Kristus mutlug motoho lawon etno sohorep isao ari an nakol-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

2 Timotius 4:4

Ariroho suruk amuhup ari fam wene demat urukon etno inesanggo holuk sohorep isalug, we inenggal dindilabug urukon etno-at inesanggo holtuk amuhup-o.

Yakobus 3:15

Eke ariroho surukon ari, alem boholmen waharuk eleg-o; kweanmen-at wereg atuk ari, at setanen suruk epmano hag suruk-o.

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

2 Petrus 3:3

Eke misig du hit hiniluk amag ulug yig hisaruk ahi-o. Fobik it ap inindien bulug inenggal urukon etno yig hisa wamuhup-o. Yig hisa wamuhupseg, hinahunda yabuog ulug yig hisaruk wilil,

1 Yohanes 2:18

Nomini-o, yi angge di angge eleg atukon etno fanggog uruk-o. Eke at antikristus, ari Kristus inim healeg werehon etno, waruhu ulug hinesanggo holtuk atikip etno hag, kidia antikristus inebe anggolo atusa-o. Anggolo atusa famen, yi angge di angge eleg amon etno fanggog uruk ulug niniluk atuk-o.

1 Yohanes 4:6

Nit Allah udakion halug, Allah wene-at yig isaruk ahe-o. Eke it Allah obam ebetukon halug, ninune inesanggo holtuk-o. Eke it Allah obam ebetuk elehon halug, ninune inesanggo holtuk eleg-o. Eke it kweanmonen uruk ari dahan fahan uruk halug, At Roh Kudusen demat uruk-o ulug ninindi ebetlug niniluk atuk-o.

Yudas 1:18

It etnowen wene hurumbik etno uruk wilil, “Fobik hit hinahunda yabuhubon etno waharuk amuhupseg, it inindi dahonen surukon etno-at sil wamuhup-o,” ulug wene hurumbik ebahon etno hit hiniluk-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Wahyu 13:14

Belabik waharuk atisireg, at walo bilinon etno inim wilil, sukfugangge suon etno suruk ati­sireg, it aphe obog at enggal-at yig isari­si-o. Ariroho eng­gal-at yig isaruk atisireg, eke fobik it aphe kweanmon epmano obog-at yig isaruk wilil, “Walo suon ungguluag karog fam baloko warepfebahon etno oke, iluk werehon etno inuk suontepfukag ulug ebe misig ilitoho siek-o,” ulug yig isaruk atisimu etno ilitoho-at surusa-o.

Wahyu 16:14

Ariroho suruk isarikikon etno, it inebe henahan wilil, sukfugangge suog ulug it aphe kweanmon inowesi suon inambeg epmano larusa-o. Laruk atusareg, eke it epmanowen it inowesi suon epmano wene wim sukag ulug At Allahen inoag delu­hu ambeg epmano wonggal inabuog ulug surusa-o.

Wahyu 18:2

Yangguk atisimu, at ma­lai­kat etnowen une suon uruk wilil, “Babel suon etno bule ambe­hek­ma, it iblis etno inim, it inahurangge dahon epmano inim, o Babel olunmu epmano wereg-o. Eke yi sue di sue obog dahon epmano wereg-o.

Wahyu 18:23

Eke eral fisaho etno epma welaruhu fug at-o. Eke o Babel epmen aben hwe holahup fug at-o. Eke it nin o Babel epmen onggo hundutuk wilil, inaharek anggolo holaruson oke, it yi aphe di aphe obog inenggal-at yig isaruk atu­sa-o,” ulug at ma­laikat etnowen irisi-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Wahyu 2:11

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho welamuhubon halug, birenam waramon etno inobam umbuhu fug-o,” ulug yig nitisi-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Wahyu 2:29

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.

Wahyu 20:8

at ebe o ahik ya da epmano inim, o Gog Magog epmano inim enggal wene yig isil larisi-o. Ariroho yig isil laruk atisireg, wim suog ulug at iblisen inebe anggolo balu inaptisireg,

Wahyu 3:13

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 3:22

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 3:6

Eke hinesanggo wereg ha­lug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 9:20

Waratuk atusama, eke it nin iniluk welatuson epmanowen du Allah ilitoho ulug ininggi­ken haloko umburuson etno sohorep isarusa fug-o. Sohorep iseheg eleg wilil, iblis iren angge emas, perak inim, eke helep e inim fam halehon etno inilanggen wereg oke, yet isaruk elehon, ine­sanggo wereg oke holtuk elehon, iniog wereg oke laruk elehon epmano-at obam inindi ebetusa-o.