1 Timotius 3:15 - Allah Wene Hurumbik Keron

¹⁵ At Allah iluk werehon udaki etno ari wene demat urukon etno waruk wilil, o wut oag helep neken aplohok uruk elehon belabeg etno ilitoho wereg-o.

1 Timotius 3:15 ပူးပေါင်းရင်းမြစ်များ

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 18:18

At Yesus etnowen yig isaruk wilil, “Hit obog-at yig hisaruk ahi-o. Eke hit kweanmen ari suk fug-o ulug winimug uruk hisalug, boholmen ilitoho-at winimug uruk-o. Eke hit kweanma dumen ari suk fano-o uruk hisalug, boholmen ilitoho-at fano uruk-o.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 18:37

Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

Yohanes 6:69

Wene etno nit ninindimu eberoko warukukseg, At Allah iluk mondog werehon Amloho Kristus etno Hat demat welahen ulug niniluk-o,” ulug yig epag.

Kisah Para Rasul 1:2

At Yesus etno boholma lahiog ulug suruk wilil, Roh Kudus fam At omini heag inapahon epmano, hit ariroho suruk amuk-o, ulug inesanggo wapag. Inesanggo watuk apareg, ahla buruk wilil, An nebe warehon oke niluksoho minduhup naharision etno inilanggen neawag ulug lamin-o, ulug ahla buruk apareg inambeg lebag.

Kisah Para Rasul 14:15

“Nit ninebe aphe-at oke, hit keroho ulug yi angge di angge uson epmano nininuksoho og nisuog ulug suruk ahep-o? Ariroho suruk ahebon oke, ebe uson etno hiren elegsoho umbukag ulug wene fano wene etno yig hisa wahe ari, At Allah iluk mondog werehon etnowen bohol inim, kwean inim, ik inim, eke yi angge di angge inim obog-at wal hebahon epmano inuk wahuben ulug yig hisa wahe-o.

Roma 3:2

Ari eleg-o. It nin hag yi angge di angge og isebahon oke, it Yahudi ap epmano hag At Allahen obam seberoho og isebag-o. Eke misig fanowon og isebag ari, Allah wene etno-at seneg welamag ulug og isebag-o.

Roma 9:26

Eke hinebe Allah udaki welahep fug ulug yig isaruk ambeg epmanowen At Allahen ilukon etno udaki welahep ulug yig isaruk amuhup-o,” ulug at Hosea etno yig epag.

1 Korintus 10:32

Eke it Yahudi ap inim, eke it Yunani ap inim, it Allah udakion inim, it obohen hit suruk ahebon epmano inilanggen hisalug, iren keroho suruk ulug inahla buruk wilil, inambit ha nowen ulug, hiren motoho-at suruk amiek-o.

1 Korintus 3:16

Eke hit hinebe At Allah ifaleg neken-at welahep oke, eke hit At Roh Kudus etno ninindimu wereg eleg buruk ahep ano?

2 Korintus 3:3

Eke hinebe ninaholal baleg neken welahebon ari, At Kristusen baloko belap nisa waharisi-o. Eke ninaholal balehon ari helep fam ambusu watuk etno hag imbirisi fug-o. We ninaholal ari At Allah ilukon Roh Kudus etnowen aphe inindimu holal baleg etno imbirisi-o.

2 Korintus 6:16

Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

2 Korintus 6:7

Eke At Roh Kudusen yig nisarukmu yig isaruk aheon etno inim, eke aphe ninim demat ninindi hunduhuk welaheon etno inim, eke wene demat urukon yig isaruk aheon etno inim, eke At Allah oag fam ninoag weregsoho suruk aheon etno inim, niren obog-at suruk wilil yanggul isil nuruk ahe-o. Eke ininggik bikit fil warukon etno inim, eke ininggik harebag fil werehon etno inim ilitoho-at walug wim abil laruk apag etno hag, nit motoho suruk amon etno-at walug sil nuruk ahe-o.

Galatia 2:9

Eke it Yakobus, Petrus, Yohanes it du ninowesi ulug uruson epmanowen at Paulus Allahen eyabuk akeleg-at og itisi ulug inindi ebetuk atusareg, an inim, at Barnabas inim ininggik og nisarusa-o. Ariroho dambuk uruk atukukseg, at Paulus, Barnabas inim it aphe Allah wene inapelehon epmano yig isil lahup-o, eke it nin hag it Yahudi ap yig isil lahup-o, ulug wene ariroho urukuk-o.

Galatia 3:1

Hit Galatia ap urunangge du wai. Hit wene demat uruk ahebon etno hinapeleg amag ulug at sen enggal-at yig hisarisi-o? Eke At Yesus Kristus e fam lenggaloko warepfebahon etno hinil fam fikfag yangguloko yig hisarusa fug ano?

Efesus 4:21

Eke At awene etno yig hisarukmu hinesanggo holtikipseg eberoko waruk hisalug, At Yesus awene demat urukon etno yanggul hisarusa-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

1 Timotius 3:14

Eke an dulum hea waruhuk ulug nahla buruk ahion oke, dot welatlug-at waruhuk ano ulug an napelehen, yi wene di wene epmano bilin holal baloko hombaharuk ahi-o. Eke hat hebe At Allah udaki hinim sil nuruk wilil, keroho sil nuruk aruhuk-o ulug hiluk amag ulug wene holal du baloko lahap hirik wahi-o. Eke At Allah udaki ari At ibam neken weregma, wene fano wene etno o andorli oag weregsoho belabeg etno ilitoho wereg-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

1 Timotius 3:2

Eke it ap aphe inindi aso welamon ari, aphe inune at obam umburuk elehon halug, eke hwe misig-at ohowon halug, eke onggarehen indi aso wereg halug, eke indi seberoho werehon halug, eke fanoroho surukon halug, eke ap huso waharukim fanoroho inim nohorukon halug, eke aphe fanoroho yanggul inaptukon halug,

1 Timotius 3:5

Eke ap misig at udaki inaso welam hai halug, eke Allah udaki epmano keroho inaso welaruhu-o?

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

1 Timotius 6:16

Eke At akeleg waratuk elehon itog mondog wereg-o. Eke At etno o selegma-at weregma, horogsoho lao hai-o. Eke At ebe apheyen inilanggen haruk eleg-o. Eke At ebe oag werehon itog mondog welamon etno At inuk suontepfuruk amuk-o ulug an demat yig hirihi-o.

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

2 Timotius 2:20

Eke o suon ari fam yi sohorluk di sohorluk anggolo wereg-o. Eke emas olohoreon inim, eke perak olohoreon inim werehon ari inebe suon anduhunmu neken wereg-o, eke e olohoreon inim, eke kwean kabog olohoreon inim werehon ari we doron apma neken wereg-o.

Ibrani 10:21

Eke At Allah unde suon misig At ibam aso werehon etno nit Ninowe-at wereg-o.

Ibrani 12:22

Eke hit hag dom Sinai alma epmano laruk atikip fuhon oke, dom Sion ari At Allah iluk mondog werehon etno ibam, o Yerusalem boholmon, it malaikat inebe anggolo beribu-ribu wereg ambeg epmano hag horogsoho waharikip-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

1 Petrus 2:5

At etno o wut oag neken weregma, hit o hobat neken hinombisaharisi-o. Ari halug, At Yesus Kristus inuk fam Allah yabuk fanowon etno hinahiroho suruk amiek-o.

1 Petrus 4:17

Eke horog kidia aphe oag deloko imbisahu halug, it Allah udaki epmano hag bilin-at inaren baluhu-o. Eke nit bilin-at ninaren baluhureg, it Allah wene fano wene waruk elehon epmano fobik keroho inaren baloko imbisahu-o?

Wahyu 7:2

Seneg weregma, at malaikat misi­hen it aphe du At Allah iluk werehon etno udaki at-o, ulug fuloko imbisiog ulug waharuk atisireg, eke it malaikat inebe empat o kweanma inim, ikma inim, dahapsukag ulug At Allahen minduhup isarision etano at malaikat misig etnowen yig isaruk wilil,