1 Timotius 2:5 - Allah Wene Hurumbik Keron

⁵ Eke At Allah etno misig-at wereg-o. Eke At Allah nit aphe ninim dambuk ninaptukon etno ap misig inuk Yesus Kristus etno-at wereg-o.

1 Timotius 2:5 ပူးပေါင်းရင်းမြစ်များ

Matius 1:1

At Yesus Kristus, Abraham Daud etamu etno, At etamuki umbiasi welapahon ininuk du at-o.

Matius 1:23

At nabi etnowen hurumbik yig isaruk wilil, ‘Hwe duhumon misig udag ahumla aruhuon etno du ha manu-o. Aren fobik udag etno ap angge-at enderuhumu, inuk Imanuel soaluhup-o.’ Eke, inuk ari, ‘Allah ninim welahe-o’ ulug soaluhup ulug at nabi etnowen ebahon etno yig hirihi-o,” ulug at malaikat etnowen Yusuf yig epag.

Lukas 14:22

fobik yig ituk wilil, ‘Nikni-o, Haren yig nerehenon epmano ilitoho arat sihireg oke, atog anggen wao ambeg kolo-at wereg-o,’ ulug yig epag-o.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

Roma 1:3

Ari, wene fano wene etno At Allah Amloho Ninowe Yesus Kristus etno at Daud etamu neken endag apahon oke,

Roma 10:12

ulug nit obog-at yig nisaruk ari, dahan fahan ninombisahalug yig nisaruk eleg-o. It Yahudi ap inim, it Allah wene bilin inapeleg welatuson epmano inim ilitoho-at yig nisaruk wilil, At Allah ebe it obog-at Ninikni wereg-o. Eke nit obohen At obam kino yig ituk nisalug, ahien anggolo-at ninobam umbuhu-o,

1 Korintus 8:4

Eke alem misig, wam inu fam kwanangge usa suruk wilil narukon epmano, monggat ebe kweanma duma misig wereg eleg-o. At Allah akeleg-at suon wereg ulug niniluk welahe-o.

1 Korintus 8:6

Eke Ninowe inuk suon At Yesus Kristus misig-at wereg-o. Eke yi angge di angge epmano obog alem At Yesus-at wereg-o; nit ninebe alem etno At Yesus-at wereg-o, ulug ninahla buruk ahe-o.

Galatia 3:20

Eke wene duroho suruk amuk eke duroho suruk am fug ulug ebahon etno it malaikaren at ap hirohowon etno belap irik wapagma, aren it aphe obog og isebag. Eke it ap wene baltukon epmano it femag fil eleg halug, ap hirohowon etno ebe bulmu wereg eleg-o. Eke At Allah etno ebe misig-at wereg-o.

Efesus 4:6

Eke nit obog Ninikni suon Allah akeleg-at werehon etnowen nit obog At eyabuk suruk amag ulug ninoag werehep nisahakeg, eke nit obog ninindimu welaheg suruk-o.

1 Timotius 6:13

Eke At Allah yi angge di angge iniluksoho umburukon etno inim, eke At Kristus Yesus at Pontius Pilatus il fam demat wene ebahon etno inim it ininuk fam yig hituk ahi-o,

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Ibrani 8:6

Ariroho yig epahon oke, it ap kweanmon Allah unde epmanowen suruk ari, doron at-o. Eke At Yesus etno Allah unde suon wilil eyabuk akelehon-at suruk amag ulug minduhupfebag-o. Eke hurumbik amukon yig nisebahon ari doron at-o. Eke hurumbik keron etno hag, At Yesusen it aphe At Allah inim dambuksoho imbisebag etno fam, At Allahen yi angge di angge fanowon-at og hisahuk ulug abug yig nisarukon ari suon-at wereg-o.

Ibrani 9:15

Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.

1 Yohanes 2:1

Eke dag surukon etno sohorep isaruk amuhuben ulug, holal du bal hisihi-o, nudaki. Eke at misihen dag suruk halug, At Yesus Kristus Ikni Allah olohotma ninake urukon wereg-o.

Wahyu 1:13

inanggelegma bulmu epmano at misig ebe ap hahon etno asum yaron iogmu wanteg wilil, amigmu aserlog emas fam sehon etno wanteg weregma harikik-o.