1 Timotius 2:4 - Allah Wene Hurumbik Keron

⁴ it aphe obohen wene du demat-o, ulug inili holawag ulug yig isaruk-o.

1 Timotius 2:4 ပူးပေါင်းရင်းမြစ်များ

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Markus 16:15

Winimug yig isaruk apareg, eke fobik yig isaruk wilil, “Hit o kweanma o ahik ya da epmano laruk amuhupseg, it yi aphe di aphe epmano obog-at wene fano wene etno yig isil nuruk amuk-o.

Lukas 1:77

Yatuk aruhunteg, it aphe obog yig isaruk wilil, ‘Hiren dag suruk atikibon epmano sohorep isalug, hinobam hinapelegsoho apma hinombisahaku etno fam, hinahap wendaruhu-o,’ ulug haren yig isaruk aruhun-o.

Lukas 14:23

Yig ituk apagma, at iknien anggimbu etno yig ituk wilil, ‘Halug, nibam aphe obog keleg amag ulug selema filen wol isa lag-o.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 17:17

Ari halug, it epmano Hat hudaki welamag ulug wene demat uruk amon etno yanggul isaruk amin-o. Eke wene demat urukon etno Hat hawene at-o.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

2 Timotius 2:25

Eke it hag inindi wereg atlug ioba yatuk wilil, wene demat urukon etno iniluk atuk amuhupseg,

2 Timotius 3:7

Eke it hweap yuhun-at werehon ari, inindien-at suruk wilil, dag anggolo-at suruk-o. Ariroho suruk wilil, wene keron misig niluk amag ulug surukon oke, wene demat urukon etno inapeleg welamuhup-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

Titus 2:11

At Allah indi hunduhuken og nisebahon etno it yi aphe di aphe inili wawag ulug selegma apag-o.

Ibrani 10:26

Eke nit wene demat uruk amon etno arat niniluk atukukseg oke, fobik dag suk ninahla buruk wilil suruk nisalug, At Allah ake misig etnowen ninobam ninapelegsoho apma ninombisahaku fug-o.

Yakobus 3:14

Eke hit hinuneyen nambit hambit eheg, eke hinindi famen hinasine heheg, eke yi angge di angge an-at hulik ulug hinahla beheg suruk wilil, an-at suon ulug, fano wene etno sohorep isalug hinenggal wene etno uruk am fug-o.

2 Petrus 3:9

Ari it inapelehon epmanowen At Allahen orog-at suruk hehe-o ulug uruk oke, orog-at suruk eleg-o. Aren ninabua nisaruk wilil, war ninabuk amberaken nit obog dag suruk aheon epmano seberepfulug sohorep isawag ulug ninaso wereg-o.

2 Yohanes 1:1

Nahaloho-o, an ap Allah wene yig isarukon etnowen holal du baltuk ahi-o. An it Allah wene urukon epmano ninim wilil, hat inim, hat hudaki inim, hit obog nit ninindi hunduhuk welahe-o.

Wahyu 14:6

Eke fobik at malaikat misig boholma anduhunmu leng­galtug larukmu, nilanggen harikik-o. Nilanggen lahap haruk atikikmu, at malaikat etnowen it o ahik ya da inune yion dion obog-at urukon epmano wene fano wene etno une oag weregsoho yig isa­ruk wilil,