1 Timotius 2:3 - Allah Wene Hurumbik Keron

³ Ariroho uruk wilil, ninebe fano mondog weregma, At Allah ninili warukon etnowen ari fano at-o, ulug ahien nisarukmu,

1 Timotius 2:3 ပူးပေါင်းရင်းမြစ်များ

Lukas 1:47

At Allah nili warukon etno obam nahien haruk ahi-o.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Timotius 1:1

Nomin Timotius wai. An Paulusen hat namloho ninim Allah wene waruk aheon etno holal du bal hituk ahi-o. Eke At Allah ninili warukon etno inim, eke At Kristus Yesus fobik fano ninabuhuon etno inimen At Kristus Yesus awene yig isil nuruk amag ulug minduhup naharusa etno ilitoho,

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

1 Timotius 5:4

Eke it hweap suhweon inudaki inumbiasi wereg halug, iren nombapa bilin naso welatision du onngo og irik ulug yalmag inaptuk amag-o. Ari bilin At Allahen ariroho suruk amag ulug yig nisebahon etno ilitoho suruk nisalug, ahien ninobam umbuhu-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

Ibrani 13:16

Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

1 Petrus 2:20

Eke ap misig dag suruk halug, yikangge watuk-o. Eke hit fano suruk ahebon yikangge war hinaptuk isalug, At Allah ahien hinobam umbuhu-o.

1 Petrus 2:5

At etno o wut oag neken weregma, hit o hobat neken hinombisaharisi-o. Ari halug, At Yesus Kristus inuk fam Allah yabuk fanowon etno hinahiroho suruk amiek-o.