1 Timotius 1:9 - Allah Wene Hurumbik Keron

⁹ Eke wene duroho suruk amuk eke duroho suruk am fug ulug ebahon etno it aphe fano surukon epmanowen fano suruk amag ulug yig isebag fug-o. Ari it dag surukon inim, eke it dahan fahan surukon inim, eke iniknisi inisasi war inaptukon etno inim, eke it ap watukon etno inim,

1 Timotius 1:9 ပူးပေါင်းရင်းမြစ်များ

Matius 10:21

Eke fobik hinomin misihen omin misig wabukag ulug inggik senoko og iseheg, eke at iknien udaki war inabukag ulug ininggik senoko og iseheg, eke inudakien iniknisi war inabukag ulug ininggik senoko og iseheg suruk amuhup-o.

Roma 1:30

Eke ariroho aik dahog uruk wilil, inabug baleheg, eke At Allah abug baleheg suruk-o. Eke inindimu dag-at wilil, an suon at-o, ulug iren-at suontepateheg, eke it nin inahlahirep iseheg suruk-o. Eke iniknisi inisasien inune yig isarukon sahaloko embeheg,

Roma 4:13

Eke At Allahen hat Abraham hetamuki hinim o kweanma duma unde welamuhuben ulug og hisahuk-o, ulug abug yig epag etno, at Abrahamen wene duroho suruk amuk eke duroho suruk am fug ulug ebahon etno ilitoho surukmu yig epag fug-o. Eke at Abraham Allah obam ebetuk halug, inim dambulfag etno fam yig epag-o.

Roma 5:20

Eke dag surukon etno du dag suruk ulug iniluk amag ulug wene duroho suruk amuk eke duroho suruk am fug ulug ebahon etno og isebag-o. Eke ariroho du dag suruk ulug selegma atuk apagma, alem At Allahen inabua isarukon etno-at su apag-o.

Roma 6:14

Eke at alem dag surukon etno hinowe suon neken welam ari hai-o. Eke hit wene komo yig hisebahon etno apma neken welahep fug-o. At Allahen-at hinabua hisaruk heheg welahep-o.

Galatia 3:19

Eke ari halug, wene duroho suruk amuk eke duroho suruk am fug ulug ebahon etno nongge farim yig isebag-o? Eke ari, it apheyen dag surukon epmano du dag-o ulug bukal amag ulug yig isebag-o. Eke wene duroho suruk amuk eke duroho suruk am fug ebahon ari, at Abraham etamu abug yig epahon etno ebe awan waharuk eleg heheg yig isebag-o.

Galatia 5:18

Eke At Roh Kudusen yig hisarukon etno demat suruk ahep halug, it Yahudi aben wene duroho suruk amuk eke duroho suruk am fug ulug ebahon etno anggimbu neken welahep fug-o.

Galatia 5:21

eke aphe inambit hun inaptukon etno inim, eke ap watukon etno inim, eke it e anggur ambusu donggogsoho narukmu nenek surukon etno inim, eke inahum fituk heheg narukon etno inim, yi angge di angge arion obog-at suruk am fug ulug yig hisarikikon etno fobik inim-at dahagsoho yig hisamin-o. Eke it aphe obog ariroho surukon epmano fobik At Allah weregma kuhup fug-o.

Galatia 5:23

eke inindi seberoho welamon etno inim, eke inonggareg inindi aso welamon etno inim, it aphe yiroho diroho fanoroho suruk amon etno obog-at suruk isalug, fobik inebe dag seko imbisahu fug-o.

2 Tesalonika 2:8

Eke at ap dahon etno arat waharuk aruhumu, At Ninowe suon Yesus etno oag weregsoho waharuk aruhureg, At ele ahahe oag werehon etno fam ap dahon etno warepfuhu-o.

1 Timotius 4:7

Ariroho wilil, urunanggeroho urukon etno inim, eke dindilabug urukon etno inim sohorep isin-o. Sohorep isalug fano wene etno ilitoho suruk ariog ulug yanggul saruk amin-o.

1 Timotius 6:20

Timotius wai, yi wene di wene hat unde welamag ulug yig hitikikon epmano fanoroho hat seneg welaruhun-o. Eke it aben inune suon uruk wilil, inenggal urukon etno inim, eke it Allah wene inapeleg wilil nit wene keron etno niniluk at-o, ulug yamintal neken urukon etno inim, obog-at sohorep isin-o.

2 Timotius 2:16

Eke At Allah ebe hinapeleg am nowen ulug, yi angge di angge epmano farim winimug aptuk am fug-o.

2 Timotius 3:2

Eke fobik it aphe an-at hulik ulug inahla burukon etno inim, an uang nindi urukon etno inim, inindi arikon epmano inim, inonggarehen suontepatarukon etno inim, eke it aphe inobam denggeltukon etno inim, eke iniknisi inune holtuk elehon etno inim, eke wa ulug uruk elehon etno inim, eke Allah wene fanoroho ebetuk elehon etno inim,

Titus 1:10

Eke it nin hag, inindimuen an suon ulug buruk wilil, an-at niluk-o, ulug yig iseheg, eke it aphe nin inindi kahaleheg suruk-o. Eke it bilin Yahudi ap wela­pahon epmano ariroho suruk-o.

Titus 1:16

Eke inuneyen nit At Allah ebe niniluk-o ulug urukon oke, eke iren surukon etno fam At Allah ebe inapeleg-at-o, ulug selegma atuk-o. Eke it epmano yi dag di dag seheg, eke Allah wene inesanggo holuk sohorep iseheg, eke fanoroho suruk amon etno inapeleg aheg suruk-o.

Titus 1:6

eke at udaki Allah wene demat ulug ebetuk isalug, eke ap du udaki inesanggo wareg eleg wilil inikni une holtuk eleg-o, ulug it aphe ninen inune obam umburuk eleg isalug, ap arion-at Allah wene yig isarukon welamag ulug mindu­hupfuk fano-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

Ibrani 11:31

Eke at hwe misig yuhun-at wanggik surukon inuk Rahab etno indi demat ulug ebetuk wilil, it ap o inilanggen wenahik wapahon epmano inaohi esag inapag etno fam, it aphe Allah wene inesanggo holtuk apag fuhon epmano inim war inaptuk wilil, at hwe etno hag sohorep isebag.

Ibrani 12:16

Eke at Esau etno manggia-at endag apareg fam, wene ap manggien uruk amon etno unde welatlebon oke, orom dorat farim onggo baltuk wilil, at ebe fobikon neken apag-o. Eke at obabut dahon wilil, dahan fahan suruk apag etno hag, hit ariroho sehep ha nowen fikfag welamuk-o.

1 Petrus 2:7

hit Allah wene waruk ahebon epmanowen, “O wut oag du fanowon-at hehe-o,” ulug uruk ahebon oke, eke wene holal misig du wereg-o, “It o faltukon epmanowen o wut oag du sohorep isul uruson oke, eke Anden o wut oag ulug minduhupfirikik-o,” ulug ariroho ebag.

1 Petrus 3:20

Yig isa lebag etno it amuk Allah une holtuk apag fuhon etno-at yig isa lebag. Ari at Nuh etno so faltukmu, At Allahen aphe obog inaso welapareg, fobik inebe sirehen angge-at iken war inabuk nowen ulug inili webag.

1 Petrus 4:18

Eke hit hag Alkitab fam wene holal embebahon du hiniluk-o, it fano surukon etno hag, inili werlek-at wahu-o. Eke it dag suruk wilil, Allah inuk inapalehon epmano hag inili wahu fug-o, ulug wene holal embebahon etno hiniluk wilil,

Yudas 1:15

Eke it At Allah inuk wao sohorep isalug dag sil nurukon etno inim, At Allah ari dag surukon ulug inenggal-at obam denggeltil nurukon etno inim it o dagma imbisuog ulug wamuhup-o,” ulug at Henokh etnowen amuk-at hurumbik ebag.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.