1 Timotius 1:5 - Allah Wene Hurumbik Keron

⁵ Eke At Allahen hurumbik yig nisebahon etno ninindimuen demat ulug ebetuk wilil, ninindi ninobabut fanoroho welamon etno inim, eke aphe ninindi hunduhuk welamon etno inim og nisawag ulug At Allahen hurumbik etno yig nisebag-o.

1 Timotius 1:5 ပူးပေါင်းရင်းမြစ်များ

Matius 12:35

Ari halug, ap obabut fanowon halug, indimuen fanoroho-at suruk-o; eke ap obabut dahon halug, indimuen dag-at suruk-o.

Matius 5:8

Eke hit hinindi fanoroho werehon halug, wa. At Allah ebe hinilanggen hahup-o.

Kisah Para Rasul 15:9

Eke it epmano nit ninim ilitoho welamag ulug ninombisaharisimu, it epmano At awene eberoko waruk atusama, iren dag suruson epmano inapelegsoho apma imbisarisi-o.

Kisah Para Rasul 23:1

Minduhupfuruk atisimu, at Paulusen it Yahudi ap inowesi suon epmano inolohotma ilanggen yet isaruk atisireg, yig isaruk wilil, “Nomini-o, an amuk inim eke kidia inim At Allah il fam dag sirikikon napelegsoho apma nombaharuk atisimu nindi nahlahiroho-at welahi-o,” ulug yig isaruk atisimu,

Kisah Para Rasul 24:16

Eke At Allah inim, it aphe inim obog-at inil fam nobabut fano-at welariog ulug suruk ahi-o.

Roma 10:4

Eke At Kristusen bilin wene duroho suruk amuk eke duroho suruk am fug ulug ebahon etno ilitoho sebag etno fam, it yi aphe di aphe At obam ebetuk isalug, At Allahen alem dahon inobam werehon epmano elegsoho imbisalug At inim dambultuk-o.

Roma 12:9

Ariroho suruk wilil, hinomini hinim hinindi hunduhuk welahebon epmano nomin ulug hinuneyen hinenggal-at uruk am fug-o. Eke dag surukon epmano hinambit haruk wilil, fano suruk amon etno mutlug laruk amuk-o.

Roma 14:15

Eke hiren yi angge di angge yuhun-at naruk ahep etno fam it hinomini inindi dahap isaruk ahep ari, inebe epmano hinindi hunduhuk wilil suruk ahep fug-o. Eke at ap misihen Kristus an nake-at warapag-o, ulug ahla burukon etno hiren yi angge di angge yuhun-at naruk hisalug, indi oag eleg am nowen-o.

Roma 9:1

Eke anden At Kristus inuk fam yig hisamin ari, nenggal imin fug-o. Eke an nindimuen demat bukag ulug At Roh Kudus etnowen henggal uruk ahen ulug yig nituk eleg-o.

1 Korintus 13:1

Eke an aphe inune epmano inim, it Allah malaikat inune epmano inim obog-at uruk wilil, aphe nindi hunduhuk eleg welatlemen, an nebe etno ik oag ebe honanggo elehon une keng uruk etno hag nabutse-at welatle-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

1 Timotius 1:18

Eke hat hag, namloho Timotius wai. Bilin it ap nabien Allah ahurumbik yig isebahon etno ilitoho kidia yig hituk ahi-o. Eke iren demat ulug ebahon etno hindimuen eberoko waruk wilil, ap inim aptuk etno ilitoho iblis hinim wim fanoroho aptuk amag ulug yig hirihi-o.

1 Timotius 1:19

Ari halug, hat hobabut fanoroho suruk amin-o. Eke it ap ninen inobabut surukon etno yaha fanoroho wereg eleg isalug, iren demat ulug eberoko warukon etno inapeleg atisi-o.

1 Timotius 3:9

Eke wene heraho welapahon etno demat ulug ninindi ebetuk aheon etno ilitoho obabut fano mondog wilil, demat ulug ahla buruk amag-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.

2 Timotius 1:5

Eke hat humbia Lois inim, eke hat hisina Eunike inim Allah wene demat ulug eberoko webag etno hag hat ariroho-at Allah wene demat ulug eberoko waruk ahen etno niluk wilil, hobam nindi ebetuk ahi-o.

2 Timotius 2:22

Eke ari halug, it udag elege yuhun-at sil nurukon epmano sohorep isalug, fanoroho surukon etno inim, eke wene demat ulug ebetukon etno inim, eke aphe hinindi hunduhuk welamon etno inim huliog ulug suruk amin-o. Ariroho suruk wilil, it aphe inobabut fanowon epmanowen, “Hat Ninowe yalmag ninabin-o,” ulug urukon etno hinim fanoroho welamuk-o.

Titus 1:15

Eke it ap inindi fanowon halug yi angge di angge obog-at nao ari fano at-o. Eke it ninen Allah wene ebetuk eleg wilil, inindi dahon halug, yi angge di angge nawon etno usa ulug uruk-o. Eke it ariroho urukon epmano inahla burukon inim, eke inobabut surukon inim obog-at sabele neken denggelepatalug wereg-o.

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Ibrani 13:18

Eke hiren nit ninake sembahyang uruk amuk-o. Eke nintul nantul fanoroho-at suruk amuk ulug ninahla buruk ahe etno fam, alem misig dahan fahan surukuk ulug ninahla buruk ahe fug-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Yakobus 4:8

Eke hit hinebe At Allah hinim welamuog ulug ambeg horogsoho laruk amiek-o. Hit dag suruk ahebon halug, hininggik sabele ho simiek-o. Eke hit hinune hinenggal-at uruk ahebon halug, sohorep isaruk amiek-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 3:16

Yig isaruk wilil, hinune winimug yig iseheg eleg-at yig isimuk-o. Eke hiren hinobam denggelepata fug-o. It ninen inune dahon hinobam uruk wilil, “At Kristus udaki dag suruk duma yet isimiek-o,” ulug uruk isalug, fobik inenggali hahup-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,

1 Petrus 4:8

Eke misig du alem suon neken yig hisaruk ahi-o. Ari hit hinomini hinim fikfag hinindi hunduhuk welamuk-o. Hinomini hinim hunduhuk wilil, iren dahan fahan suruk isalug, seberoho imbisahup-o.

2 Petrus 1:7

ninindi fanowon etno holahukseg, fobik ninomini ninindi hunduhuk welamon etno holahuk-o, ninomini ninindi hunduhuk welamon etno holahukseg, fobik yi aphe di aphe ninindi hunduhuk welamon etno holahuk-o.

1 Yohanes 3:10

Eke it Allah udakion inim, it iblis udakion inim surukon ari ilit eleg-o. It mot mot suruk elehon, inomini inambit isarukon halug ari, Allah udaki fug-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.