1 Timotius 1:2 - Allah Wene Hurumbik Keron

² At Ninikni Allah inim, eke At Ninowe Yesus inimen inahien hobam embeheg, eke habua heyeheg suruk wilil, hinim welamag ulug yig hirihi-o.

1 Timotius 1:2 ပူးပေါင်းရင်းမြစ်များ

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Galatia 1:3

Eke At Ninikni Allah inim, eke Ninowe Yesus Kristus inimen hinabua hisaruk wilil hinim welamag ulug yig hisehe-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Timotius 1:12

Eke anden yabuk suruk amag ulug At Ninowe Kristus Yesus etnowen oag werehon etno og nitisimu, wa ulug yig ituk ahi-o.

1 Timotius 1:18

Eke hat hag, namloho Timotius wai. Bilin it ap nabien Allah ahurumbik yig isebahon etno ilitoho kidia yig hituk ahi-o. Eke iren demat ulug ebahon etno hindimuen eberoko waruk wilil, ap inim aptuk etno ilitoho iblis hinim wim fanoroho aptuk amag ulug yig hirihi-o.

1 Timotius 6:20

Timotius wai, yi wene di wene hat unde welamag ulug yig hitikikon epmano fanoroho hat seneg welaruhun-o. Eke it aben inune suon uruk wilil, inenggal urukon etno inim, eke it Allah wene inapeleg wilil nit wene keron etno niniluk at-o, ulug yamintal neken urukon etno inim, obog-at sohorep isin-o.

2 Timotius 1:2

At Kristus Yesus ninim wilil niniluk welamon etno og hisahuk ulug hurumbik yig nisebahon wene etno-at yig isil nuruk ahi-o. Eke ari halug, At Ninikni Allah inim eke At Ninowe Kristus Yesus inim epmanowen inahien hobam embeheg, eke habua heyeheg suruk wilil, hinim welamag ulug yig hirihi-o.

2 Timotius 2:1

Namloho, hat hag At Yesus Kristus hinim wilil habuen og hitukmu hindi oag weregsoho-at welamin-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Titus 2:2

Eke it ap inanggohon epmano inindi aso fanoroho welamin-o. Inaso wilil, inakol hawon inim, inindi seberoho welamon inim, ap arion-at welamag ulug yig isaruk amin-o. Eke it inindi demat burukon etno inim, eke aphe inindi hunduhuk werehon etno inim, eke inindi oag wereg atlug inindi inahientoho welamon etno inim ariroho wela­mag ulug yig isaruk amin-o.

Titus 3:15

Eke it obog an ninim welaheon epmanowen heahi war haptuk-o. Eke hat homini nit ninobam inindi hunduhuk werehon epmano heahi war inabin-o. Eke At Allahen hit obog hinabua hisawag ulug yig hisihi-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

2 Yohanes 1:3

At Ninikni Allah Amloho Yesus Kristus etno inimen nit obog ninobam inahien embeheg, eke fanowon etno inindi hunduhuken og niseheg suruk amag ulug sembahyang uruk ahe-o.

3 Yohanes 1:4

Ari hit nudaki Allah inuk waruk wilil fano surukmu nesanggo holtuk atikikseg, nahien harikik-o.

Yudas 1:2

At Ninikni Allahen hit fanowon etno suroho og hisawag ulug hinake sembahyang uruk ahe-o.