1 Timotius 1:17 - Allah Wene Hurumbik Keron

¹⁷ Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

1 Timotius 1:17 ပူးပေါင်းရင်းမြစ်များ

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Roma 1:20

Eke At Allah yi angge di angge wal hebahon epmano fam At abug yig isarukmu, iren At Walhan oag weregsoho itog mondog werehon etno enggag haruk apag-o. Eke Aren yi angge di angge wal hebahon epmano inilanggen haruk apareg, At itog mondog werehon etno enggag haruk ahe-o ulug inahla buruk wilil oke, seberoho umburukon etno fam inenggali watuk halug, inune eleg-at bok amuhup-o.

Roma 1:23

Eke At Allah nabelal habelal unde wereg itog mondog werehon etno wi ulug fog suruk amon etno sohorep isalug, ubulukmu aphe inim, bak inim, sue inim, walo inim, inolohore inambian haloko imbisaruk apareg, fog suruk apag etno fam,

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

Roma 16:27

Eke At Allah akeleg-at yi angge di angge alem iluk werehon etno At Yesus Kristusen surukon epmano fam inuk nintul nantul suontepfuruk amuk ulug an demat yig hisaruk ahi-o.

Roma 2:10

Ek it obog fano surukon epmano, At Allahen akeleg neken fuloko imbisalug, heahi waroko dambuk inaptuk aruhu ari, it Yahudi ap inim, eke it bilin Allah wene inapeleg welatuson epmano inim obog-at dambul inaptuk aruhu-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Kolose 1:15

At Allah ninilanggen haruk ahe fuhon ahut etno At Kristus-at wereg-o. Eke yi angge di angge obog wal hebahon epmano At Amloho misig aron etno apma-at wereg-o.

Ibrani 11:27

Eke at Musa etno indi demat ulug ebetuk wilil, at Firaun etnowen winimug umon etno akol eleg-at welapag. Ariroho wilil, at ebe o Mesiren wilip apag-o. Wilip atuk apareg, At Allah ninilanggen haruk ahe fuhon etno ilanggen haruk neken wilil, an niog suhuluk lao nambit-o, ulug ahla bebag-o.

Ibrani 2:7

Eke Hat Allahen it ap epmano yi angge di angge unde welamag ulug minduhup isaruk senag ulug yig nisarukon etno,

1 Petrus 5:11

At oag werehon etno itog mondog-at welaruhu-o. Demat yig hisihi-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.

1 Yohanes 4:12

It apheyen At Allah ebe hebag fug-o, eke nit ninomini ninindi ninim hunduhuk welahe halug, Allah ebe ninindimu-at wereg ari mondog ninindimu hunduhuk wereg-o.

Yudas 1:25

At Allah ninili warukon etno, At Ninowe Yesus Kristus inim ininuk suontepfuhuk-o. It etno suon-at weregma, inoag weregsoho wilil, inalon werehon-at initog mondog welamuhup-o. Demat yig hisihi-o.

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 19:1

Mialoko umburuk atisimu, eke fobik it aphe boholma anggolo wonggalehon epmanowen inune uruk wilil, “Niren Ni­nikni Allah-at inuk suontepfuk-o. Eke At Allah suon wilil, oag weregsoho nini­li warisi-o.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.

Wahyu 19:6

eke fobik ik hul une etno ilito­ho eke serlemban une ilitoho it aphe wanereg eleg inune uruk wilil, “At Allah inuk-at suontepfuruk amuk-o. At Allah suon etno nit Ninikni-at wereg-o.

Wahyu 7:12

“Ninikni wa. Hat hoag werehon wilil hakeleg-at suon welahen-o. Eke Hat yi angge di angge obog hiluk wilil, sukfugangge elalintoho suruk ahenon ari fam Hat hinuk-at nintul nantul suontepfuruk amuhuk-o, ulug nit demat uruk ahe-o,” ulug di etno urusa-o.