1 Timotius 1:16 - Allah Wene Hurumbik Keron

¹⁶ Eke an bilin dag mondog suruk atikikon epmano At Kristus Yesusen fano naptisi etno it aphe ninen inilanggen nealug, wi, at Paulus dag suruk atision etno oke, At Allahen abua harisi-o, ulug inahla bulug, At Yesus obam ebetuk wilil, iniluk welamon etno holawag ulug fano naptisi-o.

1 Timotius 1:16 ပူးပေါင်းရင်းမြစ်များ

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 23:43

Yig ituk apagma, eke At Yesusen yig ituk wilil, “O yoho hat ninim At Allah weregma kulen ulug demat yig hituk ahi-o,” ulug yig epag.

Lukas 7:47

Eke An indi hunduhuk wilil ariroho suruk ahama, at hwe duen dag anggolo suruk atision epmano At Allahen obam apelegsoho apma embehek etno hat hiluk-o, ulug An demat yig hituk ahi-o. Eke at ap misig dag dorat surukon etno obam apelegsoho apma umburuk halug, dorat indi hunduhuk wereg-o,” ulug at Simon etno yig ituk apareg,

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Yohanes 6:54

Eke it yi aphe di aphe obohen namep nenggeg, nebe nenggeg suruk isalug, iniluk welamon holaruk etno fam, Anden o ari sambit iniluksoho minduhup isahuk-o.

Roma 15:4

Eke it bilin inahlahiroho wilil inindi oag weregsoho welapahon wene epmano holal embebag ari, niren Alkitab wene holal baleg etno wane seheg, ninindi ebereheg suruk wilil demat fano ninabuhu ulug ninahla bukag ulug embebag-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

1 Korintus 7:25

Eke kidia it ap elege, hweap duhumon inawene etno At Ninowe etnowen yig isawag ulug yanggul nitisi fuhon oke, eke At Ninowe etnowen nabua nearisireg fam, nahla eberoko suruk wilil nindimuen wal haruk ahion etno yig hisamin-o.

2 Korintus 4:1

Eke At Allahen At eyabuk suruk amag ulug minduhup nisaharisireg fam, ninoag elegsoho suruk ahe fug-o.

Efesus 1:12

Ariroho fuloko ninombisahabareg fam, nit bilin neken At Kristusen fano ninabuhu ulug ninindi ebetukukon epmanowen At Allah inuk-at suontepfuruk amuk-o.

Efesus 1:6

Eke At Allahen ninabua nisaruk wilil, At Amloho indi hunduhukon etno onggo eleg yuhun-at og nisebareg fam, At Allah wa ulug uruk wilil, inuk suontepfuruk amuk-o.

Efesus 2:7

Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.

2 Tesalonika 1:10

Eke At etno o ari sambit waharuk aruhumu, it udaki At obam ebetukon epmanowen inuk mondog suontepfuruk amuhup-o. Eke hit hag wene yig hisaruk atukukon epmano eberoko waruk ahep etno fam, At Yesus inuk suontepfuruk amuhup-o.

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

1 Petrus 3:20

Yig isa lebag etno it amuk Allah une holtuk apag fuhon etno-at yig isa lebag. Ari at Nuh etno so faltukmu, At Allahen aphe obog inaso welapareg, fobik inebe sirehen angge-at iken war inabuk nowen ulug inili webag.

2 Petrus 3:15

At Allahen ninabua nisalug ninaso wereg-o. Ariroho wereg ari, fobik ninili wiog ulug ninaso wereg-o, ulug hinindi ebetuk amiek-o. Eke an wene yig hisaruk ahi du, bilin at Paulusen holal fam yig hisarision etno-at yig hisaruk ahi.

2 Petrus 3:9

Ari it inapelehon epmanowen At Allahen orog-at suruk hehe-o ulug uruk oke, orog-at suruk eleg-o. Aren ninabua nisaruk wilil, war ninabuk amberaken nit obog dag suruk aheon epmano seberepfulug sohorep isawag ulug ninaso wereg-o.