1 Timotius 1:15 - Allah Wene Hurumbik Keron

¹⁵ Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.

1 Timotius 1:15 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Matius 18:11

Eke An Allahen minduhup naharision etno it nuk atuson epmano inili wiog ulug ambik waharikik-o.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Matius 9:13

Eke Allah wene baleg etnowen yig hisaruk wilil, “Ap misihen wam waroko At Allah ake-at umburukon halug ari An nambit haruk wilil, ap misig indi seberoho werehon etno hag nindi haruk ahi-o,” ulug At Allahen ebahon ari hit hinebe lalihipseg, ebe keroho yig nisebag-o, ulug hinindi ebetuk amuk-o. Eke An nebe etno it aphe nit fano welahe-o ulug inindi yuhun-at werehon etno wol isiog ulug waharikik eleg-o. It dag surukon epmano hag wol inaptuk ariog ulug-at waharikik-o,” ulug yig isebag.

Markus 2:17

Hinog yig isarukmu, At Yesus esanggo holtuk apareg, yig isaruk wilil, “It aphe uk wareg eleg isalug it ap fano inaptukon epmano inambeg laruk eleg-o. Eke it uk warehon epmano fano ninabukag ulug inambeg lao ari fano-o. Eke An nebe etno it aphe nit fano welahe-o ulug inindi yuhun-at werehon epmano wol isiog ulug waharikik eleg-o. It dag surukon epmano inindi werehep isaruk wilil wol inaptuk ariog ulug-at waharikik-o,” ulug yig isebag.

Lukas 15:2

it Farisi ap inim eke it wene yanggul isarukon epmano inimen inune fog fog uruk wilil, “At ap du it ap dag surukon epmano inim heahi war war uruk ahesareg orom inim naruk-o,” ulug uruk apag.

Lukas 19:10

Eke it aphe bilin nuk atuson epmano heako imbisaruk atikikseg, inili wiog ulug An Allahen minduhup naharision etno waharikik-o,” ulug At Yesusen yig isebag.

Lukas 5:32

Eke it ap inindi yuhun-at werehon halug inayonggo imbiog ulug An waharikik fug-o. It dag surukon halug inindi werehep isaruk wilil inayonggo imbiog ulug waharikik-o,” ulug yig isebag.

Yohanes 1:12

It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 12:47

Eke it yi aphe di aphe nin epmanowen An nune inesanggo holtug ilitoho suruk eleg isalug, Anden inoag deloko imbisahuk fug-o. Eke An nebe etno it aphe kweanmon duma inoag deloko imbisaruk ariog ulug waharikik fug-o. Anden inili waruk ariog ulug-at waharikik-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Kisah Para Rasul 11:1

Eke fobik it mondep isebahon epmano inim, it inomini obog o Yerusalem werehon epmano inimen it aphe Allah wene waruk elehon epmano obog-at warusa-o, ulug inesanggo holfag.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

Roma 5:6

Eke nit hag awan ninoag eleg niseheg, At Allahen kidia arat ulug uruk apagma, At Kristus etno it dag surukon epmano inake warapag-o.

1 Korintus 15:9

An nebe etno wene yig isil nuruk amag ulug mondep nahabahon-at oke, nebe doron-at welahi-o, eke anden it Allah udaki mug isaruk seyahon epmano wereg heheg, an nebe mondep nahebahon ulug yig num ari nenggali haruk ahion oke,

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.

1 Timotius 1:19

Ari halug, hat hobabut fanoroho suruk amin-o. Eke it ap ninen inobabut surukon etno yaha fanoroho wereg eleg isalug, iren demat ulug eberoko warukon etno inapeleg atisi-o.

1 Timotius 3:1

Ap misihen an aphe inindi aso welaruhuk, ulug ahla buruk halug, yabuk fanowon-at huliog ulug suruk-o, ulug an demat yig hituk ahi-o.

1 Timotius 4:9

ulug it aphe obohen wene ari demat ulug uruk amag ulug yig hisihi-o.

1 Timotius 6:13

Eke At Allah yi angge di angge iniluksoho umburukon etno inim, eke At Kristus Yesus at Pontius Pilatus il fam demat wene ebahon etno inim it ininuk fam yig hituk ahi-o,

2 Timotius 2:11

Eke wene du demat yig nisaruk wilil, “At ninim waratukuk halug, At ninim-at niniluk welamuhuk-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

1 Yohanes 3:5

Eke At Kristus mondog dag sebag fuhon oke, nit dag suruk aheon epmano ninapelegsoho apma ninombisahukag ulug kweanma ambik wapag-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

1 Yohanes 5:11

Ari halug, wene yig nisarukon etno du at-o, At Allahen niniluk welamon etno og nisebag, At Amloho og nisebag halug, ari niniluk welamon etno-at og nisebag-o.

Wahyu 21:5

Holtuk atikikseg, eke At horie uruk ambeg horieg werehon etnowen yig nituk wilil, “Anden yi angge di angge obog-at ketoho imbisaruk ahi-o. An wene motoho yig hirihion du demat halug, holal imbin-o,” ulug yig nitisireg,

Wahyu 22:6

Eke fobik at malaikat etnowen yig nituk wilil, “Anden yig hirihion etno demat yig hirihi-o. Eke At Inikni Allahen Roh Kudus it nabi ap bilin og isebag etno hag, ariroho hurumbik suhuon etno At anggimbu yig isawag ulug At omalaikat etno laha­bik waharisi-o,” ulug ariroho hurumbik yig nitisi-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.