1 Timotius 1:12 - Allah Wene Hurumbik Keron

¹² Eke anden yabuk suruk amag ulug At Ninowe Kristus Yesus etnowen oag werehon etno og nitisimu, wa ulug yig ituk ahi-o.

1 Timotius 1:12 ပူးပေါင်းရင်းမြစ်များ

Matius 20:4

yig isaruk wilil, ‘Hit hinim-at e anggur yabuk etno sik laruk hisalug, anden yabuk onggo ilitoho-at og hisamin-o,’ ulug yig isarisi-o.

Yohanes 5:23

it apheyen At Ikni inuk suontepfuruk amuhup etno hag, Amloho inuk ariroho-at suontepfuruk amuhup-o. Eke ari halug, it apheyen At Amloho inuk suontepfuruk eleg ari, At Iknien lahapfik waharision etno inuk suontepfuruk eleg at-o,” ulug yig isebag.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Kisah Para Rasul 9:22

Uruk apareg weregma, at Saulus etno une oag weregsoho yig isaruk wilil, “At Yesus ari Kristus at-o,” ulug yig isaruk apagma, it Yahudi ap o Damsyik welapahon epmanowen, “Wene onggo keroho yig imuk-o?” ulug inapeleg atuken sohorep isebag.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 3:5

Eke at Apolos ari sa-o? Eke at Paulus ari sa-o? Eke At Ninowe inuk suon etnowen nineyabuk ninakeleg ninakeleg og nisebag etno fam, hiren Allah wene demat ebetuk amuhuben ulug yalmag hisaruk aheon etno ninebe du-at welahe-o.

1 Korintus 7:25

Eke kidia it ap elege, hweap duhumon inawene etno At Ninowe etnowen yig isawag ulug yanggul nitisi fuhon oke, eke At Ninowe etnowen nabua nearisireg fam, nahla eberoko suruk wilil nindimuen wal haruk ahion etno yig hisamin-o.

2 Korintus 4:1

Eke At Allahen At eyabuk suruk amag ulug minduhup nisaharisireg fam, ninoag elegsoho suruk ahe fug-o.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

Filipi 4:13

Ariroho nahla buruk wilil, o ahik ya da epmano sil nuruk neyeheg, At Kristusen oag werehon etno og nitukmu, yi seheg di seheg noag weregsoho-at suruk ahi-o.

Kolose 1:25

Ari At Allahen an neyabuk og nepareg fam, Allah wene uruk amon etno sumbut hisaruk ahi-o.

1 Timotius 1:1

Nomin Timotius wai. An Paulusen hat namloho ninim Allah wene waruk aheon etno holal du bal hituk ahi-o. Eke At Allah ninili warukon etno inim, eke At Kristus Yesus fobik fano ninabuhuon etno inimen At Kristus Yesus awene yig isil nuruk amag ulug minduhup naharusa etno ilitoho,

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

1 Timotius 1:2

At Ninikni Allah inim, eke At Ninowe Yesus inimen inahien hobam embeheg, eke habua heyeheg suruk wilil, hinim welamag ulug yig hirihi-o.

1 Timotius 6:13

Eke At Allah yi angge di angge iniluksoho umburukon etno inim, eke At Kristus Yesus at Pontius Pilatus il fam demat wene ebahon etno inim it ininuk fam yig hituk ahi-o,

2 Timotius 2:2

Ariroho wilil anden it aphe anggolo wene yig isarukmu holtikikon etno, it aphe ninen it nin yig iseheg, it nin yig iseheg suruk amag ulug wene ari it aphe inobabut fanowon epmano yig isaruk aruhun-o.

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Filemon 1:9

eke hat ninim nindi hunduhuk wilil, we hinog neken yig hituk ahi-o. Eke an Paulus At Yesus Kristus awene yig isarukmu hele war naptuson epmanowen hinog bilin irikikon etno farim yig hituk ahi-o.