1 Tesalonika 5:9 - Allah Wene Hurumbik Keron

⁹ Eke At Allahen asine nisiog ulug imig ninapag fug-o. At Ninowe Yesus Kristus inuk fam ninili wawon etno holawag ulug imig ninapag-o.

1 Tesalonika 5:9 ပူးပေါင်းရင်းမြစ်များ

Matius 26:24

ulug yig isaruk apareg, eke fobik yig isaruk wilil, “An Allahen minduhup naharision etno holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du abua-o, ap ari endag atlep fugmen fano-o,” ulug yig isebag.

Kisah Para Rasul 1:20

Ariroho soaltuk atusama, an wene du buku Mazmur fam weregma, yig hisaruk ahi-o, ‘At awen etno yuhun-at wereg halug, ap misihen wa fug-o.’ Eke wene misig du yig hisaruk ahi-o, ‘At ubulukmu ap misig minduhupfuk-o,’ ulug ebahon etno wene holal baleg du wereg-o,” ulug at Petrusen yig isaruk wilil,

Kisah Para Rasul 1:25

Ariroho yig nisaruk apmihinmu, at Yudas akeleg sirisireg waratision etno ubulukmu ninim yig isil nuruk amuhuken minduhupfulen-o,” ulug sembahyang ebag.

Kisah Para Rasul 13:48

it Allah wene inapelehon epmano inahien anggolo haruk wilil, Allah wene etno demat ulug suontepfebag. Suontepfuruk apareg, eke it iniluk initog mondog welamag ulug heako imbisebahon epmano wene eberoko webag.

Roma 11:30

Eke hit bilin Allah wene hinapeleg welatikibon etno epmano amuk Allah une hinesanggo holtuk atikip fuhon oke, kidia hag it Yahudi ap inesanggo holtusa fug ari fam, At Allahen hit hinabua hisarisi-o.

Roma 11:7

Eke ari halug, keroho uk-o? It Israel aphe epmanowen heahil laruson oke, ebe heaharusa fug-o. It nin At Allahen imig inapahon epmanowen-at heaharusa-o. Eke it nin hag inindi arikon mondog welatusa ari famen

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

1 Tesalonika 3:3

Eke it ninen dahon etno hinobam umbukag ulug, At Allahen arat hurumbik yig hisarisi-o.

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.

1 Timotius 1:16

Eke an bilin dag mondog suruk atikikon epmano At Kristus Yesusen fano naptisi etno it aphe ninen inilanggen nealug, wi, at Paulus dag suruk atision etno oke, At Allahen abua harisi-o, ulug inahla bulug, At Yesus obam ebetuk wilil, iniluk welamon etno holawag ulug fano naptisi-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

1 Petrus 2:10

Hit amuk Allah udaki neken welatikip fuhon oke, kidia At Allah ninabua nisaruk ulug hinindi ebetuk ahep-o.

1 Petrus 2:8

Eke ariroho ebahon etno wereg heheg, eke misig du wereg-o, “It o wut oag ari ninambit ulug uruson etno fam, bule ambulug watahup-o,” ulug holal embebahon etno hiniluk-o. Eke it aphe At Yesus o wut oag neken werehon etno obam ebetuk eleg isalug, At Allahen ebahon etno ilitoho bule amburusareg, watarusa-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.