1 Tesalonika 5:4 - Allah Wene Hurumbik Keron

⁴ Eke ariroho suhu oke, eke hit o hikmu neken welahep fug-o nomini. Eke at ap o aso werehon etno it inalomnangge herahuog ulug kurukim ilanggen yaharoho wereg etno hag, hit yuhun-at weregma, at etno sambit waruhu halug, hinahut lahu fug-o.

1 Tesalonika 5:4 ပူးပေါင်းရင်းမြစ်များ

Matius 10:15

Eke At Allahen fobik aphe inaren baltuk wilil, o Sodom Gomora dorat ahmu isahuon oke, eke it aphe heahi war hinaptuk elehon epmano mondog inabua isahu fug-o, ulug ariroho suhuon etno hinindi ebetuk amiek-o,” ulug inesanggo watuk apareg, lahap isebag.

Lukas 21:34

At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kolose 1:13

Eke o hik oag weregsoho wereg ambeg epmanowen wilip nisahik wapareg, At Amloho wereg ambeg epmano ninili oko kolap ninaptisi-o.

1 Tesalonika 5:2

At Ninowe wamon etno ap inalomnangge herahuog ulug o hubanggo laruk etno hag hetnogsoho waruhu ulug hit bilin arat hiniluk atisi-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

1 Yohanes 2:8

Eke wene yig hisaminon du akelehon, keron neken-at yig hisaruk ahi-o. Wene ari At Kristus etnowen demat ulug uruk wilil, ilitoho sebag etno hag, hit ariroho wene ari demat-o ulug uruk wilil, ilitoho suruk ahep-o. Ariroho suruk ahep ari, o hikmu etno eleg atuk heheg, o seleg etno arat wereg atuk-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 3:3

Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.