1 Tesalonika 5:20 - Allah Wene Hurumbik Keron

²⁰ Eke it aben Allah wene yig hisamin ulug demat uruk halug, ninambit uk fug-o.

1 Tesalonika 5:20 ပူးပေါင်းရင်းမြစ်များ

1 Korintus 14:1

Eke ari halug, aphe hinim hinindi hunduhuk welamon etno huluog ulug suruk amiek-o. Eke At Roh Kudusen og hisarukon etno hinindi ebetuk wilil, holaruk amiek-o. Eke Allah wene hinindimuen walug yig isaruk amon etno inim mondog hinahientoho holaruk amiek-o.

1 Korintus 11:4

Eke ap misig unggulasum korepfulug eleg sembahyang eheg eke it aphe Allah wene yig iseheg suruk halug, at ungguluag-at enggalien suruk-o.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

Kisah Para Rasul 19:6

Ikma belap inaptuk wilil, at Paulusen inungguluag inggik senetukmu, Roh Kudus inobam belabik waharisi. Belabik waharuk atisimu, it inebe dua belas epmano inune holuk fugsoho uruk wilil, Allah wene inim uruk atusa.

1 Korintus 13:9

Eke nit hag we atog-at niniluk welahe-o. Eke niren wene atog-at ninindimuen ebetuk atlug yig isaruk ahe-o.

1 Korintus 13:2

Eke an Allah wene nindimuen walug yig iseheg, eke yi angge di angge herahowon epmano obog niluk aheg, eke At Allah inuk mondog ebetuk wilil bunu etno walug o ninmu imbik laheg suruk wilil, nindi hunduhuk eleg welatlemen, an nebe napeleg neken-at welatle-o.

1 Korintus 12:10

Eke at ap misig it apheyen suk haion epmano suruk amag ulug og ituk-o. Ap misig Allah wene indimu waluhen yig isaruk amag ulug og ituk-o. Eke ap misig it aphe yi angge di angge surukon epmano du fanowon du dahon ulug oag del inaptuk amag ulug og ituk-o. Eke at ap misig aphe inune unggut inapelehon epmano uruk amag ulug og ituk-o. Eke at ap misig aphe inune unggut mirlaloko yanggul isaruk amag ulug og ituk-o.

1 Tesalonika 4:8

Eke ap misihen wene ebe yig hiseheon etno seberoho umburuk halug, ap inune seberoho umburuk eleg-o. At ap ari At Roh Kudus og nisarukon etno une-at seberoho umburuk-o.

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.