1 Tesalonika 5:13 - Allah Wene Hurumbik Keron

¹³ Eke hiren it inobam hinindi hunduhuk wilil, iren nit nineyabuk fanoroho suruk-o, ulug ininuk suontepfuruk amiek-o. Eke hit it hinomini hinim fanoroho dambuksoho welamuk-o nomini.

1 Tesalonika 5:13 ပူးပေါင်းရင်းမြစ်များ

Matius 10:40

At Yesusen yig isaruk wilil, “Ap misihen ninim welamulen ulug yig hisaruk halug, An nebe-at ninim welamulen yig nituk-o. Eke An nebe ninim welamulen yig nituk isalug, At lahap nabik waharision etno-at ninim welamulen yig ituk-o.

Markus 9:50

Eke saho olokon etno ebe fano wereg oke, olok eleg atuk halug, keroho olokepfuk-o? Ari halug, saho olokon hinindimu wilil, hit hit hinim fanoroho dambulig welamuk-o,” ulug yig isebag.

Yohanes 15:17

Eke An ariroho yig hisihi ari, hit hit hinindi hunduhuk welamag ulug yig hisihi-o,” ulug yig isebag.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

Galatia 4:14

Eke an nebe uk wareg wilil, noag elegsoho-at yig hisarikikon oke, hiren ap uk warehon du bik hao ninambit ulug hinambit hun naptikip fug-o. Eke At Allah malaikaren yig hisarukmu wao hag, anden yig hisarikikon etno warikip-o. Eke At Kristus Yesusen yig hisarukmu wao hag, anden yig hisarikikon etno warikip-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 6:6

Eke ap misig at ap misihen Allah wene yanggul itukon halug, at aharek yi angge di angge epmano ap yanggul itukon etno og ituk amag-o.

Efesus 4:3

Eke At Roh Kudus etnowen dambuksoho hinombisaharuk halug, hinebe misig-at welamuk-o.

Kolose 3:15

Nin eke hinindi hunduhuk wilil, hinebe misig-at welamuhuben ulug wol hisebag etno fam, wa ulug hinahla buruk amuk-o.

1 Tesalonika 5:14

Eke it yabuk seheg eleg yuhun-at sil nurukon epmano inesanggo wareheg, eke it ap inindi angginon epmano inahlahairep iseheg, eke it inindi oag elehon epmano inindi oag werehep iseheg, eke it obog hinune fanowon-at yig iseheg suruk amag ulug yig hisihi-o.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

2 Timotius 2:22

Eke ari halug, it udag elege yuhun-at sil nurukon epmano sohorep isalug, fanoroho surukon etno inim, eke wene demat ulug ebetukon etno inim, eke aphe hinindi hunduhuk welamon etno inim huliog ulug suruk amin-o. Ariroho suruk wilil, it aphe inobabut fanowon epmanowen, “Hat Ninowe yalmag ninabin-o,” ulug urukon etno hinim fanoroho welamuk-o.

Ibrani 12:14

Eke hit it yi aphe di aphe obog hinim dambuksoho welamuhuben hinobabut fanoroho-at suruk amuk-o. Hinobabut fanoroho suruk amuhup fug halug, At Ninowe etno hinilanggen hahup fug-o.

Yakobus 3:18

Eke ap misihen fohot yaltukon i angge etno yaruhu halug, fobik fano mondog welamon etno holahu-o.