1 Tesalonika 5:12 - Allah Wene Hurumbik Keron

¹² Nomini-o, eke it ap hineyabuk seheg, eke hit hinindi aso welaheg, eke hinesanggo wareheg suruk amag ulug At Allahen heako minduhup isarision epmano hiniknisi neken it inune hinesanggo holtuk amuk-o.

1 Tesalonika 5:12 ပူးပေါင်းရင်းမြစ်များ

Lukas 10:7

Eke orom inim, ik inim menag hisaruk isalug, hinim o epma wilil, naruk amuhup-o. Eke hit yabuk fanoroho suruk hisalug, menag hisahup at-o. Eke hit hinebe etno o misig keheg o misig keheg sil nuruk am fug-o.

Yohanes 4:38

Eke i angge yahoma hiren amug watuk atikip fug ambeg epmano-at anggen balukag ulug lahap hisa wahi-o. Eke it ninen bilin yabuk surusa ambeg epmano-at hiren suruk ahep-o,” ulug yig isebag.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Kisah Para Rasul 20:35

Ariroho ninggiken yabuk surukmu, it inaharek elehon epmano yi angge di angge og isaruk amuhuken ulug yig hisarikik-o. Eke ariroho yanggul hisaruk atikikseg, At Ninowe Yesusen ebahon etno nindimu ebetuk wilil, aphe inaharek holawon etno ninapma seberoho umbulug, yi angge di angge niren og isaruk wilil, ninahien haruk amuhuk-o, ulug At Yesusen ebahon epmano nindi ebetuk wilil, an nebe hit hinanggelegma welatikik-o,” ulug at Paulusen it Efesus ap inaso werehon epmano yig isarisi.

Roma 16:12

Eke it hweap Trifena Trifosa At Ninowe eyabuk surukon etano inim, eke at nomin nindi hunduhukon inuk Persis At Ninowe eyabuk anggolo sirision etno inim obog-at heahi war inaptuk amuk-o.

Roma 16:6

eke at hwe Maria hit hinake yabuk anggolo sirision etno inim heahi war inaptuk amuk-o.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 16:16

Eke it etno inim, eke it nin yabuk fanoroho suruk wilil, Allah udaki inaso werehon etno inim inune holtug mutlug alu-o.

1 Korintus 16:18

Eke hit hinindi oag werehep hisaharuk etno hag, an nindi oag werehep naharusa-o.

1 Korintus 3:9

Eke nit hag At Allah eyabuk ninim suruk aheon-at welahe-o. Eke hit Allah eyabuk inim, ifaleg inim hit-at welahep-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 5:9

eke ninibam duma weregma ano, eke At ninim weregma ano, At etno ahien hawag ulug suruk ahe-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 4:11

Eke an hag nit hinindi yabuk werlek-at sirikik ulug an nakol haruk ahi-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

Filipi 2:19

Eke At Ninowe Yesusen fano-at uruk halug, at Timotius etno sono hao lahapfik waruhuk-o. Lahapfik waruhukmu, fobik suhuluk nambeg lahureg, nindi nahien hawag ulug it Filipi ap epmano fano wereg ulug yig niruhu-o.

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Tesalonika 5:14

Eke it yabuk seheg eleg yuhun-at sil nurukon epmano inesanggo wareheg, eke it ap inindi angginon epmano inahlahairep iseheg, eke it inindi oag elehon epmano inindi oag werehep iseheg, eke it obog hinune fanowon-at yig iseheg suruk amag ulug yig hisihi-o.

1 Timotius 5:1

Ap inanggohon halug hune fanggogsoho yig um sohorep isalug, hikni yig ituk ahen etno ilitoho hune wiogsoho-at esanggo watuk amin-o. Eke it ap elege epmano homini ilitoho yig isaruk amin-o.

1 Timotius 5:20

Eke it aphe dag surukon halug, it aphe nin inakol amagsoho selegma-at inesanggo watuk amin-o.

2 Timotius 2:6

Eke ap misig eyabuk surukon etnowen fobik anggen wirik atuk halug, aren bilin baluk fano-o.

Titus 1:3

fobik At awene etno yig nisaruk wilil, dindiloko yig nisari­si-o. Ariroho yig nisarision etno anden it aphe yig isawag ulug minduhup naharisimu, At Allah ninili warukon etno inuk fam yig isaruk ahi-o.

Titus 1:5

Eke haren yi angge di angge sukon etno suruk amag ulug yig hituk wilil, it aphe demat ulug ebetukon epmen it ap heako min inabu­hunen ulug o Kreta epma hombahalug waharikik-o. Eke an bilin ariroho suhun ulug yig hitikikon etno hindi ebetuk amin-o, eke ap Allah wene yig isarukon welamon etno it apheyen inune obam deng­geltuk eleg isalug, eke hwe misig-at ohowon halug,

Titus 2:15

Wene du yig isaruk wilil, it aphe hune inesanggo holtukon epmano inaso welaheg, eke inesanggo wareheg suruk amin-o. Ariroho suruk healug, eke ap misihen hat seberep hahaku fug-o.

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 2:12

Eke fobik an yig nituk wilil, “At it jemaat o Pergamus aphe inaso werehon etno og emag ulug holal duroho imbimihin-o: At karog enggat femag femag werehon senetukon etnowen yig hisaruk wilil,

Wahyu 2:18

Eke fobik an yig nituk wilil, “At it jemaat o Tiatira aphe inaso werehon etno og emag ulug holal duroho imbimihin-o: At Allah Amloho ilanggen hondok ambulpul neken yibatuk wilil, eke iog fam abikag surukon etnowen yig hisaruk wilil,

Wahyu 2:3

Eke hit hinebe hinindi oag weregsoho wilil, An nawene warikip etno fam dahon hinobam umburuson oke, wene wawon etno sohorep isarikip fug-o.

Wahyu 2:8

Eke fobik an yig nituk wilil, “At it jemaat o Smirna aphe inaso werehon etno og emag ulug holal duroho imbimihin-o: At bilin alem neken, eng­gabuk neken wilil warapareg iluk apahon etnowen yig hisaruk wilil, dahon hinobam umburuk etno niluk-o.

Wahyu 3:1

Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.