1 Tesalonika 4:9 - Allah Wene Hurumbik Keron

⁹ Eke anden hinomini hinim fanoroho hinindi hunduhuk welamuk ulug yig hisao ari hai-o. At Allahen hit hinomini hinim fanoroho hinindi hunduhuk welamuk ulug yanggul hisarisi-o.

1 Tesalonika 4:9 ပူးပေါင်းရင်းမြစ်များ

Matius 22:39

Eke alem suon misig ilitoho-at yig nisaruk ari, hit hinonggarehen hinabua saruk ahep etno hag, hinomini hinim welahebon epmano inim inabua isaruk amuk-o, ulug alem suon neken misig ari yig nisaruk-o.

Yohanes 14:26

Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Roma 12:10

Eke hit hit hinomini Allah udakion epmano hinim hinindi hunduhuk welamuk-o. Ariroho wilil, it hinomini inobabut fanoroho surukon epmano suontep iseheg suruk amuk-o.

2 Korintus 9:1

Eke it Allah udaki o Yudea werehon epmano yalmag inabukag ulug anden holal bal hisao ari hai-o.

Filipi 3:15

Eke anden yig hisihi etno hag, hit obog Allah wene fanoroho waruk ahebon epmano hinobabut arion-at welamuk-o. Eke hinobabut ninon welahebon halug, At Allahen dindiloko yanggul hisahu-o.

1 Tesalonika 5:1

Nomini-o, At o maram waruhu-o ulug yig hisarikikon etno inim, eke mo lahik waharukim waruhu ano, eke mo amburukmu waruhu ano ulug wene yig hisarikikon etno inim holal bal hisao ari hai-o. Hit hiniluk-o.

Ibrani 10:16

Ninim dambulig wilil, Anden wene duroho suruk amuk eke duroho suruk am fug ulug yig isahukon etno inindimu holal neken baloko umbuhuk-o,” ulug yig isebag-o.

Ibrani 13:1

Eke hit At Kristus hinim hinindi hunduhuk wilil, it hinomini hinim ariroho-at hinindi hunduhuk welamuk-o.

1 Petrus 3:8

Eke ari halug, nomini-o, hit hinindi misig-at wilil, hinomini hinim hinindi hunduhuk welamiek-o. An hapma-at welahi-o, ulug at misihen eheg, at misihen eheg uruk amiek-o.

1 Petrus 4:8

Eke misig du alem suon neken yig hisaruk ahi-o. Ari hit hinomini hinim fikfag hinindi hunduhuk welamuk-o. Hinomini hinim hunduhuk wilil, iren dahan fahan suruk isalug, seberoho imbisahup-o.

2 Petrus 1:7

ninindi fanowon etno holahukseg, fobik ninomini ninindi hunduhuk welamon etno holahuk-o, ninomini ninindi hunduhuk welamon etno holahukseg, fobik yi aphe di aphe ninindi hunduhuk welamon etno holahuk-o.

1 Yohanes 2:10

Eke ap misihen, “Nomin du nindi-o,” ulug uruk halug, ap ari o selegma wereg-o; o selegma wereg ari, aren omin indi dahapsuruk eleg-o.

1 Yohanes 3:11

Eke ninomini at misihen nindi eheg, at misihen nindi eheg nit sukag ulug, wene etno amuken yig nisebag-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 4:21

Ari halug, At Kristusen komo yig nisarukon etno du at-o, “Allah ninindi hunduhuk welahe halug, ninomini ariroho-at ninindi hunduhuk welamuk-o,” ulug At Kristusen yig nisarukon etno ebetuk amuk-o.