1 Tesalonika 4:6 - Allah Wene Hurumbik Keron

⁶ Eke ari halug hinominien angge herahapateheg, eke hinalomnangge weheg, suruk am fug-o. Eke it ap dag surukon ari At Allahen onggo dahon etno inobam umbuhu-o, ulug bilin hinesanggo watuk wilil yig hisarukukon etno-at dahagsoho yig hisaruk ahe-o.

1 Tesalonika 4:6 ပူးပေါင်းရင်းမြစ်များ

Markus 10:19

Ari halug, wene duroho suruk amuk eke duroho suruk am fug ulug ebahon etno hiluk-o. Ap wabuk fug-o. Eke hwe ap uhweon diloko wa fug-o. Eke hinalomnangge herahuk fug-o. Eke hinenggal wene ap inobam denggeluk fug-o. Ariroho suruk imbisalug hiniknisi hinisasi inune-at fanoroho holtuk wilil, suontep isaruk amuk-o,” ulug yig epag.

Lukas 12:5

Hit hinakol hawon etno yanggul hisamin-o. Ari At Allahen aphe inebe warep isalug fobik o hondok olokma imbisahuon etno hag hinakoltoho welamuk-o. At etno-at hinakoltoho welamag ulug An demat yig hisaruk ahi-o.

Lukas 16:28

An nikni ibam epma nosi fuaben angge wereg etna o hondok olokma an welahi ambeg duma wam nowen at Lazarus ari hurumbik yig isa lawag ulug lahapfin-o,’ ulug yig ituk apagma,

Roma 1:18

Eke it apheyen Allah wene ninambit-o ulug dag suruk wilil, it dag surukon epmanowen fano wene etno wehe ha nowen ulug sebeloko umburuk isalug, At Allah asineyen war inaptukon wene etno bukaloko yig nisaruk wereg-o.

Roma 12:19

Eke yiroho diroho suruk isalug, hiren onggo ulug sukon etno sohorep isalug, fobik At Allahen-at onggo war inabuhu ulug hinahla buruk amuk-o. Eke alem ari fam Alkitab wene holal baleg etnowen yig nisaruk wilil, “At Allahen onggo fobik Anden-at war inabuhuk ulug uruk-o,” ulug yig nisaruk-o. Ariroho yig nisaruk etno hag, eke alem misig du yig nisaruk wilil,

Roma 13:4

Eke hit hinebe fanoroho welamag ulug it inowesi pemerintah epmano At Allah anggimbu-at wereg-o. Ariroho wereg oke, hit dag suruk ahebon epmanowen hinakol isahup-o. Eke it inasehen ari it ap dag surukon angginon inobam umbukon ulug seneg wereg-o. It inebe At Allah anggimbu-at wilil, it aphe dag surukon epmano onggo imbiek yig isaruk amuog ulug inalontoho wereg-o.

2 Korintus 7:11

Eke At Allahen hinindi dahap hisaharisireg fam, keroho surukuk ulug hinahla eberiuk-o. Eke fanoroho suruk amon etno inim, eke ninapelehen neken surukuk ulug ukon etno inim, eke hinindi ioba yabukon etno inim, eke hinakoltoho welamon etno inim, eke fanoroho suhuk ulug hinahla bukon etno inim, eke at Paulusen irisi etno ilitoho suruk amuk ulug hinahla buruk wilil suruk amon etno inim, eke dag sirision etno onggo umbukag ulug ukon etno inim, obog-at suruk amuog ulug sirikip ari fam, hiren alem etno eleg amag ulug fanoroho sirikibon etno arat niluk atisi-o.

Galatia 5:21

eke aphe inambit hun inaptukon etno inim, eke ap watukon etno inim, eke it e anggur ambusu donggogsoho narukmu nenek surukon etno inim, eke inahum fituk heheg narukon etno inim, yi angge di angge arion obog-at suruk am fug ulug yig hisarikikon etno fobik inim-at dahagsoho yig hisamin-o. Eke it aphe obog ariroho surukon epmano fobik At Allah weregma kuhup fug-o.

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

Efesus 4:28

Eke at ap alomnangge heraharuk atision etno herahuk sohorep isalug, eyabuk holaruk am ari fano-o. Eyabuk holalug, inggik fam yabuk suruk wilil, at aharek wereg aruhumu, it inaharek elehon epmano menag isawon wereg aruhu-o.

Efesus 5:6

Eke ap misihen enggal yig hisaruk wilil, hinindi kahalik wam nowen-o. Eke it aphe Allah wene inesanggo holtuk eleg wilil, inenggal urukon epmano At Allahen asine inobam umbuhu-o.

1 Tesalonika 2:11

Eke iniknisien inudaki fanoroho yig isaruk etno hag, yig hisaruk atukukon etno hit hiniluk-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

Ibrani 13:4

Ariroho suruk wilil, hweap hinahuni hinim fano dambuksoho welamuk-o. Ariroho wilil, hweaben ap werlekon hinim seheg, eke aben hweap werlekon hinim seheg suruk am fug-o. It aphe nin yuhun-at surukon ari At Allahen oag deloko imbisahu-o.

Ibrani 2:6

Eke Alkitab wene holal baleg etno fam yig nisaruk wilil, “Ninikni Allah wai. It aphe epma keroho weregma inobam hindi ebetuk ahen-o? Eke it aphe inudaki epma keroho weregma inaso welahen-o? Eke it aphe ari elamna-at it malaikat inapma welamag ulug wal isaruk senahon oke, it ap ininuk suon inalon wereg etno hag, it yi aphe di aphe suon-at imbisaruk senag-o. Eke yi angge di angge unde welamag ulug, ap epmano-at minduhup isaruk senag-o,” ulug yig nisaruk-o.

Yakobus 2:6

Eke hiren it inaharek elehon epmano apmarep isaruk ahep ari hai-o. Hinobam inune dahon umburukon ari it inaharek werehon epmanowen-at hinobam denggeltuk etno hinapelehen suruk ahep ano?

Yakobus 5:4

It hinanggimbu epmano hineyabuk yalmag hisaruson oke, yabuk onggo og isarikip fugmu, iren inahla dag atusareg, ninambit ulug uruson epmano hinesanggo holiek-o. Eke hineyabuk waruk wilil uruson epmano At Ninikni Allah oag werehon etno esanggo holtisireg, iluk wereg-o.