1 Tesalonika 4:3 - Allah Wene Hurumbik Keron

³ Eke At Allahen hit hinobabut fanoroho seheg, eke hwe ap uhweon wanggik surukon etno sohorep iseheg suruk amag ulug yig hisaruk-o.

1 Tesalonika 4:3 ပူးပေါင်းရင်းမြစ်များ

Matius 12:50

It aphe An Nikni boholma werehon etnowen une yig isarukmu inesanggo holtukon halug ari, An nomini nisina nosi-at wereg-o,” ulug yig isebag.

Matius 15:19

It apheyen dag suog ulug inindimuen ebetuk-o. Inindimuen ebetuk atlug, ap watukon etno inim, eke ap inuhweon diloko warukon etno inim, eke hweap selemen surukon etno inim, eke inalomnangge heraharukon etno inim, eke inenggal-at urukon etno inim, eke inune dahon inobam denggeltukon etno inim,

Matius 5:32

ulug yig isebahon oke, e­ke Anden yig hisaruk wilil, ‘Ap misig uhweyen dag suruk eleg heheg uhwe sohorep isa­ruk halug ari, ap etno­wen hwe etno alom­nangge were­hon ulug imbi­saruk-o. Eke ap misihen hwe sohorep isarukon etno waruk ha­lug, alomnang­ge-at waruk-o,’ ” ulug yig isebag.

Matius 7:21

Eke At Yesusen yig isaruk wilil, “Eke it Nowe, Nowe ulug yig nitukon epmano obogsoho At Allah weregma kuhup fug-o. It nin At Ninikni boholma werehon etnowen wene duroho suruk amuk eke duroho suruk am fug yig nisebahon etno ilitoho surukon halug o epma kuhup-o.

Markus 3:35

At Allahen une yig isarukon etno inesanggo holtukon halug ari, An nisina nosi-at wereg-o,” ulug yig isebag.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Yohanes 7:17

Eke ap misig At Allah ahla burukon etno ilitoho siog ulug suruk halug, An wene yanggul hisaruk ahion etno, At Allahen yig itukmu suruk ano, onggareg ahla bulug-at suruk ano, ulug iluk arikon-o.

Kisah Para Rasul 15:20

Eke niren holal baloko og isaruk wilil, wene alem empat dia hiren suk fug ulug yig isuk; ari alem kwanangge anggom ulug waroko umburukon epmano na fug-o. Eke wanggik suk fug-o. Eke yi angge di angge amep eleg warehon na fug-o. Eke amep ebe inim na fug-o, ulug alem holal baloko umbulug og isa fano-o.

Kisah Para Rasul 15:29

Ariroho yig hisehereg fam, wam kwanangge anggom ulug waroko umburukon epmano na fug-o. Eke amep inim na fug-o. Wam amep eleg warehon na fug-o. Eke wanggik suk fug-o, ulug wene yig hiseheon du waruk wilil, hit hinebe fano-at welamag ulug yig hisehe-o.

Kisah Para Rasul 20:32

Eke kidia anden At Allah hinabua hisarukon etnowen hinaso welamag ulug At apma hinombisaharuk ahi-o. Ariroho hinombisaharukmu, eke Aren hinindi oag werehep hisaharuk wilil, At udaki ahien isaruk etno hag, hit ariroho-at ahien hisahu-o.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Roma 1:29

Ariroho imbisaruk apagma, dahon inindi kahaltukon etno wilil, yi dag di dag sukon epmano ebereheg, eke inobabut dahon-at welaheg, eke inahlahiroho seheg, eke inindi famen uwa eheg, eke ap wareheg, eke yikangge abeheg, eke inenggal wene eheg, eke inambolma dahaleheg, ariroho suruk-o.

Roma 12:2

Eke it aphe kweanmon dumen suruk etno hag suruk am fug-o. Eke At Allahen hinindi ebetuk ahebon etno ketoho hinombisahukag ulug At akeleg-at mutlug laruk amuk-o. Ariroho laruk hisalug, At Allahen duroho siuk ulug yig hisawon etno hiniluk amuhup-o. Eke At Allahen duroho suhup ahla burukon etno atog arat ahla birisi ari, fanowon ahien hawon etno-at ahla birisi-o.

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 7:2

Eke ap misihen hwe holaruk eleg halug, ari fano-at oke, eke it aben it hweap yuhun-at wanggik suk nowen ulug it ap inakeleg sik inuhwesi holeheg, eke it hweap inakeleg sik inahuni holeheg suruk amag-o.

2 Korintus 12:21

Eke an fobik hinambeg waruhukseg fam At Allahen hit hinanggelegma epmen seberep nahaku ari nambit-o. Eke it ap nin hinanggelegma werehon epmano bilin dag suruk wilil, wanggik seheg, eke dahan fahan seheg suruk atuson epmano sohorep iseheg eleg-at wereg isalug an ioba yaruhuk ari nambit-o.

Galatia 5:19

Eke it kweanmen alem dahon surukon epmano obog-at selegma bukaloko wereg-o, eke alem dahon ari, wanggik surukon etno inim, wanggik sukag ulug inindi kahaltukon etno inim, eke nit ninamonggat ari ulug inenggal-at urukon etno inim, eke usa surukon etno inim, eke aphe inim healeg werehon etno inim, eke yikangge aptukon etno inim, eke an ariroho suon welatle inahla burukon etno inim, eke inasine harukon etno inim, eke winimug aptukon etno inim, eke it ap o misihon healtukon etno inim, eke wene inenggal uruk wilil healsarukon etno inim,

Efesus 5:17

Eke ari halug, urunangge neken welamon etno sohorep isalug, anden suruk amag ulug At Allahen keroho yig nituk-o, ulug hinindi ebetuk amuk-o.

Efesus 6:6

Eke hit yabuk suruk wilil halug, it inil fam etano-at inahien nisawagsoho fanoroho suk-o ulug hinahla buk fug-o. Ariroho hinahla buruk eleg wilil, eke hit hinebe At Kristus anggimbu welahep etno fam, At Allahen ariroho siuk ulug ebag etno ilitoho nintul nantul yabuk fanoroho suruk amuk-o.

Kolose 1:9

Ariroho yig nisarisimu holtukukseg fam, nintul nantul hit hinake sembahyang uruk ahe-o. Ariroho uruk ahe ari, At Allahen ariroho siuk ulug yig nisarukon etno hiniluk ulug sembahyang uruk ahe-o. Eke At Roh Kudus etnowen hinindi kahaloko yig hisaruk wilil, hiniluksoho yig hisawag ulug sembahyang uruk ahe-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

1 Tesalonika 4:2

Eke At Ninowe Yesus inuk fam ariroho siuk ulug ninune oag weregsoho yig hisarukukon etno hit hiniluk-o.

1 Tesalonika 4:4

Eke hit ap hag hinuhwesi oho wilil, nuhwe ninim keroho fano welamuk ulug hiniluksoho welamuk-o.

1 Tesalonika 5:18

Eke dahon hinobam embeheg, fanowon hinobam embeheg suruk halug, nintul nantul Hinikni wa ulug uruk amuk-o. Eke At Yesus Kristus inuk fam nintul nantul wa ulug sembahyang uruk amag ulug At Allahen ariroho siuk ulug yig nisarisi-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

2 Tesalonika 2:13

Eke nomini hinobam At Ninowe indi hunduhuk werehon etno hit farim At Allah wa ulug sembahyang uruk ahe-o. Eke At Allahen hinili wiog ulug bilin imig hinaptisireg fam, At Allah udaki amag ulug Roh Kudus oag werehon etno og hisarisimu, hiren wene demat urukon etno eberoko waruk ahep-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 10:36

Eke At Allahen og hisahuk ulug ebahon etno huluog ulug hiren At ahla burukon etno suruk amuk-o, ulug hinahla buruk wilil hinindi seberoho-at welamuk-o.

Ibrani 12:16

Eke at Esau etno manggia-at endag apareg fam, wene ap manggien uruk amon etno unde welatlebon oke, orom dorat farim onggo baltuk wilil, at ebe fobikon neken apag-o. Eke at obabut dahon wilil, dahan fahan suruk apag etno hag, hit ariroho sehep ha nowen fikfag welamuk-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

Ibrani 13:4

Ariroho suruk wilil, hweap hinahuni hinim fano dambuksoho welamuk-o. Ariroho wilil, hweaben ap werlekon hinim seheg, eke aben hweap werlekon hinim seheg suruk am fug-o. It aphe nin yuhun-at surukon ari At Allahen oag deloko imbisahu-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Petrus 4:2

Eke ari halug, kidia o kweanma duma wilil, At Allahen komo yig nisebahon etno-at mutlug laruk amuhupseg, kweanmen dag surukon epmano obog seberep isahup-o.

1 Yohanes 2:17

Yi angge di angge kweanmon ninindi burukon etno eleg aruhu-o. At Allahen wene duroho suruk amuk eke duroho suruk am fug ulug ebahon etno ilitoho suruk nisalug, niniluk-at welamuhuk-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.