1 Tesalonika 4:16 - Allah Wene Hurumbik Keron

¹⁶ Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

1 Tesalonika 4:16 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 16:28

Eke misig du hinindi ebetuk amiek-o. Hit aphe nin duma welahebon epmano waraheg eleg hiniluk wilil, An Allah Amloho suon waharukmu hinilanggen neahup-o,” ulug yig isebag.

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Kisah Para Rasul 1:11

yig isaruk wilil, “Hit o Galilea ap du, keroho ulug hinilanggen boholma lahaboho welahep-o? At Yesus boholma walug lahakek etno ilitoho, fobik boholmen ambik waharuk hinilanggen hahup-o,” ulug yig isebag.

1 Korintus 15:18

Eke it Kristus inuk ebetuk wilil waratuson epmano ari o dagma-at wereg ulug ninahla bolo-o.

1 Korintus 15:20

Eke kidia, At Kristus it warehon wereg ambeg epmano inanggelegmen bilin arat minduhupfebag-o.

1 Korintus 15:23

Eke ari halug, alem misig misig yig hisaruk ahi-o. At Kristus ari orom iyarlo neken sega faho wereg-o. Eke fobik At waruhu halug, At udaki obog-at iniluk amuhup-o. Iniluk atuk isalug, yi angge di angge inoag elegsoho imbisawon epmano arat fanggog uhu-o.

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

1 Tesalonika 3:11

Eke At Ninikni Allah inim, At Ninowe Yesus inim nit hit hinambeg wamon ninonggalem yahap nisahukag ulug sembahyang uruk ahe-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

2 Tesalonika 2:1

Nomini-o, At Ninowe Yesus Kristus wamon etno inim, eke nit dambuksoho og ninaplug lahukon etno inim alem ari fam yig hisamin-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

Yudas 1:9

Amuk it malaikat inowe Mikhael etnowen iblis inim winimug aptuk wilil, “At Musa ebe warehon an og nimin-o,” ulug yig epahon oke, eke at iblis obam denggeliog ulug ambilik butuk yig ituk apag fureg, at iblis etno yig ituk wilil, “At Allahen howaruhu-o,” ulug yig epag.

Wahyu 1:10

Waruk aheon oke, eke o hari Minggu fam an Roh Kudusen og nitukmu, nilanggen biren barentoho yet harikik-o. Yet haruk atikikseg, an nambolmen binggon une suon neken urukmu nesanggo holtikik-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.

Wahyu 14:13

Uruk atisimu, eke fobik boholmen une misig uruk wilil, “It At Ninowe eyabuk suruk atlug war amuhubon epmano fobik inahien hahup-o,” ulug at une etnowen yig nituk atisimu, eke At Roh Kudus etnowen uruk wilil, “Demat-o, it Allah yabuk fanoroho suruson halug, onggo og isaruk aruhumu, fanoroho wilil, kelsaruk amuhup-o,” ulug yig nitukmu, nesanggo holtikik-o.

Wahyu 8:13

Hik atuk atisimu, eke fobik sue mayo misig boholmen dahag suruk wilil, lenggaltukmu nilanggen harikik-o. Nilanggen haruk atikikmu, at sue etnowen une suon uruk wilil, “It aphe obog inabua-o. It malaikat hena­han epmanowen inambinggon etano uneap suruk isalug, it aphe kweanma werehon epmano oloken suruk wilil, inakol anggolo hahup-o,” ulug irisi-o.

Wahyu 8:2

Eleg atuk atisimu, nilanggen haruk heheg, it malaikat inebe sabiren angge At Allah olohotma minduhuk werehon epmano inambing­gon sabiren angge og isarusa-o.