1 Tesalonika 4:14 - Allah Wene Hurumbik Keron

¹⁴ Eke niren, At Yesus waratuk apareg, fobik iluksoho minapag, ulug ninindi ebetuk ahe etno hag, it At Yesus obam ebetuk wilil, waratuson etno fobik At Allahen Yesus inim og inaplug waruhu-o, ulug ninindi ebetuk ahe-o.

1 Tesalonika 4:14 ပူးပေါင်းရင်းမြစ်များ

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Roma 14:9

Eke At Kristus etno waratuk apareg, iluk atlug minapag ari, it inilukon inim, it warehon inim obog-at Inowe welariog ulug minapag-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

1 Tesalonika 4:13

Nomini-o, it hinomini waratuson epmano keroho wereg ulug hiniluk amagsoho yig hisul-o. Eke it aphe ninen, it warehon minamuhup fug-o, ulug inahla buruk wilil inindi dag atuk etno hag, hit ariroho dag am nowen ulug yig hisul-o.

1 Tesalonika 4:17

Minduhup isaruk aruhureg, eke o ari sambit nit ninilukon etno inim eke it minduhup isahuon etno inim, obog-at balurep nisaharuk aruhureg, og ninaplug hena fam lahakureg, boholmen At Ninowe etno ninim heahi war war uruk amuhukseg, nintul nantul At Ninowe etno ninim welamuhuk-o.

2 Tesalonika 2:1

Nomini-o, At Ninowe Yesus Kristus wamon etno inim, eke nit dambuksoho og ninaplug lahukon etno inim alem ari fam yig hisamin-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 14:13

Uruk atisimu, eke fobik boholmen une misig uruk wilil, “It At Ninowe eyabuk suruk atlug war amuhubon epmano fobik inahien hahup-o,” ulug at une etnowen yig nituk atisimu, eke At Roh Kudus etnowen uruk wilil, “Demat-o, it Allah yabuk fanoroho suruson halug, onggo og isaruk aruhumu, fanoroho wilil, kelsaruk amuhup-o,” ulug yig nitukmu, nesanggo holtikik-o.