1 Tesalonika 4:1 - Allah Wene Hurumbik Keron

¹ Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Tesalonika 4:1 ပူးပေါင်းရင်းမြစ်များ

Yohanes 15:2

Eke An e alem etno wereg neyeheg, e inggik anggen yihiruk elehon halug, dokoroho wilipfeheg, eke e inggik misig anggen yihirukon etno fobik anggoloroho yihiruk amag ulug engga buhon inim, il inim kisiloko wilip isaruk-o.

Kisah Para Rasul 20:27

Hinonggareg hinakeleg hinobabut fam hinili wao sohorep hisahaku-o.

Roma 8:8

Eke kweanmen sukon etno mutlug laruk ari, At Allah ahien isawag ulug sukon etno hai atuk-o.

1 Korintus 11:23

Eke At Ninoweyen yanggul nitision etno anden yanggul hisaruk ahi etno du at-o; eke At Ninowe Yesus wabukag ulug yonggo yig isa lebag etno sambit hupmu Aren orom roti inggikmu waruk wilil,

1 Korintus 15:1

Hit hinindi hinapeleg am nowen ulug wene misig yig hisamin-o, nomini. Wene fano wene etno anden yig hisarukmu hiren webahon etno hit ari fam hinindi seberoho wilil hinindi oag weregsoho welahep-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

2 Korintus 5:9

eke ninibam duma weregma ano, eke At ninim weregma ano, At etno ahien hawag ulug suruk ahe-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 6:1

Nomini-o, at ap misig indi oag eleg wilil, dahan fahan suruk halug, hit Roh Kudus hinindimu werehon etnowen ap etno fikfag moturuk amuk-o. Moturuk wilil hinune fanoroho yig ituk amuk-o. Ariroho wilil, hit hinonggareg inim-at hinindi kahaluk nowen ulug hinindi aso fanoroho welamuk-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 4:20

Eke At Kristus awene etno ariroho yanggul hisarusa fug-o.

Efesus 5:17

Eke ari halug, urunangge neken welamon etno sohorep isalug, anden suruk amag ulug At Allahen keroho yig nituk-o, ulug hinindi ebetuk amuk-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Filipi 1:9

Eke an hit hinake sembahyang uruk wilil, duroho uruk ahi-o, hit hinindi hunduhuk welamon etno inim, eke yi wene di wene obog-at hiniluk amon etno inim, eke du fano du dag ulug hinindimuen ebebukon etno inim, obog-at su amag ulug hinake sembahyang uruk ahi-o.

Filipi 3:14

Ariroho suruk wilil, onggo fanowon etno huliog ulug bikit-at laruk ahi-o. Ariroho laruk ahi ari, At Allahen onggo fanowon etno og hisahuk ulug wol nisaruk etno fam laruk ahi-o. Eke onggo fanowon ari, At Kristus Yesus ninonggo balfag etno fam boholmen ninim niniluk welamon etno og nisahu-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 2:6

Eke hiren Ninowe At Kristus Yesus at-o, ulug awene eberoko warikipseg fam, hinim mondog-at welamuk-o. At Kristus ebe alem neken weregma, hit inggik enggangga etno hinoag weregsoho welamuk-o.

1 Tesalonika 3:12

Eke niren hinobam ninindi hunduhuk welahe etno hag, hinomini hinim hunduhuk welamon etno inim, eke it aphe obog hinim hunduhuk welamon etno inim, At Ninowe etnowen anggolo og hisawag ulug sembahyang uruk ahe-o. Ariroho og hisahu halug, hinindi oag werehep hisahaku-o. Eke ariroho og hisaruk aruhumu, hinobabut fano mondog welamuhup-o. Ariroho wereg hisalug, At Ninowe udaki epmano obog inim waharuk amuhupmu, At Ninikni Allah il fam hit hinindi fano mondog welamuhup-o.

1 Tesalonika 4:2

Eke At Ninowe Yesus inuk fam ariroho siuk ulug ninune oag weregsoho yig hisarukukon etno hit hiniluk-o.

1 Tesalonika 5:12

Nomini-o, eke it ap hineyabuk seheg, eke hit hinindi aso welaheg, eke hinesanggo wareheg suruk amag ulug At Allahen heako minduhup isarision epmano hiniknisi neken it inune hinesanggo holtuk amuk-o.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

2 Tesalonika 2:1

Nomini-o, At Ninowe Yesus Kristus wamon etno inim, eke nit dambuksoho og ninaplug lahukon etno inim alem ari fam yig hisamin-o.

2 Tesalonika 3:1

Nomini-o, At Allah wene hit hinanggelegmen su atisi etno hag, o ahik ya da obog wawag ulug ninake sembahyang iuk-o.

2 Tesalonika 3:13

Eke hit hag, yi angge di angge epmano fanoroho suruk ahep etno hag, hinambit heheg eleg ilitoho-at suruk amuk-o.

1 Timotius 5:21

Eke At Allah Kristus Yesus inimen, it malaikat imig inapahon epmano inim, it obog inil fam nune oag weregsoho yig hituk ahi-o. Eke anden ariroho siuk ulug yig hirihion etno it hominien suruk isalug, yamintaltoho seberebuk fug-o. Eke yi angge di angge epmano hat homini-at og isaruk am fug-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

Ibrani 11:6

ap misig indi demat ulug ebetuk eleg halug, At Allah ahien neawag ulug suruk eleg-o. Eke it yi aphe di aphe At Allah ambeg wamuog ulug surukon epmano it obog At Allah demat wereg ulug inindi ebereheg, eke nin ebe heaharuk nisalug, onggo fanowon-at og nisahu ulug inahla beheg suruk amag-o.

Ibrani 13:16

Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

Ibrani 13:22

Nomini-o, hit hinindi oag wereg amag ulug an wene yig hisihion du hinindi seberoho wilil, hinesanggo fanoroho holtuk amag ulug yig hisihi-o. Eke an holal ari ebe yaron neken bal hisihi fug-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.

1 Yohanes 3:22

Eke At Allahen komo yig nisarukon etno ilitoho suruk nisalug, Aren ahien ninobam umburuk wilil, niren kino uruk aheon epmano og nisaruk-o.