1 Tesalonika 3:7 - Allah Wene Hurumbik Keron

⁷ Eke it ninen dahon epmano ninobam umburuk oke, hit Allah wene fano waruk ahebon epmano ninesanggo holtuk atukukseg, nindi oag wereg atisi-o nomini.

1 Tesalonika 3:7 ပူးပေါင်းရင်းမြစ်များ

2 Korintus 1:4

Eke dahon epmano ninobam umburuk isalug, Aren ninahlahiroho yig nisaruk wilil, yalmag ninaptuk etno fam, niren it nin dahon inobam umburuk isalug, inahlahiroho yig isaruk wilil, yalmag inaptuk ahe-o.

2 Korintus 7:13

Eke ari fam, hiren fanoroho suruk atikibon epmano fam ninindi oag werehepatarukuk-o. Eke hit obohen at Titus hinune hinahientoho yig itikip etno fam ahien harisi-o. Eke at ahien harision etno an yig nitisimu, an ariroho-at nahien harikik-o.

1 Tesalonika 3:6

Lahapfik waharuk atikikmu, at Timotius etno hit wereg ambehen iog suhuluk ninambeg waharuk atisireg, it Tesalonika ap epma inindi hunduhuk wilil, Allah wene fano waruk-o, ulug yig nisarisi-o. Eke aren yig nisaruk wilil, “Hit it Tesalonika aben nintul nantul hinobam ebetuk-o. Eke hiren it bik isa lawon hinindi ebetuk ahep etno hag, iren hit bik hisa wamon ebetuk-o,” ulug ariroho yig nisaruk atisireg fam, nit ninahien harukuk-o.

2 Yohanes 1:4

Nahaloho-o, hat hudaki nin Allah wene warusa-o, ulug nesanggo holtikikseg, nahien harikik-o. At Allahen an nawene wimiek ulug yig nisebag etno fam, an nahien harikik-o.