1 Tesalonika 3:6 - Allah Wene Hurumbik Keron

⁶ Lahapfik waharuk atikikmu, at Timotius etno hit wereg ambehen iog suhuluk ninambeg waharuk atisireg, it Tesalonika ap epma inindi hunduhuk wilil, Allah wene fano waruk-o, ulug yig nisarisi-o. Eke aren yig nisaruk wilil, “Hit it Tesalonika aben nintul nantul hinobam ebetuk-o. Eke hiren it bik isa lawon hinindi ebetuk ahep etno hag, iren hit bik hisa wamon ebetuk-o,” ulug ariroho yig nisaruk atisireg fam, nit ninahien harukuk-o.

1 Tesalonika 3:6 ပူးပေါင်းရင်းမြစ်များ

Kisah Para Rasul 16:1

Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Kisah Para Rasul 18:1

Eke fobik at Paulus etno o Atena sohorep isalug, o Korintus etno waharisi.

Kisah Para Rasul 18:5

Kuruk atisireg weregma, fobik it Silas Timotius inim o Makedonia epmen waharuk atusama, at Paulus sum yihirukon etno sohorep isalug, it Yahudi ap yig isaruk wilil, “At Yesus ari Kristus at-o,” ulug wene etno mondog nintul nantul at yig isaruk atisi.

1 Korintus 11:2

Eke an yi wene di wene nindi ebetuk wilil, wene misig yanggul hiseheg, misig yanggul hiseheg suruk atikik epmano ilitoho hit seneg welahep ari fam hit fano suruk ahep-o, ulug suontep hisaharuk ahi-o.

1 Korintus 13:13

Eke ari halug, ninindi demat ulug ebetuk aheon epmano inim, eke fobik suhu ulug ninahla buruk aheon etno inim, eke ninindi hunduhuk welaheon epmano inim, alem henahan ari mondog wereg-o. Eke ariroho wereg oke, ninindi hunduhuk welaheon epmano alem suon-at wereg-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Filipi 1:8

Eke At Kristus Yesus hit hinobam indi hunduhuk wereg etno hag, an hit hinobam nindi hunduhuk welahi-o, ulug an At Allah inuk fam demat yig hisaruk ahi-o.

Kolose 1:4

Ari, hit At Kristus Yesus obam ebetikibon etno inim, eke Allah udakion hinindi hunduhuk welahebon etno inim obog-at ninesanggo holtukuk-o.

Kolose 4:18

Eke an Paulusen heahi war hinaptuk ahi-o, ulug holal ari an ninggiken-at balihi-o. Eke an hele wareg welahion etno hinapeleg am fug-o. Eke At Allahen hinabua hisawag ulug yig hisihi-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 2:17

Nomini-o, nit nininggik dot ninim welatukuk fug oke, ninahla buruk aheon etno hag ninim wilil, ninebe hag hit ninim welatukuk fug-o. Ari ninebe yatma wilil, hinobam ebetuk atukuk-o. Ariroho ebetuk atukukseg fam, fobik nininggik anggoloam bik hisa wamuog ulug surukuk-o.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Tesalonika 3:7

Eke it ninen dahon epmano ninobam umburuk oke, hit Allah wene fano waruk ahebon epmano ninesanggo holtuk atukukseg, nindi oag wereg atisi-o nomini.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

1 Timotius 1:5

Eke At Allahen hurumbik yig nisebahon etno ninindimuen demat ulug ebetuk wilil, ninindi ninobabut fanoroho welamon etno inim, eke aphe ninindi hunduhuk welamon etno inim og nisawag ulug At Allahen hurumbik etno yig nisebag-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.

Filemon 1:5

Eke hat it Allah udaki obog hinim hindi hunduhuk wilil, At Ninowe Yesus obam demat ulug ebetuk ahen etno nesang­go holtikik-o.

Ibrani 13:3

Ari halug, it aphe hele waroko imbisarusa epmano, nit ninim-at hele wareg neken welahe-o, ulug inabua suruk wilil, inobam hinindi ebetuk amuk-o. Eke misig, it aphe nin dahon inobam umburuson epmano nit ninim neken-at ninobam umburusa ulug, inabua suruk wilil, inobam hinindi ebetuk amuk-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.