1 Tesalonika 3:11 - Allah Wene Hurumbik Keron

¹¹ Eke At Ninikni Allah inim, At Ninowe Yesus inim nit hit hinambeg wamon ninonggalem yahap nisahukag ulug sembahyang uruk ahe-o.

1 Tesalonika 3:11 ပူးပေါင်းရင်းမြစ်များ

Matius 6:14

Eke hiren it apheyen dag surukon epmano inobam inapelegsoho hinapma imbisahup halug eke At Hinikni boholma werehon etnowen hiren dag suruk ahebon epmano hinobam hinapelegsoho apma hinombisahaku-o.

Matius 6:18

Hit orom nenggeg eleg wilil bok weregma nisa nowen ulug ariroho suruk amuk-o. At Hinikni herahoma were­hon etno-at il hisawag-o. Eke Hinikni herahoma il harukon etno­wen selegma-at onggo fanowon etno og hisahu-o,” ulug yig isebag.

Matius 6:26

It sue boholma lenggaltug larukon ari lahap isimiek-o. Iren i angge yareheg, anggen balseheg, inibam ombateheg suruk eleg oke, eke At Hinikni boholmon etnowen naruk angge og isaruk-o. Eke sue etno ariroho og isaruk halug, hit dorat og hisahu behep ano?

Matius 6:32

It aphe Allah wene inapelehon etnowen ariroho inahla buruk-o. Eke hit hinindi ebetuk ahebon ari At Hinikni boholma werehon etno iluk-o.

Matius 6:4

Ari halug, it inaharek elehon og isuog ulug ari herako neken og isao fano-o. Herako og isahup ari fam, At Hinikni herahoma ilanggen harukon etnowen selegma-at onggo fanowon epmano og hisahu-o,” ulug yig isebag.

Matius 6:6

Eke hit sembahyang uog ulug, halug hinibam baharik undama kulug, sok larepatalug, Hinikni herahoma werehon etno obam sembahyang uruk amuk-o. Ariroho yig ituk hisalug, At Hinikni herahoma harukon etnowen selegma-at onggo fanowon etno og hisahu-o.

Markus 1:3

o limu aphe eleg ambeg epmanowen une nintul nantul uruk wilil, ‘At Ninowe etno fanoroho wamagsoho hit onggalem motoho yatuk amiek-o,’ ” ulug wene embebag.

Lukas 12:30

eke it Allah wene inapeleg wilil o kweanma duma werehon epmanowen ariroho inahla buruk-o. Yi angge di angge hinindi ebetuk ahebon epmano ari Hinikni boholmon etno iluk-o.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Roma 1:3

Ari, wene fano wene etno At Allah Amloho Ninowe Yesus Kristus etno at Daud etamu neken endag apahon oke,

2 Korintus 6:18

Endag hinaptuk aruhukseg, nebe Hinikni neken weregma, hit nudaki naholani neken welamuhup-o,” ulug An Allah noag werehon etnowen yig hisaruk ahi-o, ulug abug yig isebag ari, nit-at yig nisebag-o, nomini.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Kolose 1:2

Eke hit Allah udakion epmano hinibam o Kolose wilil ninomini welahep halug, At Ninikni Allahen hinabua hisaruk wilil hinim welamag ulug yig hisehe-o.

1 Tesalonika 4:16

Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

2 Tesalonika 3:5

Eke hit hinindi At Allah hinim hunduhuk welamon etno inim, eke At Kristusen hinindi oag werehep hisahukon etno inim obog-at At Allahen og hisawag ulug yig hisehe-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

Wahyu 21:3

Nilanggen harikikseg weregma, une suon misig At horie uruk ambehen urukmu holtikik-o. Holtikikseg weregma, une etno­wen uruk wilil, “At Allah ibam aphe inanggelegma epmano ambehekseg fam, it inim inibam misig-at neken welamuhup-o. At udaki-at welamuhup-o. At Allah ebe it inim wilil, it Inikni-at welaruhu-o.