1 Tesalonika 3:10 - Allah Wene Hurumbik Keron

¹⁰ Eke ari halug, nit inim-at it Tesalonika ap inambeg mondep nisahakun ano, eke it Tesalonika ap Allah wene iniluk amon etno anggolo og isimin-o, ulug sembahyang uruk ahe-o.

1 Tesalonika 3:10 ပူးပေါင်းရင်းမြစ်များ

2 Korintus 13:9

Eke nit hag ninoag eleg, hit hag hinoag wereg halug, ari ninahien haruk ahe-o. Eke hit hag mondog hinindi oag wereg amag ulug hinake sembahyang uruk ahe-o.

1 Tesalonika 3:11

Eke At Ninikni Allah inim, At Ninowe Yesus inim nit hit hinambeg wamon ninonggalem yahap nisahukag ulug sembahyang uruk ahe-o.

2 Korintus 1:24

Eke hit hinoag weregsoho wene demat ulug ebetuk ahep ari fam, anden hit ariroho hinindi ebetuk amuk ulug nalontoho wilil yig hisiog ulug suruk ahi fug-o. Eke hit hinahien hawag ulug an hit hinim yabuk suruk ahe-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.

2 Tesalonika 1:11

Eke ari halug, nintul nantul hinake sembahyang uruk ahe-o. Eke At Allahen wol hinaptisireg fam hiniluk welamon etno holawag ulug fanorep hisahakeg, eke hiren nit fanowon etno suk ninindi-o, ulug uruk hisalug, oag weregsoho og hiseheg, eke At awene demat ulug ebebukon atog imbirision etno atog og hiseheg, suruk amag ulug At Allah obam sembahyang kino uruk ahe-o.

Filipi 1:25

Eke ariroho buruk ahi ari fam, nebe niluk welaruhuk ari demat ulug nahla buruk ahi-o. Ariroho hinim wilil hinindi oag werehep hisahakeg, eke Allah wene eberoko waruk hisalug hinindi hinahientoho welamag ulug yig hiseheg suruk aruhuk-o.

2 Korintus 1:15

Eke an ihion etno demat ulug nahla buruk wilil, hit ninim birenam ninahien hahuken ulug hinambeg bik hisa wamon etno nahla birikik-o.

Kisah Para Rasul 26:7

Eke it ninetamuki inungguluag dua belas epmanowen At Allah inuk nintul nantul suontepfuruk wilil, At Allahen hurumbik ebahon etno eberoko waruk atikikmu, it Yahudi aben inune dahon epmano nobam denggeltusa-o, nikni.

Filemon 1:22

Eke misig ari, an noho­ruk ambeg nibam baharik misig fikfag hal naptuk amin-o. Eke hiren an nake sembahyang uruk ahep etno At Allahen esanggo holtug an nebe suhuluk hit hinambeg lahap nabik wamag ulug sembahyang uruk ahi-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

Lukas 2:37

Welapareg, fobik ahun etno waratuk apagma, suhwe wilil, delapan puluh empat tahun welapareg, arat sabal apag. Sabal atuk apareg wilil, o At Allah ibam etno sohorep isalug wilip aheg eleg nintul nantul orom nenggeg eleg, sembahyang-at uruk wilil, Allah inuk-at suontepfebag.

Wahyu 4:8

Eke it inebe empat iniluk werehon epmano sue ilitoho inaherabul enggalimen angge weregma, femag femag anduhunmu apma inilanggen wereg harikik-o. Eke it epmanowen ilikia hupmu di uruk wilil, “At Ninikni Allah suon alon wereg-o. At ebe etno bilin welapag, kidia wereg, fobik welaruhuon at-o,” ulug di urusa-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

Wahyu 7:15

Are­repfuruk atusareg, it etno At Allah horie uruk ambeg olohot­ma minduhuk wilil, nintul nantul At ibam eyabuk suruk-o. Eke At horieg werehon etno inim wilil, inili waruk aruhu-o.