1 Tesalonika 3:1 - Allah Wene Hurumbik Keron

¹ Ninindi haruk atukukseg, eke fobik kidia it Tesalonika ap etno keroho wereg ulug bik isa luk-o, ulug ninahla buruk atukukseg, ninomin Timotius hinambeg lahapfik waharukuk-o. Lahapfik waharuk atukukseg, nit ninakeleg o Atena welatukuk.

1 Tesalonika 3:1 ပူးပေါင်းရင်းမြစ်များ

Kisah Para Rasul 17:15

It etano o Berea weregma, it ap at Paulus walug laruson etano o Atena imbik waharuk atusareg, iniog suhuluk o Berea laruk atusareg, it Silas Timotius yig isaruk wilil, “At Paulusen hit dulum nambeg manu-o,” yig isarision etno yig isarusa.

Kisah Para Rasul 17:16

Eke fobik at Paulusen it Silas Timotius etano waharukim ulug o Atena inaso wilil, o epma obog kwanangge ulug waltehon haruk atisireg, indimuen ambit atisi.

2 Korintus 2:13

Ariroho harikikon oke, at ninomin Titus etno o epma ebe eleg harikikseg, nindi seneni anggolo ebetikik-o. Ariroho ebetuk atikikseg, it aphe epmon obog heahi warep isalug, o Makedonia etno waharikik-o.

1 Tesalonika 2:17

Nomini-o, nit nininggik dot ninim welatukuk fug oke, ninahla buruk aheon etno hag ninim wilil, ninebe hag hit ninim welatukuk fug-o. Ari ninebe yatma wilil, hinobam ebetuk atukuk-o. Ariroho ebetuk atukukseg fam, fobik nininggik anggoloam bik hisa wamuog ulug surukuk-o.

1 Tesalonika 3:5

Eke anden it o Tesalonika epma Allah wene warukon etno keroho waruk ulug nahla buruk wilil, at Timotius etno hinambeg lahapfik waharikik-o. Eke at iblisen hinindi kahalik waharukmu, niren hinindi yabuk surukukon etno eleg atisi ano ulug nahla buruk wilil, at Timotius lahapfik waharikik-o.