1 Tesalonika 2:9 - Allah Wene Hurumbik Keron

⁹ Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Tesalonika 2:9 ပူးပေါင်းရင်းမြစ်များ

Lukas 18:7

Eke aren ebag etno hag, eke it apheyen At Allah obam sembahyang uruk isalug, inili wahu fug buruk ahep ano? Eke orog orog-at yalmako imbisahu buruk ahep ano? Ari eleg-o.

Lukas 2:37

Welapareg, fobik ahun etno waratuk apagma, suhwe wilil, delapan puluh empat tahun welapareg, arat sabal apag. Sabal atuk apareg wilil, o At Allah ibam etno sohorep isalug wilip aheg eleg nintul nantul orom nenggeg eleg, sembahyang-at uruk wilil, Allah inuk-at suontepfebag.

Kisah Para Rasul 18:3

at Paulus etno inambeg laruk atisireg inim wilil, iren sum o faltukon yig itusa etno hag, aren it aphe inibam falsawag ulug sum o faltukon etno yiko og isarisimu, iren onggo yi angge di angge og itusa.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Roma 1:1

An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

1 Korintus 4:12

Eke nininggik fam suruk wilil, yabuk sat anggolo-at suruk ahe-o. Eke iren dahon ulug yig nisarukmu, niren it hag wa ulug yig isaruk ahe-o. Eke iren dahon epmano ninobam ninombisahuog ulug mug nisaruk oke, nit ninindi bugsoho-at welahe-o.

1 Korintus 9:15

Eke ari halug, hinaharek og nimiek-o, ulug yig hiseleon oke, yig hiseheg eleg-at welatikik-o. Eke hit og nimuhuben ulug wene holal du bal hisarikik fug-o. Eke alem ari fam ap misihen an yuhun-at suontep nahalepmen, an waram fano bele-o.

1 Korintus 9:18

Eke ari halug, an neyabuk onggo etno nongge og num-o? An neyabuk onggo du at-o, an wene fano wene yig isaruk wilil, wene ari onggo umbukag ulug yig iseheg eleg, eke an wene fano wene yig isaruk ahion etno fam yi angge di angge og nimiek ulug kino yig iseheg eleg bok welahi ari, an neyabuk onggo ari at-o.

1 Korintus 9:4

an naharom inim, nahik inim an nakelehen naruk am hai buruk ahep ano?

2 Korintus 11:27

Eke an nebe yabuk angginon sat anggolo seheg, eke an nohukon etno sohorep isalug welaheg, eke naharom nahik obok heheg, hunik-at welaheg, eke nibam nowatke elegma sohik heheg, eke nasum elehen dahon-at wantoho neabie neken-at sil nuruk atikik-o.

2 Korintus 11:9

Eke an yi angge di angge elegma, it ninomini o Makedonia epmen waharuson epmanowen obog ilitoho-at og nirik waharusa-o. Eke an bilin og nimiek ulug yig hisarikik fug etno hag, fobik ariroho yig hisahuk fug-o.

2 Korintus 6:5

Eke it ninen yikangge war ninabeheg, eke aphe dahon imbisaruk ambeg epmano kolap nisahakeg, eke muko wilip nisahakeg suruk-o. Eke nit hag, nohuk sohorep isalug, eke yabuk sat anggolo seheg, eke yi angge di angge nenggeg eleg suruk ahe-o.

Filipi 4:16

Eke an o Tesalonika wilil yi angge di angge elegma, hiren nintul nantul og nirik waharikip-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

1 Tesalonika 2:6

Eke hiren inim, it ninen inim nininuk suontep nisahukag ulug surukuk fug-o.

1 Tesalonika 3:10

Eke ari halug, nit inim-at it Tesalonika ap inambeg mondep nisahakun ano, eke it Tesalonika ap Allah wene iniluk amon etno anggolo og isimin-o, ulug sembahyang uruk ahe-o.

1 Timotius 1:11

Eke wene fano wene ari, aphe yig isawag ulug At Allah ahien ninobam umburukon etnowen minduhup naharisi-o.

1 Timotius 4:10

Eke At Allah iluk werehon etnowen it aphe obog inim, eke nit At udaki inim ninili warukon etnowen fanowon etno og nisahu-o, ulug At obam ninindi ebetuk wilil, sat anggolo neken yabuk suruk ahe-o.

1 Timotius 5:5

Eke it hweap suhweon inasuki elehon halug, At Allah obam ebetuk wilil, nintul nantul sembahyang uruk wilil, kino yig ituk amuhup-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.