1 Tesalonika 2:6 - Allah Wene Hurumbik Keron

⁶ Eke hiren inim, it ninen inim nininuk suontep nisahukag ulug surukuk fug-o.

1 Tesalonika 2:6 ပူးပေါင်းရင်းမြစ်များ

Yohanes 12:43

Ariroho selegma eheg eleg-at welapag ari, it apheyen suontep nisahuk ari hag fano oke, At Allahen suontep nisahuk ari we hai neken at-o, ulug inahla buruk wilil ariroho welapag.

Yohanes 5:41

Yig isaruk apareg, eke fobik yig isaruk wilil, “An it apheyen suontep nahukag ulug suruk ahi fug-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Yohanes 7:18

Eke at ap misig onggareg ahla burukon etno-at yig isaruk ari, at ebe-at suontepatiog ulug suruk-o. Eke ap misig at lahap nabik waharision etno inuk-at suontepfukag ulug ahla buruk wilil surukon ari, indi seberoho wereg etno fam, enggal wene yig isaruk eleg-o.

1 Korintus 11:9

Eke it ap epmano hag hweap inim dambuksoho welamag ulug wal isebag fug-o. It hweap epmano-at ap inim dambuksoho welamag ulug wal isebag-o.

2 Korintus 13:10

Eke hit ariroho hinobabut fano mondog welamag ulug an nebe yatma wilil oke, holal du bal hisihi-o. Eke hit hinebe seberep hisahukon etno sohorep isalug, hinindi oag werehep hisahukag ulug At Allahen minduhup naharision oke, anden noag weregsoho winimug hisihi ha nowen ulug holal du bilin bal hisaruk ahi-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Galatia 5:26

Eke an suon aruhuken ulug sil nurukon etno inim, eke nambit hambit urukon etno inim, eke ap du suon wereg du nindi-e, an ariroho suon welatle, ulug inahla burukon etno inim, obog-at sohorep isaruk amuk-o.

Galatia 6:13

Eke it epmano iniyunggul ambilik bal sarukon oke, wene duroho suruk amuk eke duroho suruk am fug ulug ebahon etno ilitoho suruk eleg-o. Eke iren nit nininuk suontep nisahukag ulug inahla buruk wilil, hiren hiniyunggul ambilik bal simiek ulug yig hisaruk-o.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Timotius 5:17

Eke it ap Allah wene yig isarukon epmano hag, aphe inindi aso fanoroho wereg isalug, ininuk suontepfuruk amuk-o. Eke it Allah wene yanggul isarukon epmano yabuk fanoroho suruk isalug, Allah ake umburukon epmano anggoloroho og isaruk amuk-o, ulug wene ariroho yig hisihi ari, Alkitab famen yig nisaruk wilil, “Wam sapi iog fam wiyagfut anggen loltil nurukmu, ambilik hele wabuk fug-o,” eke “It ap yabuk surukon epmano onggo ilitoho og isa fano-o,” ulug yig nisaruk-o.