1 Tesalonika 2:3 - Allah Wene Hurumbik Keron

³ Ariroho oag werehep nisaharisireg fam, wene ninenggal-at yig hiseheg, eke yamintal neken yig hiseheg suruk atukuk fug-o. Ariroho suruk eleg wilil, hinesanggo war hinaptuk atukuk-o.

1 Tesalonika 2:3 ပူးပေါင်းရင်းမြစ်များ

Kisah Para Rasul 13:15

Horie uruk apareg weregma, it wene urukon epmanowen at Musaen wene holal embebahon etno inim, eke it nabien wene holal embebahon epmano inim yig isaruk apagma, it o Allah wene uruk ambeg unde werehon epmanowen at Paulus omini epmano inim yig isaruk wilil, “Nomini-o, wene misig wereg halug, nit nindi ninahien hulen ulug yig nisimiek-o,” ulug yig isaruk apagma,

Kisah Para Rasul 4:36

It ninen og isa lebag etno hag, at ap misig inuk Yusuf, ungguluag Lewi, ibam o Siprus epmen endag apahon etno waharuk apagma, it mondep isebahon epmanowen ninindi fano ninaptukon ulug inuk Barnabas soalfag.

2 Korintus 11:13

Eke it nit mondep nisahabahon at-o, ulug urukon ari, inenggal-at nit nineyabuk du at-o, ulug uruk wilil, At Kristus omini mondep isebahon epmano ilitoho welamuog ulug inobabut akelehon neken suruk-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

2 Korintus 6:8

Eke nit ninebe epmano it ap ninen suontep nisahakeg, dorontep nisahakeg, eke ninobam denggeleheg, eke it ninen fano suruk ulug inilanggen heheg, eke niren demat ulug uruk aheon etno inenggal uruk ulug yig niseheg suruk-o.

2 Korintus 7:2

Niren yig hiseheon etno ebebuog ulug hinindi sok husig neken welamuk-o. Eke ap misig ninenggal-at obam denggeleheg, eke obabut indi arik sebeheg, eke ap misig ninalomnangge holeheg suruk atukuk fug-o, ulug ihion ari hit hinoag del hinabiog ulug yig hisihi fug-o.

1 Tesalonika 2:11

Eke iniknisien inudaki fanoroho yig isaruk etno hag, yig hisaruk atukukon etno hit hiniluk-o.

1 Tesalonika 4:7

Eke At Allahen yi dag di dag suruk amag ulug wol hinaptisi fug-o. Aren hinobabut fanoroho suruk amag ulug wol hinaptisi-o.

2 Tesalonika 2:11

Eke it epmanowen enggal wene etno demat inahla bukag ulug yamintal surukon oag werehon etno At Allahen inobam imbisaruk-o.

2 Petrus 1:16

Ari halug nomini-o, At Ninowe Yesus Kristus oag werehon waruhu ulug, yig hisaruk ahi etno yi wene di wene inenggal urukon epmano mutlug lawag ulug yig hisaruk ahi fug-o. Nit ninilanggen At Yesus sukfuganggeroho surukmu harukuk-o.