1 Tesalonika 2:13 - Allah Wene Hurumbik Keron

¹³ Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

1 Tesalonika 2:13 ပူးပေါင်းရင်းမြစ်များ

Matius 10:20

Fobik hinonggarehen hinahla buhubon etno yig isaruk eleg heheg, At Hinikni Roh Kudus etnowen yig hisahuon etno-at yig isaruk amuhup-o.

Matius 10:40

At Yesusen yig isaruk wilil, “Ap misihen ninim welamulen ulug yig hisaruk halug, An nebe-at ninim welamulen yig nituk-o. Eke An nebe ninim welamulen yig nituk isalug, At lahap nabik waharision etno-at ninim welamulen yig ituk-o.

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Lukas 5:1

Eke fobik, At Yesus etno ik Galilea ayegma minduhuk weregma, it aphe obog epmanowen Allah wene yig nisarukmu ninesanggo holtulen ulug, inebe At Yesus olohotma horog horog kuruk wilil, at misig fonggogsoho wilipfeheg kuruk apag.

Lukas 8:11

Yig isaruk apareg, eke fobik yig isaruk wilil, “Wene ilitoho neken yig hisihion etno kidia ebe yig hisamin-o. Eke i kililfahon etno ari Allah wene at-o.

Lukas 8:21

At Yesus etnowen it obog epmano yig isaruk wilil, “At Allahen une yig isarukmu inesanggo holtug ilitoho surukon halug ari An nisina, nosi at-o,” ulug yig isebag.

Yohanes 15:3

Eke engga buhon inim, il inim kisiloko imbisaruk etno hag, Anden wene yig hisaruk atikik etno fam arat hinindi ho hinaptikik-o.

Yohanes 17:17

Ari halug, it epmano Hat hudaki welamag ulug wene demat uruk amon etno yanggul isaruk amin-o. Eke wene demat urukon etno Hat hawene at-o.

Yohanes 17:19

Eke it inebe epmano Hat hudaki demat welamag ulug An nebe etno it inake nonggarehen fuloko ombataruk ahi-o.

Kisah Para Rasul 10:33

hat hebe wamag ulug it etna hambeg yonggo lahap isarikik-o. Lahap isarikikmu, nomin, hat nea wahen ari fano. Eke kidia At Ninowe Yesus etnowen duroho yig isimuk ulug yig hitukmu, haren yig nisamihinon etno ninesanggo holtulen ulug At Allah il fam nit obog wonggaloko welahe-o,” ulug at Korneliusen Petrus etno yig epag.

Kisah Para Rasul 13:48

it Allah wene inapelehon epmano inahien anggolo haruk wilil, Allah wene etno demat ulug suontepfebag. Suontepfuruk apareg, eke it iniluk initog mondog welamag ulug heako imbisebahon epmano wene eberoko webag.

Kisah Para Rasul 16:14

Ninim wene urukukon etno at misig inuk Lidia, ibam Tiatiraon etno at ebe sum huluon fanowon at ambeg onggo baltukon welatisi. Eke at hwe etno Allah wene warukon oke, At Allahen fikfag esanggo warepfirisimu, at Paulusen irision etno indimu eberoko warisi.

Kisah Para Rasul 17:11

Kurusareg, wene yig isaruk atusama, it Tesalonika aben wene inambit urusa etno hag surusa fug. It wene etno inesanggo fanoroho holtuk wilil, At Paulusen demat yig nisehek ano? ulug iniluk amag ulug Alkitab etno nintul nantul wane suruk atusa.

Kisah Para Rasul 17:32

Eke at Paulusen ap warehon minduhupfisahu-o ulug yig isarision etno inesanggo holtuk atusareg, it ninen ahunda yatusa. Ahunda yatuk atusama, eke it ninen yig ituk wilil, “Ehenon etno fobik dahagsoho yig nisahun-o,” ulug yig ituk atusama,

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Kisah Para Rasul 8:14

Fog suruk apareg weregma, it mondep isebahon epmano o Yerusalem wilil, it Samaria aphe Allah wene waruk-o ulug inesanggo holtuk apareg, it Petrus Yohanes inim o Samaria etno lahap isebag.

Roma 10:17

Eke ari fam, wene inesanggo holtukon etno fam, demat ulug eberoko waruk amuhup-o. Eke Kristus awene fanowon yig isaruk etno fam inesanggo holtuk amuhup-o.

2 Korintus 3:18

Eke ari halug, hit obog ninolohore sum sambunteg elehon neken wilil, At Ninowe suon abikag suruk wilil alon werehon etno wukahi fam haruk etno hag ninilanggen haruk ahe-o. Eke At Roh Kudus etnowen nit ninebe At Ninowe etno ilitoho seg amag ulug suontep nisaharuk wereg-o.

Galatia 4:14

Eke an nebe uk wareg wilil, noag elegsoho-at yig hisarikikon oke, hiren ap uk warehon du bik hao ninambit ulug hinambit hun naptikip fug-o. Eke At Allah malaikaren yig hisarukmu wao hag, anden yig hisarikikon etno warikip-o. Eke At Kristus Yesusen yig hisarukmu wao hag, anden yig hisarikikon etno warikip-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

Ibrani 4:12

Eke At Allahen wene ebahon etnowen niniluk ninaptuk wilil, oag weregsoho-at suruk-o. Eke karog enggat femag femag werehon etno enggat wereg-at oke, eke At Allah wene etno hag, mondog enggat werehon-at wilil, aphe inindi fam inim, inomanggen fam inim, inoag abohe fam inim, kuruk-o. Ariroho kuruk wilil, it apheyen du nindi ulug inahla burukon etno inim, eke inindi ebetukon etno inim obog-at selegmaroho bukaloko oag deltuk-o.

Ibrani 4:2

Eke bilin it Israel aphe Allah wene inesanggo holtuk apag etno hag, nit wene fano wene etno ninesanggo holtukuk-o. Eke iren wene etno inesanggo holtuk apareg oke, eberoko webag fug etno fam, wene yig isarukon-at oke, inindi mot apag fug-o.

Yakobus 1:18

Eke nit ninebe epmano At udaki manggia neken welamag ulug, Aren ahla bulug yi wene di wene demat surukon epmano yig nisaruk wilil, endag ninaptuk-o.

1 Petrus 1:23

Allah wene iniluk inaptukon etno warikip halug, hinebe keron neken endag atikipseg fam, At Ninikni Allah iluk mondog werehon etnowen endag hinaptisi-o.

1 Petrus 1:25

Amburuk oke, eke At Ninikni Allah wene etno hag iluk mondog welaruhu-o,” ulug wene holal embebahon etno weregma, wene fano wene ulug yig hisarusa-o.

1 Petrus 2:2

Eke udag doronen isina ag naruk hag, hit At Roh Kudusen yanggul hisarukon wene etno mondog holaruk weregma etno fam hinindi werehep hisahalug hinili wahu-o.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.