1 Tesalonika 1:8 - Allah Wene Hurumbik Keron

⁸ Eke hit hinebe alem neken weregma, Allah wene etno o Tesalonika, hit welahep ambeg epmanowen o Makedonia laheg, eke o Akhaya laheg suruk wilil o ahik ya da obog-at su atisimu, niren Allah wene warukukon etno o duma it aphe obog-at inesanggo holtusa-o. Ariroho suruson etno hiniluk heheg, yig hisolowon oke, sohorep isehe-o.

1 Tesalonika 1:8 ပူးပေါင်းရင်းမြစ်များ

Kisah Para Rasul 18:12

Yanggul isaruk atisireg weregma, eke fobik at Galio etno o Akhaya it Roma aphe inowe suon minduhupfuruk atusama, it Yahudi ap balusik waharuk atusareg, at Paulus etno senoko at Galio apma imbik waharusa.

Roma 1:8

Nomini-o, an wene misig du yig hisik-o. It o ahik ya da epmanowen it Roma aphe Allah wene fanoroho waruk-o, ulug il nuruk isalug, an At Yesus Kristus inuk fam Ninikni Allah wa ulug yig ituk ahi-o.

Roma 15:26

Eke it Allah udaki o Makedonia Akhaya inim werehon epmanowen it Allah udaki o Yerusalemon inaharek elehon epmano yi angge di angge og isuog ulug Allah ake yi angge di angge umbuhuk inahla burusa ari,

Roma 16:19

Eke hit hag wene fano wene etno fanoroho-at eberoko waruk ahep ari fam it yi aphe di aphe obohen inesanggo holtusa halug, an nahien hisaruk ahi-o. Eke fano surukon etno hag hiniluksoho wilil, dag surukon epmano hinapeleg welam ari fano nahla buruk ahi-o.

1 Korintus 14:36

Eke Allah wene etno hit hinindimuen-at heahalug yig isaruk ahep ano? Eke hit hinakeleg-at yig hisa waharisi ano? Eke hat misihen an Allah wene yig isarukon-at weregma, At Roh Kudusen og nitisi-o,

2 Korintus 2:14

Eke At Allah wa ulug yig imuk-o. Nit At Kristus ninim wereg nisalug, At Allahen At Kristus suontepfuruk etno hag, nit At mutlug laruk aheon epmano ariroho-at suontep nisaharuk-o. Eke amben fanowon misig halug, it apheyen amben baltuk etno hag, At Kristus awene fanowon etno it obohen iniluk amag ulug At Allahen lahap nisaharuk-o.

2 Korintus 3:4

Eke ari halug, At Kristus inuk fam Allahen suhu ulug ebetuk ahe-o.

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

2 Tesalonika 1:4

it Tesalonika ap fano wereg etno hit hinilanggen isaruk amiek-o, ulug hininuk suontepfuruk wilil, eke it ninen dahon etno hinobam umburuk iseheg, hinindi oag weregsoho welahebon etno inim, eke nintul nantul Allah wene fanoroho waruk wilil, hinindi seberoho welahebon etno inim, it obog-at yig isaruk ahe-o.

2 Tesalonika 3:1

Nomini-o, At Allah wene hit hinanggelegmen su atisi etno hag, o ahik ya da obog wawag ulug ninake sembahyang iuk-o.

1 Timotius 2:8

Eke misig ari, o ahik ya da it ap halug inasine heheg eleg, winimug eheg eleg wilil, ininggik dambuksoho sembahyang uruk amag-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

3 Yohanes 1:12

Ari halug, at Demetrius etno obabut fano-at wereg-o, ulug it obohen yig nituk-o. At obabut fano wereg ulug, Allah wene etnowen yig nituk-o. At obabut fano wereg ulug, anden ariroho demat ulug yig hituk ahi-o.

Wahyu 14:6

Eke fobik at malaikat misig boholma anduhunmu leng­galtug larukmu, nilanggen harikik-o. Nilanggen lahap haruk atikikmu, at malaikat etnowen it o ahik ya da inune yion dion obog-at urukon epmano wene fano wene etno une oag weregsoho yig isa­ruk wilil,

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.