1 Tesalonika 1:7 - Allah Wene Hurumbik Keron

⁷ Ariroho eberoko warikipseg fam, it aphe Allah wene warukon obog o Makedoniaon inim, eke o Akhaya inim, obog ilitoho suog ulug inilanggen hisarusa-o.

1 Tesalonika 1:7 ပူးပေါင်းရင်းမြစ်များ

Kisah Para Rasul 1:13

Amburuk apareg, it wereg ambeg inibam umbo epmano lahabag. Lahabareg weregma, it Petrus, Yakobus inim, eke it Yohanes, Andreas inim, eke it Filipus, Tomas inim, eke it Bartolomeus, Matius inim, eke it Alfeus amloho Yakobus, Simon inuk misig Zelotes etano inim, eke at Yakobus ot Yudas etno inim obog dambuksoho welapag.

Kisah Para Rasul 16:12

Waharuk wilil, so etno sohorep isalug, o Filipi kwean Makedonia fam, it Roma ap unde wereg ambeg etno waharukuk.

Kisah Para Rasul 18:1

Eke fobik at Paulus etno o Atena sohorep isalug, o Korintus etno waharisi.

Kisah Para Rasul 18:12

Yanggul isaruk atisireg weregma, eke fobik at Galio etno o Akhaya it Roma aphe inowe suon minduhupfuruk atusama, it Yahudi ap balusik waharuk atusareg, at Paulus etno senoko at Galio apma imbik waharusa.

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Roma 15:26

Eke it Allah udaki o Makedonia Akhaya inim werehon epmanowen it Allah udaki o Yerusalemon inaharek elehon epmano yi angge di angge og isuog ulug Allah ake yi angge di angge umbuhuk inahla burusa ari,

2 Korintus 1:1

An Paulus At Allah ahla buruk apareg, At Yesus Kristus awene yig isil nuruk amag ulug mondep naharision etno inim, eke at ninomin Timotius etno ninimen, hit Allah udaki o Korintus inim eke o Akhaya obog welahebon etno holal du bal hisehe-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

1 Tesalonika 1:8

Eke hit hinebe alem neken weregma, Allah wene etno o Tesalonika, hit welahep ambeg epmanowen o Makedonia laheg, eke o Akhaya laheg suruk wilil o ahik ya da obog-at su atisimu, niren Allah wene warukukon etno o duma it aphe obog-at inesanggo holtusa-o. Ariroho suruson etno hiniluk heheg, yig hisolowon oke, sohorep isehe-o.

1 Tesalonika 4:10

Eke Aren yanggul hisarision etno hiniluk wilil, it hinomini o Makedonia werehon epmano obog hinindi hunduhuk welahep ari fano neken welahep oke, fobik inim obam seberoho sukag ulug yig hisaruk ahe-o nomini.

1 Timotius 4:12

Ariroho suruk healug, it apheyen, hat hebe doron atma, bok amin-o, ulug yig hum ari hai-o. Eke haren uruk ahenon etno inim, eke hobabut fanoroho suruk ahenon etno inim, eke aphe hinim hunduhuk welahebon etno inim, eke Allah wene demat ulug ebetuk wilil ilitoho suruk ahenon etno inim, it aphe obohen inilanggen healug, nit ari ilitoho suruk amuk-o ulug inahla bukagsoho suruk amin-o.

Titus 2:7

Eke hat hag yiro­ho seheg diroho seheg fanoroho suruk healug, aphe inil og hap­tuk wereg-o. Iren fanoroho suruk amag ulug hat inim fanoroho suruk amin-o. Eke haren wene yanggul isaruk ahenon etno motoho yig isaruk amin-o. Ap inindi oag werehonen demat yig isaruk etno hag hat yig isaruk amin-o.

1 Petrus 5:3

Eke At Allah udaki hinapma welamag ulug og hisarision epmano ninasineroho yig isahuken, ulug hinahla buruk eleg wilil, hiren fano suruk ahep etno ilitoho iren fano suruk amuhup-o.