1 Tesalonika 1:6 - Allah Wene Hurumbik Keron

⁶ Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

1 Tesalonika 1:6 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Yohanes 8:12

Eke fobik At Yesus etnowen yig isaruk wilil, “It aphe kweanmon duma selehap inaptukon etno An at-o. Eke it yi aphe di aphe obog-at An mug naplug laruk etno fam, o seleg iniluk welamon etno holahupseg, o hikmu laruk amuhup fug-o,” ulug yig isebag.

Kisah Para Rasul 13:52

Laruk apagma, it o Antiokhiaon Allah wene webahon epmano Roh Kudus inindimu kurukmu inahientoho welapag.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Kisah Para Rasul 9:31

Lahapfuruk apagma, it o Yerusalem, Galilea, Samaria aphe Allah wene warukon epmano obog fano welapag. Fano wilil, it inebe At Roh Kudusen yalmag inaptukmu anggolo apag. Inebe anggolo atuk apareg wilil, At Allah apma seberoho welapag.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

1 Korintus 11:1

Eke an At Kristus nilanggen halug suruk ahi etno hag, hit anden surukon hinilanggen nealug suruk amiek-o.

1 Korintus 11:2

Eke an yi wene di wene nindi ebetuk wilil, wene misig yanggul hiseheg, misig yanggul hiseheg suruk atikik epmano ilitoho hit seneg welahep ari fam hit fano suruk ahep-o, ulug suontep hisaharuk ahi-o.

1 Korintus 4:16

Ariroho fano hinaptisireg fam, hit an suruk ahi ilitoho suruk amuhuben ulug hinesanggo watuk ahi-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

2 Korintus 8:5

Eke niren it du arat umburusa ulug ninahla burukukon oke, fobik obam seberoho inim umburusa ari, it bilin inebe At Ninowe etno og itusareg, fobik At Allahen ahla buruk etno ilitoho inebe nit-at og nisarusa-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 5:1

Eke hit At Allah udaki indi hunduhukon epmano At ilitoho welamuog ulug nintul nantul mutlug laruk amiek-o.

Filipi 3:17

Ari halug, hit an nahengga senetuk amiek-o. Eke hit obog an mug naplug fobik lawag ulug an bilin larikik-o. Eke it an ilitoho larukon ari hinil og inabiek-o.

2 Tesalonika 1:4

it Tesalonika ap fano wereg etno hit hinilanggen isaruk amiek-o, ulug hininuk suontepfuruk wilil, eke it ninen dahon etno hinobam umburuk iseheg, hinindi oag weregsoho welahebon etno inim, eke nintul nantul Allah wene fanoroho waruk wilil, hinindi seberoho welahebon etno inim, it obog-at yig isaruk ahe-o.

2 Tesalonika 3:7

Eke niren suruk atukukon etno ilitoho suk ari fano-o, ulug hit hiniluk-o. Eke nit hit hinanggelegma wilil, ninaborali elegsoho welatukuk etno hit hiniluk-o.

2 Tesalonika 3:9

Eke hiren yi angge di angge og nisawag ulug yig hisolowon oke, og nisimiek ulug yig hisarukuk fug. Ariroho yig hisarukuk fug ari, hit hinil nisalug ilitoho suruk amag ulug suruk atukuk-o. Ariroho suruk atukukseg, eke hit yig hisaruk wilil,

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Ibrani 10:34

Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.

1 Petrus 1:6

Og hisawon epmano weregma, kidia-at hinahien haruk amiek-o. Eke kidia it ninen yi dag di dag hinobam umburukmu ioba yatuk neken welahep oke,

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,

1 Petrus 3:13

Eke fano-at suhuk ulug hinindi ebetuk hisalug, ap sen dahon hinobam umbuhu-o?

3 Yohanes 1:11

Nomin-o, it dag sil nurukon epmano inahengga senebuk fug-o. Fano sil nurukon epmano halug, inahengga seneriuk-o. Fanoroho surukon halug At Allahen angge-at wereg-o. Dag surukon halug, At Allah apeleg-at wereg-o.