1 Tesalonika 1:5 - Allah Wene Hurumbik Keron

⁵ Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.

1 Tesalonika 1:5 ပူးပေါင်းရင်းမြစ်များ

Markus 16:20

Eke it At omini epmano o ahik ya da epmano wene yig isil nuruk wilil, At Ninowe inuk suon etno inim sukfuganggeroho sil nuruk apag. Iren wene yig iseheg, Aren sukfuganggeroho seheg sil nuruk apag etno fam, it aphe epmanowen wene du demat-o ulug uruk apag. Amin.

Lukas 1:1

Nare Teofilus wai. Yiroho diroho nit ninim wilil sirision epmano it ninen almen atogma inilanggen harusareg, yig isil nuruk atusa-o.

Kisah Para Rasul 11:21

Yig isaruk apareg, At Ninowe Yesus oag werehon etno inim sil nurukmu, it yi aphe di aphe obog-at Allah wene eberoko webag.

Kisah Para Rasul 16:14

Ninim wene urukukon etno at misig inuk Lidia, ibam Tiatiraon etno at ebe sum huluon fanowon at ambeg onggo baltukon welatisi. Eke at hwe etno Allah wene warukon oke, At Allahen fikfag esanggo warepfirisimu, at Paulusen irision etno indimu eberoko warisi.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

1 Korintus 1:24

nit At Allahen wol nisarukon epmano, Yahudi ap inim, Yunani ap inim obog-at dambuksohoen, wene ari At Kristus inuk-at yig nisaruk-o, eke At Kristus etnowen Allah oag weregsoho surukon etno inim, eke At Allah indi ilukonen ahla burukon etno inim obog-at dindiloko yig nisaruk-o, ulug ninahla buruk ahe.

1 Korintus 10:33

Eke an yi seheg, di seheg suruk wilil, it ap obohen inahien hawag ulug suruk ahi-o. Eke an yi angge di angge og nemag ulug heahil sil nuruk ahi fug-o. Eke it aphe obog inili holeheg, eke fanowon etno holeheg suruk amag ulug suruk ahi-o.

1 Korintus 3:16

Eke hit hinebe At Allah ifaleg neken-at welahep oke, eke hit At Roh Kudus etno ninindimu wereg eleg buruk ahep ano?

1 Korintus 3:6

Eke anden i yatikik-o. Eke at Apolosen hohol warisi-o, ik deltil larisi-o, eke At Allahen i yahowon etno unggum lahapfik waharisi-o.

1 Korintus 4:20

Eke At Allah weregmen sukon ari inune urukon epmano fam suruk eleg-o. Eke inindi oag werehon epmano fam-at suruk-o.

1 Korintus 9:14

Eke ari ilitoho At Ninowe etnowen, it ap wene fano wene yig isil nurukon epmano yi angge di angge og isimuk, ulug inesanggo wapag-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

Galatia 2:2

Eke At Allahen lag ulug yig nitisimu larikik-o. Laruk atikikseg it mondep isebahon epmano ninim wene baltuk wilil, anden it aphe Allah wene inapelehon epmano wene fano wene duroho yig isil larikik ulug bukaloko yig isarikik-o. Eke an kidia wene yig isil laruk ahion etno inim, eke bilin yig isil larikik etno inim, enggal-at yig isil larisi ulug an neyabuk etno hairepfuk nowen ulug, it inowesi epmano obog-at dindiloko yig isarikik-o.

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Efesus 3:20

Eke At Allah ninindi yabuk oag weregsoho surukon etno niren kino uruk wilil obam sembahyang uruk nisalug, niren ninindi ebetuk aheon epmano obam seberoho og nisiog ulug ahla buruk-o.

Filipi 2:13

Ariroho suruk hiseheg, At Allahen ariroho suruk amuhup ulug yig hisebahon hinahien haruk wilil ilitoho sukon etno nintul nantul og hisaruk-o.

Filipi 4:9

Eke an nuneyen yig hisaruk wilil, dahan fahan seheg eleg ilitoho suruk atikik etno hag, hit ariroho yanggul hisaruk wilil yig hisarikikon etno dahan fahan seheg eleg ilitoho-at suruk amiek-o. Ariroho suruk hisalug, At Allah ninebe dambuk ninaptukon etno hinim welamuhup-o.

Kolose 2:2

Allah wene etno hiniluk wilil, hinindi demat ulug ebetuk amuhupseg, hit hinoag weregsoho welamuhuben ulug hit hinake yabuk suruk ahi-o. Eke ari halug, At Kristus bilin heraho neken welapahon etno ebe iniluk atlug,

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

2 Tesalonika 2:14

Eke niren wene fano wene yig hisarukukon etno fam At Allahen wol hinaptisi-o. Eke At Ninowe Yesus Kristus etno inim suon welamag ulug wol hinaptisi-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

2 Timotius 2:8

Ebetuk wilil, eke At Yesus Kristus etno inim obam ebetuk amin-o. Eke At Yesus etno Daud etamu neken weregma, aphe waratuk ambehen iluksoho minduhupfebag ulug, wene fano wene etno aphe yig isil nuruk ahi-o.

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Ibrani 6:11

Eke hit hinarug fanoroho suruk ahebon etno mondog-at suruk amag ulug ninindi hisaruk wilil yig hisehe-o. Eke hit hinarug fanoroho suruk hisalug, hiren fanowon og nisahu ulug hinahla buruk ahebon etno og hisahu at-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Petrus 5:3

Eke At Allah udaki hinapma welamag ulug og hisarision epmano ninasineroho yig isahuken, ulug hinahla buruk eleg wilil, hiren fano suruk ahep etno ilitoho iren fano suruk amuhup-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

2 Petrus 1:19

Ariroho holtuk atukukseg, it nabien bilin hurumbik ebahon epmano ninindimu waruk ahe-o. Ninindimu waruk nisalug, hit ariroho-at waruk amuk-o. It nabi aben hurumbik ebahon epmano o seleg suon neken weregma, o hikmu seleg atuk etno ilitoho hinindimu selehap hinaptuk-o.