1 Petrus 5:8 - Allah Wene Hurumbik Keron

⁸ Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

1 Petrus 5:8 ပူးပေါင်းရင်းမြစ်များ

Matius 13:39

Eke ap etno inim healeg wilil hohol i yapahon etno ari, at iblis ebe-at wereg-o. Weregma, fobik anggen balukon etno fanggog uhumu, it malaikat etnowen anggen baltukon etno hag, anggen baluhup-o.

Matius 24:42

Eke At Hinowe etno mo eta weregma waruhu ulug hinapeleg halug, hit fikfag hinilanggen yaharoho welamuk-o.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 4:1

Eke fobik At Yesus etno iblisen indi kahalik wamag ulug At Roh Kudus etnowen walug o limu aphe eleg ambeg epmano le­bag.

Matius 4:11

at iblis etno sohorep isalug, mondog lebag. Mondog laruk apag­ma, eke it malaikat epmano waharuk apareg, At Yesus aso welapag.

Markus 4:15

Eke i kwalema belabil lebag etno hag ari, it nin wene fano wene yig isil lebahon etno inesanggo fano holfahon oke, at iblis etno waharuk wilil, wene inindimu werehon lisoko waruk-o.

Lukas 21:34

At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Lukas 22:31

At Yesusen Petrus etno yig ituk wilil, “Simon wai, hesanggo holin-o. Eke ap misihen hulim anggen ahap fultuk etno hag, at iblis etno hit obog hinindi kahaliog ulug waruhu-o.

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

2 Korintus 2:11

Eke at iblis etnowen seberep nisahuk nowen ulug, at ap etnowen dag sirision etno sohorep isalug, obam apelegsoho napma imbirikik-o. Eke at iblisen ariroho sik ulug ahla burukon etno niniluk-at-o.

Efesus 4:27

Eke at iblis etno hinindimu kik wam nowen ulug hiren wilip amin ulug uruk am ari fano-o.

Efesus 6:11

Eke at iblis etnowen enggal-at suruk wilil, hinindi kahalik waharuk heheg, hit minduhuk welamuhuben ulug At Allahen oag werehon etno og hisarukon etno holaruk amuk-o.

1 Timotius 2:15

Ari halug, it hweap epmano inindi seberoho wilil, Allah wene eberoko weheg, eke aphe inim inindi hunduhuk welaheg, eke fanoroho seheg suruk wilil, inudaki endag inaptukmu, fobik inili wahu-o.

1 Timotius 2:9

Eke it hweap halug, inasum inesali fanoroho wanteg wilil, iniruk anggoloroho hele homag seheg, eke inesanggomangge, eke inamigmongge emas fam sehon etno inim, eke inasum onggo anggolo baltukon etno inim wanteheg eleg-at welamag-o.

1 Timotius 3:11

Eke it inuhwesi ari inobabut fanowon halug, eke inune inenggal uruk elehon halug, eke inindi seberoho werehon halug, eke yi seheg di seheg ininggik ineroho sil nurukon halug, arion-at welamag-o.

1 Timotius 3:2

Eke it ap aphe inindi aso welamon ari, aphe inune at obam umburuk elehon halug, eke hwe misig-at ohowon halug, eke onggarehen indi aso wereg halug, eke indi seberoho werehon halug, eke fanoroho surukon halug, eke ap huso waharukim fanoroho inim nohorukon halug, eke aphe fanoroho yanggul inaptukon halug,

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.

Titus 1:8

Eke ap etno indi arik elehon inim, eke asine elehon inim, eke ambusu nenek surukon etno donggogsoho naruk elehon etno inim, eke yi angge di angge yu­hun-at hulik ulug ahla buruk elehon etno inim, eke ap huso waharukmu fikfag inabua surukon etno inim, eke fano sukon nindi ulug ahla buru­kon etno inim, eke indi humbulihon etno inim, eke obabut fano­won etno inim,

Titus 2:12

Nit o duma wilil, ninakol heheg eleg dag surukon etno inim, eke kweanmon ninindi urukon etno inim sohorep isalug, ninindi seberoho wilil holeg welamag ulug At indi hunduhuken og nisebareg fam yanggul nisaruk-o.

Titus 2:2

Eke it ap inanggohon epmano inindi aso fanoroho welamin-o. Inaso wilil, inakol hawon inim, inindi seberoho welamon inim, ap arion-at welamag ulug yig isaruk amin-o. Eke it inindi demat burukon etno inim, eke aphe inindi hunduhuk werehon etno inim, eke inindi oag wereg atlug inindi inahientoho welamon etno inim ariroho wela­mag ulug yig isaruk amin-o.

Titus 2:4

It hweap duhumon etno inahuni inim, inudaki inim inindi hunduhuk welamon etno yanggul isaruk amag ulug, it hweap inanggohon etnowen yi angge di angge demat sukon etno hweap duhumon etno fikfag yanggul isawag-o.

Titus 2:6

Eke it udag elege etno ari inindi seberoho welamag ulug inaren baltuk wilil yig isaruk amin-o.

Yakobus 4:7

Ari halug, nomini-o, hit hinebe epmano hiren At Allah apma seberoho welamiek-o. Eke at iblis etnowen hinindi kahalik waharuk halug, hiren lag ulug yig imuhupmu, sohorep hisahalug hite lahu-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

Wahyu 12:10

Belap inabik waharuk atusama, eke fobik boholmen une suon urukmu holtikik-o. Nesanggo holeg weregma, une etnowen uruk wilil, “At Allahen aphe inili wawon epmano kidia fanggog ehek-o. Eke At Allah inim, At Amloho Kristus etno inim suon ahesa-o. Suon ahesareg fam, At Allah olohotma ninomini nintul nantul inambolma dahaltukon epmano boholmen hik isehesa-o.

Wahyu 12:12

Ari halug, hit boholma welahebon hinahien suruk amiek-o. Eke hit kweanma, ikma welahe­bon epma hinabua-o. At iblis etno hinambeg ambehekseg fam, ahla buruk wilil, Allahen war nabukon etno fanggog ehek hihi-o, ulug asine anggolo hehek-o,” ulug une etnowen irisi-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.

Wahyu 20:2

Ariroho nilang­gen harikikseg weregma, eke fobik at malaikat etnowen walo amukon inuk misig Iblis, eke inuk misig Setan soalehon etno ebe inggik senetuk atisireg, seribu tahun welamag ulug hele waroko imbirisi-o.