1 Petrus 5:2 - Allah Wene Hurumbik Keron

² It Allah udaki epmano yaharoho welamuhuben ulug minduhup hisahabahon etno yabuk fanoroho-at surukmu, At Allahen une yig hisarukmu, yabuk hinahiroho-at suruk amiek-o. Eke yi angge di angge nawon epmano og nisahup, ulug hinahla buruk am fug-o. Fanoroho inaso wilil, yaharoho welamuk ulug hinahla buruk amiek-o.

1 Petrus 5:2 ပူးပေါင်းရင်းမြစ်များ

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Kisah Para Rasul 20:29

Eke fobik an sohorep hisahalug lahukmu, it aphe nin wam eli neken hinindi kahaluog ulug hinambeg wamuhupseg, it aphe Allah udakion epmano inindi kahalik wamuhup-o.

Kisah Para Rasul 21:13

Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,

Roma 1:15

Eke ari halug, it Roma aphe ariroho-at yig isa lahuk ulug nahien haruk wilil sembahyang uruk ahi-o.

1 Korintus 9:7

Eke ap sehen senehon misig wim surukon etno onggarehen onggo ombatalug yabuk sik laruk ano? Eke ap misig eyabukmu i angge yahapatalug anggen yihikon epmano nenggeg eleg-at wereg buruk ahep ano? Eke ap misig it wam domba epmano inaso werehon etnowen inag ambusu bereloko nenggeg eleg-at wereg buruk ahep ano? Ari eleg-o.

1 Timotius 3:3

eke ambusu nenek surukon etno naruk elehon halug, eke asine elehon halug, eke indi humbulihon halug, eke indi fanowon halug, eke yikangge aptuk elehon halug, eke yi angge di angge kweanmon nindi ulug heahil sil nuruk elehon halug, it ap aphe inindi aso welamon etno arion-at fuloko imbisawag-o.

1 Timotius 3:8

Eke it ap yalmag inaptukon ari, it inobabut fanowon halug, eke inune biren eheg eleg misig-at urukon halug, eke ambusu nenek surukon etno naruk elehon halug, eke yi angge di angge kweanmon epmano heahil sil nuruk elehon halug, ap arion-at minduhupfuk fano-o.

Titus 1:11

Eke it ap ariroho inenggal urukon etno bok amag ulug yig isimuk-o. Eke it epmano dahan fahan suruk wilil, inaharek anggolo amag ulug o sili misig keheg sil nuruk wilil, wene dahon-at it yi aphe di aphe yig isaruk-o.

Titus 1:7

Eke at ap Allah wene yig isarukon ari dag suruk eleg halug, Allah yabuk etno aso welamag-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Titus 3:1

Suon inim, it inowesi epmano inim inesanggo fanoroho holtuk wilil, hiren yabuk fanowon misig siek ulug yig nisaruk hisalug, nit suhuk at-o, ulug ukag ulug yig isaruk amin-o.

Filemon 1:14

eke hat Filemon ariroho miming habuk ari nambit-o. Hat hakelehen hahla bulug-at yig num ari fano-o. Eke haren fano ulug uruk eleg healug, anden hat duma wela­min yig isaruk ahi fug-o.

Ibrani 12:15

Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.