1 Petrus 5:12 - Allah Wene Hurumbik Keron

¹² Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

1 Petrus 5:12 ပူးပေါင်းရင်းမြစ်များ

Yohanes 21:21

Ilanggen haruk apareg, at Petrusen Yesus yig ituk wilil, “Nowe-o, ap du hag fobik keroho welaruhu-o?” ulug yig epag.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 15:22

Yig isaruk apagma, it mondep isebahon epmano inim, eke it ap inaso werehon epmano inim, it Allah wene warukon obog inim wene baltuk apareg, nit obog ninanggelegmen it ap misig misig fuloko imbisalug, it Paulus Barnabas inim o Antiokhia epma lahap isul-o, ulug uruk apareg, at Yudas, inuk Barsabas inim eke at Silas inim it biren etano inobabut fano isaruk apareg, heag inapag. Heag inaptuk apareg, holal etno og isebag.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

1 Korintus 15:1

Hit hinindi hinapeleg am nowen ulug wene misig yig hisamin-o, nomini. Wene fano wene etno anden yig hisarukmu hiren webahon etno hit ari fam hinindi seberoho wilil hinindi oag weregsoho welahep-o.

2 Korintus 1:19

Eke ariroho At Allah Amloho Yesus Kristus awene etno nit an, Silwanus Timotius ninimen yig hisarukukon etno enggal inim demat inim uruk eleg-o. Eke At Yesus inuk fam At Allahen demat ulug yig nisaruk-o.

2 Korintus 1:24

Eke hit hinoag weregsoho wene demat ulug ebetuk ahep ari fam, anden hit ariroho hinindi ebetuk amuk ulug nalontoho wilil yig hisiog ulug suruk ahi fug-o. Eke hit hinahien hawag ulug an hit hinim yabuk suruk ahe-o.

Efesus 3:3

Eke wene bilin ninapeleg welapahon etno an niluk amag ulug At Allahen selegmaroho yig nitisi-o. Eke ariroho yig nitision ari arat holal fam bal hisihion ari hit wane suruk amuhupseg, wi,

Efesus 6:21

Eke at Paulus etno ariroho wereg ulug hiniluk amagsoho at nomin nindi hunduhukon Tikhikus, Allah yabuk ninim fanoroho suruk aheon etnowen obog-at dindiloko yig hisahu-o.

Kolose 1:7

At ninomin Epafras etnowen yig hisarukmu, eberoko warikip-o. Eke at Epafras etno niren yig itukmu, At Kristus eyabuk eberoko suruk etno fam,

Kolose 4:7

Eke ninomin Tikhikus Allah yabuk eberegsoho ninim nintul nantul suruk aheon etnowen at Paulus duroho wereg ulug yig hisahu-o.

Kolose 4:9

Eke at ninomin Onesimus hit hinot etno inim-at lahapfuruk ahi-o. Ari halug, it obog duroho wereg-o ulug yig hisahup-o.

1 Tesalonika 1:1

Nit Paulus, Silas, Timotius etano ninimen, nit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil, At Allahen hinabua hisaruk etno fam, hinim welamag ulug wene holal du bal hisehe-o.

2 Tesalonika 1:1

Nit Paulus, Silas, Timotius epmano ninimen, hit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil,

Ibrani 13:22

Nomini-o, hit hinindi oag wereg amag ulug an wene yig hisihion du hinindi seberoho wilil, hinesanggo fanoroho holtuk amag ulug yig hisihi-o. Eke an holal ari ebe yaron neken bal hisihi fug-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 4:10

Eke hit obog Allahen yi angge di angge surukon og hisebag halug, etno At Allahen-at og nitisi-o ulug, Allah yabuk fikfag suruk amiek-o.

2 Petrus 1:12

Eke an nebe niluk wilil, yi wene di wene etno obog hinindi ebebukag ulug yig hisa fano bihi-o.

2 Petrus 2:15

It aphe dag surukon epmano kwalem fanowon inapeleg atlug, werlekke laruk-o. Laruk wilil, at Bileam Beor amloho onggalem etno-at laruk-o. At Bileam etno amuk uang og nemag ulug ahla buruk wilil, kwalem dahon etno larukmu, enggalirepfebag etno hit hiniluk-o.

3 Yohanes 1:12

Ari halug, at Demetrius etno obabut fano-at wereg-o, ulug it obohen yig nituk-o. At obabut fano wereg ulug, Allah wene etnowen yig nituk-o. At obabut fano wereg ulug, anden ariroho demat ulug yig hituk ahi-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.