1 Petrus 5:1 - Allah Wene Hurumbik Keron

¹ Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

1 Petrus 5:1 ပူးပေါင်းရင်းမြစ်များ

Lukas 24:48

Ari halug, hit hinilanggen harikipseg fam, hurumbik etno demat seg atisi-o, ulug yig isil nuruk amuhup-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 11:30

Uang etno balu suruk apareg, it Barnabas Saulus etanowen walug lawag ulug og isebagma, it etanowen og isa lebag.

Kisah Para Rasul 14:23

it obog aphe inaso welamag ulug ap inaso werehon nin heako minduhup isil lebag. Minduhup isaruk apareg, orom nenggeg eleg wilil, At Allah obam ebetuk isaruk apareg, At Allahen inaso welamag ulug sembahyang ebag.

Kisah Para Rasul 15:4

Inahien haruk apagma, it etano o Yerusalem kuruk apareg, it Allah wene warukon inim, eke it mondep isebahon inim, it ap inaso werehon epmano inim dambuksoho wene uruk apag. Wene uruk wilil, At Allah inim sil nuruk wilil suruk apahon epmano dindiloko yig isaruk apag.

Kisah Para Rasul 15:6

Yig isaruk apagma, it mondep isebahon inim eke it ap inaso werehon epmano inim wene ari baluog ulug wonggalfag. Wonggaltuk apareg, inune anggolo uruk apagma,

Kisah Para Rasul 2:32

At Allahen Yesus it aphe warehon wereg ambeg epmanowen minduhupfirisi-o. Ariroho minduhupfirision etno niniluk wilil yig hisaruk ahe-o.

Kisah Para Rasul 20:17

Eke fobik at Paulus o Miletus epmanowen it Efesus ap inaso werehon epmano nambeg wamag-o ulug inayonggo lahap isarisimu,

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Kisah Para Rasul 21:18

Heahi war ninaptuk atusama, nohoruk atukukseg, at Paulusen og ninaplug at Yakobus etno it ap inaso werehon obog inim weregma inambeg bik isa larukuk.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

2 Korintus 5:1

Eke nit ninebe ari ninibam sum fam falehon etno mial atuk halug, At Allahen o boholma ninibam itog mondog welamon fal ninaptukon epmano og nisahu ari niniluk-o.

2 Korintus 5:8

Eke ari halug, ninindi oag weregsoho-at wilil, nit ninebe ninibam duma neken welaheon epmano sohorep isalug, At Ninowe ibam epmano ninim welam ninindien suruk aheon oke,

Filipi 1:19

Eke hiren an nake sembahyang uruk hiseheg, At Yesus Kristus etno inim eke At Roh Kudus etno inimen yalmag nabuhu ari fam, hele hibiloko nombahakup etno niluk-o.

1 Timotius 5:1

Ap inanggohon halug hune fanggogsoho yig um sohorep isalug, hikni yig ituk ahen etno ilitoho hune wiogsoho-at esanggo watuk amin-o. Eke it ap elege epmano homini ilitoho yig isaruk amin-o.

1 Timotius 5:19

Eke ap misihen at ap Allah wene yig isarukon etno obam denggeltuk halug, hat hesanggo holuk fug-o; it biren henahanen at obam denggeltuk isalug, alem heahiog ulug hesanggo holuk fano.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Titus 1:5

Eke haren yi angge di angge sukon etno suruk amag ulug yig hituk wilil, it aphe demat ulug ebetukon epmen it ap heako min inabu­hunen ulug o Kreta epma hombahalug waharikik-o. Eke an bilin ariroho suhun ulug yig hitikikon etno hindi ebetuk amin-o, eke ap Allah wene yig isarukon welamon etno it apheyen inune obam deng­geltuk eleg isalug, eke hwe misig-at ohowon halug,

Filemon 1:9

eke hat ninim nindi hunduhuk wilil, we hinog neken yig hituk ahi-o. Eke an Paulus At Yesus Kristus awene yig isarukmu hele war naptuson epmanowen hinog bilin irikikon etno farim yig hituk ahi-o.

Ibrani 12:1

Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

1 Petrus 4:13

At Kristus welapag etno ilitoho atikipseg, hinahientoho wilil, fobik At ninim ilitoho suon amuhuk-o, ulug hinindi ebetuk amiek-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

2 Yohanes 1:1

Nahaloho-o, an ap Allah wene yig isarukon etnowen holal du baltuk ahi-o. An it Allah wene urukon epmano ninim wilil, hat inim, hat hudaki inim, hit obog nit ninindi hunduhuk welahe-o.

3 Yohanes 1:1

Nare Gayus wai. An ap Allah wene yig isarukon etnowen holal du baloko hombahaki.

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.