1 Petrus 4:5 - Allah Wene Hurumbik Keron

⁵ Hinobam denggeltuk ari, fobik At Allahen it inilukon inim, warehon inim inaren baloko imbisahu etno iniluk heheg, fobik At Allah niren suruk aheon epmano keroho yig imuhuk-o? ulug inakolen suruk-o.

1 Petrus 4:5 ပူးပေါင်းရင်းမြစ်များ

Matius 12:36

Eke misig du yig hisamin-o; fobik At Allahen hinaren baltuk weregma, hiren yi angge di angge yuhun-at irikibon epmano obog-at alem ari fam irikik uhup-o.

Lukas 16:2

Yig ituk apagma, at etnowen anggimbu etno wol haruk apareg, yig ituk wilil, ‘Haren suruk ahenon etna keroho yig nitusa-o? Halug, haren neyabuk suruk wilil, uang anggen og isaruk atikinon epmano fikfag dindiloko yig nipmihin-o. Yig nituk healug, hat fobik an nanggimbu neyabuk surukon welaruhun fug-o,’ ulug yig epag-o.

Kisah Para Rasul 10:42

Narukukseg weregma, Aren wene fano wene etno aphe obog yig isa lahup ulug yig nisarisi-o. Eke An Yesus etno At Allahen fobik yi aphe di aphe inilukon inim, warehon inim, obog-at oag del inabukag ulug minduhup naharisireg fam, hit aphe obog yig isil alu-o, ulug yig nisarisi-o.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Roma 14:9

Eke At Kristus etno waratuk apareg, iluk atlug minapag ari, it inilukon inim, it warehon inim obog-at Inowe welariog ulug minapag-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

Yakobus 5:9

Eke hit hinebe epmano At Allahen oag deloko o dagma hinombisahuk nowen, winimug abeheg eleg-at welamiek-o. Fobik ninaren baluhuon etno horog fanggog ik wariog ulug suruk-o, nomini.