1 Petrus 4:16 - Allah Wene Hurumbik Keron

¹⁶ Yuhun-at welatlebon oke, eke Kristus inuk warikipseg fam dahon etno hinobam umburuk isalug, hinenggali haruk am fug-o. Hit At Kristus inuk warukukseg welahe-o, ulug At Allah wa yig ituk wilil, sembahyang uruk amiek-o.

1 Petrus 4:16 ပူးပေါင်းရင်းမြစ်များ

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 26:28

at Agripa etnowen Paulus yig ituk wilil, “Hat kidia wene horohon ehenon etno fam anden At Kristus wene dulum-at eberoko wawag ulug uruk ahen?” ulug yig ituk atisimu,

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Filipi 1:20

Eke kidia inim, eke fobik nintul nantul inim an neyabuk og nitision etno fanoroho suhuken ulug nindi haruk ahi-o. Ariroho nindi haruk wilil, an nindi oag weregsoho At Kristus inuk suontepfuhuken ulug suruk ahi-o. Eke an nebe niluk wilil ano, waratlug ano At Kristus inuk-at suontepfiog ulug suruk ahi-o.

Filipi 1:29

Eke hit hinabua hisaruk wilil, At Kristus anggimbu welamon etno og hisarisireg fam, hiren At Yesus obam ebetuk ahep-o. Eke At awene ebetuk ahep etno fam dahon etno hinobam umburuk-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

Yakobus 2:7

Eke At Allahen hininuk fanowon soal hinapahon oke, hinobam sabele neken denggeltuk ari, it inaharek werehon epmanowen-at inapmarep hisaharuk-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.

1 Petrus 4:14

Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.

1 Petrus 4:19

dahon etno hinobam umburuk isalug, hinindi seneni ebebuk fug-o. At Allah ahla burukon etno ilitoho suruk-o, ulug hinindi ebetuk wilil, fano surukon etno-at suruk ahe-o, ulug hinahla bugsoho welamiek-o. Ariroho wilil, At ninebe wal hebahon etnowen abug fanowon yig nisarision etno suhu-o, ulug hinindi ebetuk amiek-o.