1 Petrus 4:14 - Allah Wene Hurumbik Keron

¹⁴ Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.

1 Petrus 4:14 ပူးပေါင်းရင်းမြစ်များ

Matius 5:11

Eke hiren An ninuk yig isarukmu iren mug hinaplug laruk wilil, hinenggali war hinabeheg, eke hinobam denggeleheg, eke hinabug baleheg suruk isalug, wa.

Matius 5:16

Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Yohanes 15:21

Eke hiren An nawene etno waruk hisalug, hit ariroho-at inambit hisahup-o. Eke iren At An lahap nabik waharision etno inapeleg-at wereg-o.

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Yohanes 9:28

Yig isaruk apagma, it etnowen inune fanggogsoho uruk apareg yig ituk wilil, “Hat hebe hakeleg-at ap du omin welahen heyehe-o. Eke nit hag at Musa omini-at welahe-o.

Yohanes 9:34

Ariroho yig isaruk apagma, iren onggo yig ituk wilil, “Hat hebe bilin hikni hisina hinim dag-at suruk wilil endag atuk senahon etno hanggog atikinteg, haren nit yanggul nisiog ulug suruk ahen ano?” ulug yig isaruk apareg, o Allah wene uruk ambeg epmanowen muko wilipfebag.

Kisah Para Rasul 13:45

Wonggalik waharuk apagma, it Yahudi aben inilanggen isaruk apareg, inambit isaruk wilil, at Paulusen ebahon etno, “Enggal ehek-o,” ulug yig isaruk apareg, at Paulus etno enggali wapag.

Kisah Para Rasul 18:6

Yig isaruk atisimu, it Yahudi ap inamberaken wene dahon etno obam umburuk atusama, at etnowen asum sabele hosaruk atisireg, yig isaruk wilil, “Hit hinobam dombog-at suruk ahep-o. Hit hinebe o dagma welamon etno hinonggarehen-at imig saruk ahep-o. Hiren an nobam yig num fug-o. An kidia it aphe Allah wene inapelehon epmano yig isa lamin-o,” ulug yig isaruk atisireg,

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

2 Korintus 12:10

Eke ari halug, anden At Kristus inuk fam yi seheg di seheg suruk nealug, noag elehepfeheg, eke inune dahon nobam embeheg, eke yi angge di angge obok welamag ulug elegsoho nombahakeg, eke nebe muko wilip nahakeg, eke yi angge di angge dahon nobam nombahakeg suruk isalug, nahientoho-at welahi-o. Eke an nebe noag eleg nealug, noag werehep naharuk-o.

2 Korintus 4:10

Eke At Yesus wapag etno hag, ninebe war ninabuog ulug suruk ari fam, At etno iluk wereg-o, ulug selegma amag ulug ninebe niniluk welahe-o.

2 Korintus 4:16

Eke ari halug, nit ninoag elegsoho orog-at neken suruk ahe fug-o. Eke ninebe ninahap epmano ninanggog atuk wilil sabal atuk aheon oke, ninindi undamon etno nintul nantul keron-at wereg-o.

Galatia 1:24

iren an farim At Allah inuk suontepfurusa-o.

Ibrani 11:26

Ariroho ahla buruk wilil, an At Kristus ahurumbik etno waruk nealug, inune dahon nobam umbuk ari fano oke, eke it Mesir ap epmano inaharek obog holao ari hai-o, ulug ahla buruk wilil, fobik At Allahen og umon etno aso welapag-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Yakobus 5:11

It bilin inindi oag weregsoho welapag ari fam nit kidia it fano welapag ulug uruk ahe-o. Eke misig at Ayub etno hinindi eberiek-o. At ebe indi oag weregsoho welapareg fam, At Allah ninabua nisarukon etnowen fobik yi angge di angge anggolo og epag etno hiniluk-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 3:14

Eke fano suruk hisalug, it ninen dahon hinobam umburukmu, fanowon-at og hisahu-o. It aphe hinakol eleg wilil, hinindi seneni ebebuk fug-o.

1 Petrus 3:16

Yig isaruk wilil, hinune winimug yig iseheg eleg-at yig isimuk-o. Eke hiren hinobam denggelepata fug-o. It ninen inune dahon hinobam uruk wilil, “At Kristus udaki dag suruk duma yet isimiek-o,” ulug uruk isalug, fobik inenggali hahup-o.

1 Petrus 4:16

Yuhun-at welatlebon oke, eke Kristus inuk warikipseg fam dahon etno hinobam umburuk isalug, hinenggali haruk am fug-o. Hit At Kristus inuk warukukseg welahe-o, ulug At Allah wa yig ituk wilil, sembahyang uruk amiek-o.

2 Petrus 2:2

Suontepataruk amuhubon oke, eke it aphe nin inesanggo holuhup-o. Holtuk amuhupseg, demat wene etno seberepfulug sohorep isahup-o.