1 Petrus 4:11 - Allah Wene Hurumbik Keron

¹¹ Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.

1 Petrus 4:11 ပူးပေါင်းရင်းမြစ်များ

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Yohanes 13:31

At Yudas etno wilip atuk apagma, At Yesusen yig isaruk wilil, “An Allahen minduhup naharision suon welamag ulug minduhup nahukon etno arat fanggog ehek-o. Ariroho fanggog uruk wilil, Anden sukon etno fam At Allah inuk suontepfukon etno inim-at fanggog ehek-o.

Kisah Para Rasul 7:38

Yig isaruk apareg, at etno it ninetamuki Israel ap epmano inim o limu wilil, at malaikat etnowen dom Sinai isinmu epmanowen yig itukmu esanggo holfag. Holtuk apareg, it ninetamuki epmano nit-at og isahuben ulug Allah wene fano wene etno yig isebag.

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

Roma 16:27

Eke At Allah akeleg-at yi angge di angge alem iluk werehon etno At Yesus Kristusen surukon epmano fam inuk nintul nantul suontepfuruk amuk ulug an demat yig hisaruk ahi-o.

Roma 3:2

Ari eleg-o. It nin hag yi angge di angge og isebahon oke, it Yahudi ap epmano hag At Allahen obam seberoho og isebag-o. Eke misig fanowon og isebag ari, Allah wene etno-at seneg welamag ulug og isebag-o.

1 Korintus 10:31

Eke ari halug, hinaharom nenggeg, hinahik nenggeg, yi angge di angge suruk wilil, At Allah inuk-at suontepfuog ulug suruk amiek-o.

1 Korintus 12:4

At Allah indi hunduhuken og nisebahon etno, yabuk ninakeleg ninakeleg-at og nisaruk ari, At Roh Kudus misig etnowen-at og nisaruk-o.

1 Korintus 3:10

Eke an At Allah indi hunduhuken og nepareg fam, ap indi enggaron o faltuk ilukon etnowen faltuk etno hag, anden o andorli belaptikik-o. Belapfuruk atikikmu, eke at ap misihen ari fam o ebe faltisi-o. Eke o andorli belaptukon etno inim, eke o faltukon etno inim it obog inakeleg inakeleg keroho faluk ulug inindi ebebukag-o.

1 Korintus 6:20

Eke hinebe ari hinonggareg unde welahep fug-o. At Kristus hinonggo anggolo embebag etno fam, hit hinebe ari At Allah-at unde wereg-o. Eke ari halug, hit hinebe inim, eke hinindi inim etnowen At Allah inuk-at suontepfuruk amuk-o.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

2 Korintus 9:13

Eke hiren ariroho og isaruk amuhup etno fam iren hinaren balepfulug uruk wilil, it du At Kristus awene fanowon etno eberoko waruk ahe ulug inune uruk wilil ilitoho suruk du fam niren Allah wa ulug hinuk suontepfuruk ahe-o. Eke iren nit inim, it aphe obog inim sumburoko og nisaruk ari fam wa ulug urukmu isahup-o.

Efesus 1:19

eke nit Allah wene waruk aheon At Allahen oag weregsoho ninoag werehep nisaharukon etno inim, obog-at fanoroho ebebukag ulug yig hisihi-o. Eke nit ninoag werehep nisaharuk etno hag,

Efesus 4:29

Eke wene uruk ahebon ari, hinune winimugsoho uk fug-o. Eke it ap hinune yig isaruk ahebon epmano inindi fano amag ulug, hinune wiogsoho urukmu, aphe inindi oag werehep isawon etno-at uruk amiek-o.

Efesus 5:20

Eke At Ninowe Yesus Kristus inuk fam sembahyang uruk wilil, yi angge di angge obog epmano farim Ninikni Allah wa ulug yig ituk amuk-o.

Efesus 6:10

Eke wene atog misig yig hisamin-o. We At Ninowe etnowen oag werehon etno og hisaruk halug, hit hinoag weregsoho welamuhup-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

Kolose 4:6

Eke hinambilik butuk eheg eleg-at it yi aphe di aphe wene yig isaruk wilil, hinune fanoroho yig isaruk amuhup-o.

1 Tesalonika 2:4

Eke At Allahen ariroho iuk yig nisarukon etno ilitoho-at yig isaruk ahe-o. Eke wene fano wene etno niren aphe yig isawag ulug At Allahen ninaren baloko minduhup nisaharisireg fam, At Allah ahien nisawag ulug suruk ahe-o. Eke At Allahen ninaren baltuk heheg, aphe inahien nisawag ulug suruk ahe fug-o.

1 Timotius 1:17

Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

1 Timotius 6:16

Eke At akeleg waratuk elehon itog mondog wereg-o. Eke At etno o selegma-at weregma, horogsoho lao hai-o. Eke At ebe apheyen inilanggen haruk eleg-o. Eke At ebe oag werehon itog mondog welamon etno At inuk suontepfuruk amuk-o ulug an demat yig hirihi-o.

Titus 2:1

Eke hat hag wene yanggul isaruk ahenon etno fano wene ha­lug, fanoroho yig isaruk amin-o.

Titus 2:15

Wene du yig isaruk wilil, it aphe hune inesanggo holtukon epmano inaso welaheg, eke inesanggo wareheg suruk amin-o. Ariroho suruk healug, eke ap misihen hat seberep hahaku fug-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.

Ibrani 5:12

Eke hit o amuk At Allah wene waruk atikipseg fam, hinebe yanggul isarukon-at welatlebon oke, at misihen Allah wene ebe alem neken-at yanggul hisahu ari fano-o. Eke hiren naruk angge arikon epmano nelebon oke, hit we ag ambusu neken-at nao ari fano-o.

Yakobus 1:19

Nomini nindi hunduhukon wai. Hit kidia an yig hisaminon etno hinindimu fikfag ebetuk amiek-o. Ari ninesanggo holtukon etno hag, dulum neken ninesanggo holtuk amuk-o. Eke ninune uruk aheon inim, ninasine haruk aheon inim hag orog-at uruk amuk-o.

Yakobus 1:26

Eke ap misihen, an Allah wene fano-at waruk ahion welahi-o, uruk halug, at ap etnowen dahon nobam denggelepatihi ha nowen ulug, ambilik fam urukon etno fikfag yaharoho welamag-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 2:5

At etno o wut oag neken weregma, hit o hobat neken hinombisaharisi-o. Ari halug, At Yesus Kristus inuk fam Allah yabuk fanowon etno hinahiroho suruk amiek-o.

1 Petrus 4:10

Eke hit obog Allahen yi angge di angge surukon og hisebag halug, etno At Allahen-at og nitisi-o ulug, Allah yabuk fikfag suruk amiek-o.

1 Petrus 4:16

Yuhun-at welatlebon oke, eke Kristus inuk warikipseg fam dahon etno hinobam umburuk isalug, hinenggali haruk am fug-o. Hit At Kristus inuk warukukseg welahe-o, ulug At Allah wa yig ituk wilil, sembahyang uruk amiek-o.

1 Petrus 5:11

At oag werehon etno itog mondog-at welaruhu-o. Demat yig hisihi-o.

Yudas 1:25

At Allah ninili warukon etno, At Ninowe Yesus Kristus inim ininuk suontepfuhuk-o. It etno suon-at weregma, inoag weregsoho wilil, inalon werehon-at initog mondog welamuhup-o. Demat yig hisihi-o.