1 Petrus 4:10 - Allah Wene Hurumbik Keron

¹⁰ Eke hit obog Allahen yi angge di angge surukon og hisebag halug, etno At Allahen-at og nitisi-o ulug, Allah yabuk fikfag suruk amiek-o.

1 Petrus 4:10 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Matius 24:14

Eke it yi aphe di aphe obohen inesanggo holukag ulug, At Allah weregmen sukon wene fano wene etno o ahik ya da obog-at yig isil lahup-o. Yig isil laruk amuhupmu, o atog arat aruhu-o,” ulug yig isebag.

Matius 24:21

Eke alem dahon hinobam umbuhu etno sambit epmano weregma, inusil lahu ari, suon neken-at inusil lahu-o. Eke bilin o kweanma duma kerat wal hebareg fam, dorat inusebag-o, eke kidia hag dorat inusuruk-o. Eke fobik inusil waruhu etno hag suon neken-at suhu-o. Ariroho suhureg fam, fobik inim inusil waruhu fug-o.

Matius 24:45

At Yesusen yig isaruk wilil, “Anggimbu indi enggaron ilukon etno sa-o? Ari, at o unde etnowen anggimbu fanowon etno heako umbulug, it anggimbu nin epmano inowe neken wilil, inaso welaheg, eke osi epmano inaharom nintul nantul og iseheg suruk amag ulug minduhupfuruk-o.

Matius 25:17

Ombataruk heheg, eke at anggimbu misig dua ribu og epahon etno fobik obam seberoho dua ribu-at ombatebag-o.

Matius 25:44

Ariroho yig isaruk aruhukmu, eke it epmanowen yig nituk wilil, ‘Ninowe-o, ariroho ehenon oke, eke nit o maram orom oboken suruk healug sohorep hahakeg, eke ik oboken suruk healug sohorep hahakeg, eke ap huso neken waharuk healug, ninim welamulen ulug yig hereheg eleg, eke hasum eleg healug wantep hahakeg eleg, eke uk wareg healug, haso welam sohorep hahakeg, eke hebe hele wareg healug habua seheg eleg welatukuk ari, Hat hebe hearuk eleg wilil-at suruk atukuk-o. Eke Hat hebe arat ninilanggen heolorehen, fikfag habua solo-o,’ ulug yig nimuhup-o.

Markus 10:45

An Allahen minduhup naharision etno it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Lukas 12:42

At Ninowe etnowen yig ituk wilil, “At anggimbu indi enggaron ilukon etno sa-o? Ari, at o unde etnowen anggimbu fanowon etno o aso welamag ulug heako umbulug, yabuk fanoroho suruk amag ulug yig iseheg, eke anggimbu nin epmano inaharom nintul nantul og iseheg suruk amag ulug minduhupfuruk-o.

Lukas 19:13

Ahla buruk apareg, awan liog ulug anggimbu inebe nomalo etano wol isaruk apareg, it obog uang anggen suon etno og isebag. Og isaruk apareg, yig isaruk wilil, ‘An o epma wereg neyeheg, hit uang anggen og hisihion ari fam hiren dahagsoho anggolo hundubuhupseg, an og nimuhup-o,’ ulug yig isebag-o.

Lukas 8:3

eke misig at Yohana, ahun Khuza at Herodes inim inowe neken wilil yabuk surukon uhwe etno inim, eke misig at Susana etno inim, eke hweap anggolo At Yesus omini inim ineyabuk surukon epmano inim lebag.

Roma 15:25

kidia hag it Allah udaki o Yerusalem werehon epmano yi angge di angge og isiog ulug lahuk-o.

Roma 15:27

inonggarehen-at ariroho inahla burusa oke, it inaharek elehon epmano og isuog ulug nomat neken inobam wereg-o. Eke it aphe bilin Allah wene inapeleg welatuson epmanowen wene fano wene etno wawag ulug it Yahudi aben yig isarusareg fam, kidia it aphe bilin Allah wene inapeleg welatuson epmanowen inaharek yi angge di angge epmano it Yahudi ap og isao ari fano at-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 3:10

Eke an At Allah indi hunduhuken og nepareg fam, ap indi enggaron o faltuk ilukon etnowen faltuk etno hag, anden o andorli belaptikik-o. Belapfuruk atikikmu, eke at ap misihen ari fam o ebe faltisi-o. Eke o andorli belaptukon etno inim, eke o faltukon etno inim it obog inakeleg inakeleg keroho faluk ulug inindi ebebukag-o.

1 Korintus 4:7

Eke hat hag ap sen hakeleg-at suon ulug ilanggen hearuk-o? Eke nongge hag og hitisi fug-o? Eke At Allahen obog og hitision oke, og hitisi fugmu neken, keroho ulug hat hinuk-at suontepataruk ahen-o?

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

2 Korintus 9:1

Eke it Allah udaki o Yudea werehon epmano yalmag inabukag ulug anden holal bal hisao ari hai-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

2 Timotius 1:18

Nebe bik nea waharisireg fam, At Yesus waruhu etno sambit At Allahen abua hawag ulug sembahyang uruk ahi-o. Eke at bilin an o Efesus wereg neyeheg yalmag naptisi etno hat hiluk-o.

Titus 1:7

Eke at ap Allah wene yig isarukon ari dag suruk eleg halug, Allah yabuk etno aso welamag-o.

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.