1 Petrus 3:9 - Allah Wene Hurumbik Keron9 Dahon hinobam umburuk isalug, hiren dahon inobam umbuk fug-o. Eke inune dahon yig hisaruk isalug, hiren hinune dahon inobam umbuk fug-o. Ariroho umbuk fug ulug yig hisihion oke, hit hinahien inobam umburuk amuk-o. Ari At Allahen nahien hinobam umburuk aruhuk, ulug wol hisarisi etno hag fanoroho suruk amuk-o. အခန်းကိုကြည့်ပါ။ |
An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.
ulug yig isebahon etno hiniluk oke, eke Anden yig hisaruk wilil, ‘Ap selion halug hinim hunduhuk-at welamuk-o. Eke it ninen waramin ulug yig hituk halug, hat hahien obam umburuk amuk-o. Eke hat hebe amberak neken hearuk halug, fanoroho suhun-o. Eke inasine hinobam umburuk wilil mug hisuog ulug suruk isalug, inake sembahyang iuk-o,’ ulug yig hisaruk ahi-o.
Eke ariroho sebag arien, At Allahen Abraham etno amuk yig ituk wilil, “An nahien it aphe inobam umbuhuk-o,” ulug hurumbik yig epahon etno it ap Allah wene inapelehon epmano ahien inobam umbukag ulug At Kristus Yesus ariroho sebag-o. Eke At Allahen Roh Kudus og isahuk ulug abug yig isebahon etno nit At obam ebetuk aheon epmano og nisawag ulug At Kristus ebe ariroho sebag.
Dag surukon obog sohorep isalug, hit hit hinune fanoroho eheg, eke nabua habua seheg, eke At Allahen At Kristus inuk fam hiren dag suruk atikibon epmano hinapelegsoho apma hinombisaharisi etno hag, hiren dag suruk ahebon epmano at misihen at misig dag surukon etno obam apelegsoho sohorep isalug apma embeheg suruk amiek-o.
Eke at Esau etno fobik nikni ahien nobam umbukag ulug suruk apahon oke, ebe fobikon neken apag etno fam sohorep isebag-o. Ariroho suruk apagma, at etno nin wene ap manggien uruk amon etno keroho holele ulug ioba yatuk wilil, suruk apahon oke, aren bilin sebahon etno alem elehepfukon hai apag etno hit hiniluk-o.