1 Petrus 3:21 - Allah Wene Hurumbik Keron

²¹ Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,

1 Petrus 3:21 ပူးပေါင်းရင်းမြစ်များ

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Yohanes 13:9

Yig ituk apagma, at Simon Petrus etnowen yig ituk wilil, “Ari halug, Nowe, niog akeleg-at ho napmihin fug-o. Ninggik inim, nungguluag inim obog-at ho nabin-o,” ulug yig epag.

Kisah Para Rasul 16:33

Yig isaruk atusama, o hubanggo homanoho ilimbul-at oke, at inaso werehon etnowen og inaplug ibam laruk atisireg, inusuruson ukmu epmano aren fanoroho imbisaruk atisimu, at omini inim obog ikma belap inaptusa.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.

Kisah Para Rasul 8:36

Yig ituk apagma, it etano kwalema laruk wilil, ik namut misig kwalema yenggelegma inilanggen haruk apareg, at ap suon etnowen Filipus yig ituk wilil, “Ik du hilanggen himin-o. Eke ik du fam an ikma belap nabuk dag buruk ahen ano?” ulug yig ituk apagma,

Kisah Para Rasul 8:37

at Filipus etnowen yig ituk wilil, “Eleg-o, hat hindimu demat ulug ebetuk ahen halug, ikma belap habuk fano at-o,” ulug yig ituk apagma, at ap etnowen yig ituk wilil, “An At Yesus Kristus Allah Amloho etno demat ulug nindi ebetuk ahi-o,” ulug yig epag.

Roma 5:14

Eke ariroho warapag ari, At Allahen Adam etno komo yig epahon oke esanggo holuk sohorep isalug, dag sebag etno hag, it ninen ariroho dag suruk apag fuhon oke obog-at waratuk apag. Eke at Adam it yi aphe di aphe obog inetamu neken welapag etno hag, at fobik wapahon etno at udaki it yi aphe di aphe obog inetamu neken welapag-o.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

1 Korintus 4:6

Nomini-o, hit epma wene holal balfahon etno seberepfulug hinindi akeleg neken ebereheg, eke hinambit haruk wilil ap misig suontepfeheg, eke ap misig seberepfeheg suruk ahep ha nowen ulug, hiren an at Apolos ninim keroho wereg ulug ninaren baluhuben wene ilitoho neken-at yig hisihi ari, hiren nit keroho welamuk ulug hinahla bukag ulug yig hisihi-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

Galatia 3:27

Eke hit hinebe At Kristus hinim welamag ulug ikma belap hinaptusareg fam, At Kristus obabut fanowon etno holarikip-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

1 Timotius 1:5

Eke At Allahen hurumbik yig nisebahon etno ninindimuen demat ulug ebetuk wilil, ninindi ninobabut fanoroho welamon etno inim, eke aphe ninindi hunduhuk welamon etno inim og nisawag ulug At Allahen hurumbik etno yig nisebag-o.

1 Timotius 6:12

Eke it aben buahen laruk etno hag, hat Allah wene demat urukon etno mutlug laruk wilil, hat hiluk welamon etno huliog ulug suruk amin-o. Eke hat hiluk welamon etno holawag ulug, bilin At Allahen wol hearisimu, hat aphe anggolo inil fam An Allah wene demat eberoko waruk ahi-o, ulug irikin-o.

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Ibrani 11:19

at Abraham ahla buruk wilil, anden namloho Ishak warepfuruk nealug, At Allahen minduhupfuhu at-o, ulug indimu demat ebetuk apareg fam, At Allahen amloho Ishak ilioko og epag-o.

Ibrani 13:18

Eke hiren nit ninake sembahyang uruk amuk-o. Eke nintul nantul fanoroho-at suruk amuk ulug ninahla buruk ahe etno fam, alem misig dahan fahan surukuk ulug ninahla buruk ahe fug-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Ibrani 9:24

Eke it aben du Allah ibam ulug ilitoho neken falfahon epmano fam At Kristus kebag fug-o. At ebe etno boholma-at laharuk apareg, kidia At Allah inim wilil, nit ninake dug suruk-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Petrus 3:16

Yig isaruk wilil, hinune winimug yig iseheg eleg-at yig isimuk-o. Eke hiren hinobam denggelepata fug-o. It ninen inune dahon hinobam uruk wilil, “At Kristus udaki dag suruk duma yet isimiek-o,” ulug uruk isalug, fobik inenggali hahup-o.