1 Petrus 3:18 - Allah Wene Hurumbik Keron

¹⁸ Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Petrus 3:18 ပူးပေါင်းရင်းမြစ်များ

Matius 27:19

Yig isaruk apareg, at Pilatus etno o aphe inoag del inaptuk ambeg epmano horieg weregma, at uhwe etnowen yig irik lawag ulug yonggo lahap isaruk wilil, “Ap obabut fano, mondog surukon du sohorep isuk-o. O yoho niog haruk wilil, ap etno obam hihireg, nindi seneni anggolo eberihi etna yig irik aliek-o,” ulug lahap isebag.

Matius 27:24

Yig ituk apagma, eke at Pilatus etnowen ahla buruk wilil, “It aphe du dahan fahan-at suog ulug uruk du, wene atog yig isao hai hihi-o,” ulug ahla buruk apareg, ik dot honanggoko walug, it obog wonggalfahon etno inil fam at inggik ho suruk apareg, yig isaruk wilil, “Ap du wabukon etno alem an nobam eleg-o. Hit hinobam dombog-at-o,” ulug yig isaruk apagma,

Yohanes 16:10

Eke alem dahon inobam weregma elehepfukon etno yanggul isahu ari, An nebe Nikni ambeg lahukseg fam, hinilanggen hearuk amuhup fug irisi ulug yanggul isahu-o.

Kisah Para Rasul 22:14

at etnowen yig nituk wilil, ‘It ninetamuki Inikni Allahen ahla bebahon etno hat hiluk amag ulug fuloko hombaharisi-o. Hombaharisireg fam, At anggimbu obabut fanowon hilanggen haruk weregma, At une fam yig hitukmu holtikin-o.

Kisah Para Rasul 3:14

Eke At ebe obabut mondog fanowon etno at niron eleg ulug uruk atikipseg, at Pilatus yig ituk wilil, ‘At ap watukon etno At Yesus ubulukmu hele hibiloko og nisimin-o,’ ulug yig ituk atikipseg,

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

Roma 4:25

Eke niren dag surukon epmano ninake war amag ulug fuloko embebareg, nit alem dahon ninobam werehon epmano elehep nisahalug, At Allahen ninim dambuksoho ninombisahiog ulug iluksoho minduhupfebag-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

Roma 8:3

Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

2 Korintus 1:24

Eke hit hinoag weregsoho wene demat ulug ebetuk ahep ari fam, anden hit ariroho hinindi ebetuk amuk ulug nalontoho wilil yig hisiog ulug suruk ahi fug-o. Eke hit hinahien hawag ulug an hit hinim yabuk suruk ahe-o.

2 Korintus 13:4

Eke At ebe oag elehon neken e fam lenggaloko embebagma warapahon oke, At Allahen oag werehon etno-at og epagma, ebe iluk wereg-o. Eke nit At Kristus ninim wilil, At il fam ninoag elehon-at oke, eke fobik hit hineyabuk suruk nisalug, At Allahen oag werehon etno og nisaruk aruhumu, At Kristus ninim niniluk-at welamuhuk-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 1:4

Eke o dagma welahe ambeg dumen ninili wawag ulug At Ninikni Allahen ahla buruk apareg fam, At Kristus nit dag suruk aheon ninonggo bal ninabiog ulug warapag-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Efesus 3:12

Eke nit At Kristus ninim wilil, At obam ebetuk nisalug, ninakol elegsoho wilil At Allah apma waharuk ahe-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 10:10

Eke At Yesus Kristus etno At Allahen du suhu ulug ahla bebahon etno ilitoho suruk wilil, At ebe nit obog ninonggo inggik misihim-at Allah ake ombatebag etno fam, niren dag suruk aheon epmano sohorep isalug, ninindi ho ninaptuk-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

Yakobus 5:6

Eke it apheyen yi angge di angge dahon hinobam umburuk elehon etno hiren yuhun-at dahon inobam embeheg, eke inebe war inabeheg suruk atikibon oke, iren onggo urusa fug-o.

1 Petrus 3:19

Iluksoho minduhupfebagma, At Roh Kudus etno fam inahut hele warehon epmano yig isa lebag.

1 Petrus 4:1

At Kristus etno alem elegma ebe yuhun-at yikangge wapag halug, hit ari sebahon hinahla buruk wilil, hinindi oag wereg amag ulug ebetuk amiek-o. Alem elegma inebe yikangge war inaptuk ari fam dag surukon alem etno eleg atisi-o.

1 Petrus 4:6

Ari fam wene fano wene etno it warehon inim-at yig isarisi-o. Yig isarision etno inebe arat oag deloko imbisebag halug, fobik inahut At Allah inim wilil, ilitoho welamag ulug yig isarisi-o.

1 Yohanes 1:9

Eke ai Ninikni, nit ninindi dahon at-o ulug Allah yig ituk nisalug, Aren fano hinabuhuk ulug abug yig nisebag etno ilitoho suhu-o. Aren motoho-at suruk halug, dag surukukon epmano ninapelegsoho apma ninombisahaku-o.